رد: الغربه وزواج على حافة الانهيار..
عجبي !!
الله يهدي سركم ..
لكن منتدى مبتعث استفسارات عن مايخص البعثات والدراسه بالخارج وليس لحل المشاكل الاسريه
موضوع زي كذا انتي اللي تقررين موب اعضاء المنتدى
ماادري وش الحلول اللي تبينها نقول لا ماراح تتحملين تطلقي وسافري
ولا نقول عادي روحي الوضع سهالات
ولا شنو بالضبط ؟؟
ياعزيزتي لكل مقام مقال ومبتعث مو لحل هالامور .. تمنياتي لك بحياه مستقرة
كل التوفيق للجميع
رد: الغربه وزواج على حافة الانهيار..
لاتتطلقين ابغض الحلال عند الله الطلاق
اختي انا صارت لي مشكلة واقسم بالله تدهورت كثير واتهمت بالمنافق والفاظ كثيرة ولكن ديننا ماخلى شي وبعدها مثل الحلا
المشاكل لازم ولكن اعذريني على الاسئلة وطبقيها
1-بيتك دوري فيه وانتي عارفته زين اذا فيه من المنكرات حاولي تتخلصي منها
ومشكلة بعد اذا مايقرا فيه القران والاذان ترى له دور مهم كبير اسئلي مجرب
حاولي تقري على نفسك ممن تحفظين في قارورة ماء واغسلي نفسك فيها
او استمعي لرقية شرعية او شيخ وممكن تبين لك علامات الحسد
واتمنى ان شاءالله مافيه منها
لكن اذا المشكلة من فوق يعني ابوك امك ابوه امه خواته اخوانه اخواتك اخوانك
هذي خذي فيها استشارة شرعية
ويكون بمعلوميتك ترى الغربة تحل كثير من المشاكل لانكم بس لحالكم ولاتخافي
الغررررررررررررررررررررررررريب
تسألي العبااد ورب العباد موجود
اسئيله يملا الجنة والله ان شاءالله تفرج
وان شاءالله افدتك
رد: الغربه وزواج على حافة الانهيار..
صلو على النبي
والله يسهل امرك
بس انتي اعلم بحياتك وعادة نحن معشر النساء نهووووول الامر وبهارات فكري بعقلانيه وكان مافيه حسوفه البعثه جت بوقتها
رد: الغربه وزواج على حافة الانهيار..
.
.
.
رسالة لبعض الردود اللي تقطع وجيه اصحابها !
حاب اسئل سؤال للمليحين اللي مايعرف يحاور او ينصح او حتى يسكت !!
وش تعرف انت وياه عنها عشان كل واحد فيكم يذب كلمه تسمّ البدن ويطعن في أعراض الناس كنها لعبه !!
والمشكلة نشوفكم في مواضيع ضد ابتعاث الاناث بأسم الغيره !! تناقضون انفسكم انت وياه ! تطعن على كيفك وتغار على كيفك !
قبل تسجلون بالمنتدى كان فيه مكتوب باللون الاحمر اية من ايات الله "مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيدٌ" ق 18
تعرفونها والا ارجعو للتفسير اقرو عنها ... وهذي ايتين يقشعر منها البدن اذا قراها الواحد وبعدها قرا ردودكم
قال تعالى "إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ " سورة النور اية 23
وقال تعالى " وَمَا يَتَّبِعُ أَكْثَرُهُمْ إِلاَّ ظَنًّا إِنَّ الظَّنَّ لاَ يُغْنِي مِنَ الْحَقِّ شَيْئًا إِنَّ اللَّهَ عَلِيمٌ بِمَا يَفْعَلُونَ " يونس 36
.
.
.
رد: الغربه وزواج على حافة الانهيار..
حاولي تحلين مشاكل قبل موعد السفر
انت الاقرب لحياتك وزوجك تقدرين تغيرينه باسلوبك واقناعك الغير مباشر
وصدقيني كل رجل له طريقه تعامل وأنت شوفي زوجي أي تعامل ينفع معه وطبقيه
بالكلام الحلو والمعامله الحسنه تصفى النفوس،،ومن وجهه نظري الغربه تقوي علاقتك
مع زوجك خاصه أنه هناك مالكم غيربعض وكل طرف قلبه على الاخر
الله يسخركم لبعض ويسعدكم
بالتوفيق
رد: الغربه وزواج على حافة الانهيار..
يا ناس يا عالم وش جاكم !
