الأعضاء الإشتراك و التسجيل

الملتقيات
ADs

استفسار مرافق لزوجتي ونبي نسافر ببداية يناير

استفسار مرافق لزوجتي ونبي نسافر ببداية يناير


NOTICE

تنبيه: هذا الموضوع قديم. تم طرحه قبل 2337 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مدرسة الأبناء
    مدرسة الأبناء

    مبتعث مستجد Freshman Member

    مدرسة الأبناء الولايات المتحدة الأمريكية

    مدرسة الأبناء , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى إدارة تربوية , بجامعة الملك سعود
    • الملك سعود
    • إدارة تربوية
    • ذكر
    • بتسبرغ, بنسلفانيا
    • السعودية
    • Oct 2009
    المزيدl

    August 31st, 2011, 08:58 AM

    الحمد لله تم قبول زوجتي مبدئيا للمرحلة السابعة

    بس ماندري متى بتخلص الأوراق
    ولكن بودي استفسر عن الطريقة المثلى لتسريع قرار الابتعاث لأنه سمعت المشكلة الدائمة تأخر فيزة المرافق
    وأنا في بالي أطلع بفيزة طالب

    فهل أحضر قبول للمعهد من الآن وأقدمه على السفارة وآخذ موعد

    وهل الأفضل آخذ قبول أيضا لزوجتي ولا أخليها على ماهي عليه من قبل البرنامج لأنه سمعت أن اللي يجون عن طريق البرنامج تتم اصدار فيزتهم بمدة بسيطة خلال اسبوع

    مالتكاليف التي ستضاف علي في حالة البحث عن قبول بنفسي وهل ستعوضني الوزارة عما دفعته

    في الختام آمل الارشاد في أسرع طريقة للابتعاث
  2. مرحباً فيك اخي العزيز

    اذا تبي تسافر بسرعة

    احجز موعد في السفارة نهاية شهر نوفمبر

    بعدها راح تكون في ديسمبر اعتقد الملتقى

    وانت سويت المقابلة حتى لو ما جاك الايتوني قول لهم انك مبتعث عن طريق برنامج الملك عبدالله

    راح يعطوك ورقة اول ما يوصل الايتوني ارسله لنا

    انت جيب لك قبول من جامعة حتى لو من الحين او قبل الملتقى باسبوعين

    اول ما يوصل لك الايتوني لك ولزوجتك ارسله لسفاره

    بعد الملتقى خذ جوازك واغراضك والايتوني وروح ع التعليم العالي واصدر لزوجتك امر الاركاب وقرار الابتعاث وتسافر

    بس اهم شيء قبل الملتقى اما من ناحية ان الوزارة تعوضك لا يا اخوي الوزارة ما تعوضك بشيء ابداً

    بالنسبة لجلب القبول عن طريقك

    الملحقية تعوضك هناك في امريكا عن دفع رسوم السيفيس و رسوم الفيزا ( احتفظ بصور من دفع رسوم الفيزا في سامبا ضروري عشان التعويض )

    واي خدمة واستفسار انا حاضر

    مع تمنايتي لكم بالتوفيق
    7 "
  3. يعطيك العافية أخوي سراب

    طيب وش رايك بأفضل المعاهد للي اقل من المتوسط وفي منطقة مناسبة للعوائل

    رغم أني مايل لمعهد ile التابع لجامعة بتسبرغ بولاية بنسلفانيا
    ولكن لا أدري بالضبط عن غلاء المنطقة والحاضنات خاصة

    7 "
  4. والله يا اخوي ما تضمن اجراءات الوزارة يا ليل ما اطولك
    تدقيق نتايج ملتقيات قبولات فيزا
    انا من المرحله السادسه استلمت قبولي في فبراير
    وقدمت على الفيزا الامريكيه ولها سبع شهور ما طلعت وانا مبتعث مو مرافق
    ولسى ما سافرت انا والسبب الفيزا وتاخير الوزارة وغيري كثير ما سافرو
    الامريكان حساسين يتاثرو باي شئ يصير في الشرق الاوسط وحنا حظنا ماصارت
    الثورات العربيه والمشاكل الى في مرحلتنا
    7 "
  5. الحين حولت الى كندا
    لان اخر موعد لاصدار قرار الابتعاث 15 /شوال
    واذا الفيزا تاخرت لاسمح الله تروح الوزارة وتحول وعذرك قوي ان الفيزا متاخرة
    حتى الكنديه الحين صارت مو مثل اول
    الكنديه تاخذ حوالى شهرين او تطول بعض الاحيان
    والحين مقدم على الفيزا الامريكيه والفيزا الكنديه
    واي وحده تطلع قبل اصدر قرار الابتعاث على الفيزا سواء الكنديه او الامريكيه
    انت بس تفاؤل ويصير خير ان شاء الله
    اما تقول بروح يناير وبعدين تنصدم مثلي هذي بتاثر عليك
    انصحك تشتغل او تاخذ كورس خلال ها الفترة
    7 "
  6. المشاركة الأصلية كتبت بواسطة مدرسة الأبناء
    يعطيك العافية أخوي سراب