يعني ما فيه امل حتى و ان بعضكم مبتعث ما يتعلم من البعثه كيف ادب الحوار و الاختلاف بين طرفين انقض من النقيضين مثل المُلحد و المسلم و حوارهم بأدب
يعني لازم حوار غبي سقيم قليل ادب كله سب و شتم ، يا عالم احترموا الناس ارتقوا لوجه الله ، يعني مستعد ترتقي لغربي و اجنبي و لكن العربي و المسلم و ابن بلدك منت مستعد تحترمه نفس الغربي !
اللي يقولك المنتدى فقط للبعثات ، و اللي يقولك وش بنسويلك حنا بندخل بيتك و نحل مشكلتك مع زوجك ، و اللي يقولك هذي تبي تطلع و تتخلص من زوجها ، و اللي يقولك هذولي خواتك اللي كذا مو بنات الناس ياللي فيك و فيك
يا عالم يا اخواني يا احبابي هذي مو لغة حوار و ادب ، حتى لو عندك وجهة نظر مخالفة اطرحها محد قال لا تطرحها لكن بأدب ، قل اللي تبي لكن بأدب
ما يظهر لي ان الاخت كانت تبي تشوف ناس مرت عليهم نفس التجربه و نصيحتهم بس بكل بساطه ، و اللي اعرفه من خلال سوالفي مع المبتعثين ان الغربه ما تصلح مع المشاكل من قبل لانها اصلاً في الغالب تسبب مشاكل بين الزوجين ، لكن اسأل الله لها الخيره
و بالتوفيق للجميع و "يا رب يجي اليوم اللي اشوف فيه حوار بأدب و احترام و دون انفعال و طعن في المخالف"
رد: الغربه وزواج على حافة الانهيار..
يا سبحان الله صحيح اصابع يدك و زي بعض فيه عقليات يا سبحان الله منها يا ربي لك الحمد والشكر بس ما اعرف كيف تطلع منها الكلمة وكيف يجي له نفس حتى يكتبة مو عاد يكتبة لشخص لدية خلل في ميزيان حياته
انا اعزب ولا اعرف الكثير عن الحياة الزوجية لكن الي اعرفه لا تسافرين لين تحليلن مشاكلك اختي الفاضله يكفيك مشاكل دراستك تجيبين مشكله معاك لدراستك
في الاول الاخير انتي صاحبة مفتاح المشكلة فبذكائك تحل كل مشاكلك
ملاحظة : المشاكل في كل بيت في كل زنقة دار دار في كل مكان الاذكياء هم من ينجحون في حلها
اتمنى لك حياة سعيدة خالية من المشاكل ونشوفك كذا راجعة معك شهادة كبيره كبر عقلك :)
رد: الغربه وزواج على حافة الانهيار..
.
.
والله ياختي استخيررررررررري ما خاب من استخار
الموضوع مو بالسهوله بمكان انك تتخـذي قرار ارتجالي
ما اعرف زوجك بسلامته ، لكن انتي لازم تعرفي ان انعدام الثقه كان من اي باب
وتحليلين امكانيه تماديه في الخارج هل ستزيد او تقل
علي حسب تهيئ الفرصه هناك سهل او صعب
في كثير ازواج مبسوطين وعال عال وعلي العكس في نساء كرهوا البعثه من ازواجهم وعقلياتهم المغلقه
ارجع واقلك استخيري ري العباد وفكري كويس بالموضوع
لانه من وجه نظري سلاح ذو حدين يا يدمرك لل سمح الله او يزيد الالفه والمحبه
واتمنى من الله تحقيق الثاني
عيدك سعيد وبورككتي
همســــه للشباب اللي خرجوا عن نطاق الموضوع
اذا كان الكلام من فضه فالسكوت من ذهب
رد: الغربه وزواج على حافة الانهيار..
لا تنسين تدعين الله دائماً بانه يهون مصيبتك ويحل مشاكلك
والله بيختار لك الطريق الصحيح
رد: الغربه وزواج على حافة الانهيار..
يمكن السفر يقربكم اكثر وتقرب المسافه بينكم
وبكل الاحوال مو خسرانه شي سافري لو ما قدرتي تكملين ارجعى
لكن انتى بطلى تشكى فيه ترا انتم البنات مخكم على جنب مركب مع احترامى لكم
فيكم شك غير طبيعي وتخلقون المشاكل من الهواء وبالاخير تطلعون الزوج غلطان