    طيب وش رايك بأفضل المعاهد للي اقل من المتوسط وفي منطقة مناسبة للعوائل

    رغم أني مايل لمعهد ile التابع لجامعة بتسبرغ بولاية بنسلفانيا
    ولكن لا أدري بالضبط عن غلاء المنطقة والحاضنات خاصة

    مرحباً فيك اخوي الغالي

    بصراحة ولاية بنسلفانيا ما عندي اي معلومة عنها بس لي زميل مع اخته مرافق هناك و زمان عنه ما شفته لاني انا في ولاية اوهايو مدينة داينتون جامعة رايت ستيت

    اقدر افيدك فقط عن اوهايو الولاية رخيصة من ناحية السكن ممكن تحصل شقة صالة و مطبخ ودورتين مياة ( انت بكرامة ) مع غرفتين بـ 800 دولار بالشهر

    وفيها بقالات عربية وفيها لحم حلال وفيها مطاعم كنتاكي ودومينوز وبيتزا هت وغيرها

    والمعهد اللي انا فيه تبع الجامعة يعني تخلص اللغة وتتوكل على الله تدرس في الجامعة بدون توفل ولا شيء

    والمدينة هادئه و امان والامان بالله رب العالمين والمدينة حق دراسة يعني مو كبيرة مقارنة بالولايات الثانية كالفورنيا وبنسلفانيا وغيرها

    :

    .

    بالنسبة لكم تبي نصيحتي اخوي واذا ناوي تطلع بدري على بعثتك

    باشر من الآن راسل الجامعة اللي تبي تدرس فيها حتى تلحق على كوارتر القادم بعد ثلاثة شهور يعني دراستك تصير في بداية يناير

    راسل المعهد اللي بتدرسوا فيه لغة و ارسل لهم شهاداتك وضمان بحسابك انت و صورة جوازك و جيب ايتوني من الان افضل

    وسدد سيفيس بس يوصلك الايتوني نصيحة اخ لاخوه صدقني الايتوني اسبوعين ياخذ بس يوصلك سدد سيفس

    بعدها احجز موعد في السفارة خصوصاً الحين ما فيه زحمة مواعيد قبل كل شيء لان بعدين بتصير زحمة من الطلاب المواعيد

    بعدها صدقني اسبوع بالكثير والفيزا عندك اذا سددت سيفيس و عندك الايتوني ما تطول الاجراءات كلها اسبوع وهي عندك كلام اكيد 100%

    بعدين خلي عندك الفيزا والايتوني وبس يصير الملتقى حتى لو جاك قبول من الوزارة حطه في الفرامة ما عليك منه

    روح الوزارة بالايتوني حقك و خذ امر الاركاب و القرار و احجز على القطرية تراها فخامة ما عليك من السعودية

    ملاحظات :-

    1- احتفظ بوصل من السيفيس اللي يوصلك ع البريد حتى يعوضوك
    2- صور وصل سامبا حق تسديد الفيزا حتى يتم تعويضك
    3- الكلام اللي كتبته لك عن تجربة مني انا جبت قبول لنفسي وقبول الوزارة رميته ع جنب

    والله يوفقك ويسر لك امرك

    تحياتي لك
    7 "
  7. كأن ياخوي سراب لا حظت ان بتسبرغ أنسب للعوائل

    وليس عندي معلومات كاملة عن اوهايو وخاصة جامعاتها ومستوى معاهد أكثر ماقرأت أن مستواها أقل من المتوسط

    ويهمني أن يكون بالجامعة تخصص إدارة تربوية للدكتوراه وهذا متوفر بجامعة بتسبرغ لاني مرافق وارغب بالحصول على قبول للدكتوراه بالإدارة التربوية والأهم تميز المعهد
    7 "
  8. المشاركة الأصلية كتبت بواسطة مدرسة الأبناء
    كأن ياخوي سراب لا حظت ان بتسبرغ أنسب للعوائل

    وليس عندي معلومات كاملة عن اوهايو وخاصة جامعاتها ومستوى معاهد أكثر ماقرأت أن مستواها أقل من المتوسط

    ويهمني أن يكون بالجامعة تخصص إدارة تربوية للدكتوراه وهذا متوفر بجامعة بتسبرغ لاني مرافق وارغب بالحصول على قبول للدكتوراه بالإدارة التربوية والأهم تميز المعهد
    مرحباً فيك اخي العزيز

    هذا رابط تجمع لطلاب مدينة بتسبرغ أضغط هنا

    أخوي أقرأ الموضوع حتى تكون عندك فكرة جيدة عن المدينة او معاهدها و جامعاتها

    وتبي الصراحة اكثر اخوي ما فيه ولاية مناسبة للعوائل و ولاية غير مناسبة

    جميع الولايات غربة صحيح ممكن تختلف من ناحية السعر أنا معك

    بس تعتبر كمان ولاية بنسلفانيا أختيار موفق لك

    و اتمنى لك كل خير والله يوفقك ان شاء الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.