حوار أنا ترشحت للابتعاث ولكن!!!!!

السلاام عليكم اخووي

داامك استخرت فربي يقدم لك الخير هنا او هنااك

بس ودي اقوول شي بعد اذنك ومن راي شخصي

اخووي مو لازم تاخذ طب والايلتس والشغل هذا كله خذ علوم طبية او صحية 4 او 3 سنوات وان جاز لك الوضع
كمل طب 4 سنوات الباقية وفي العلوم الطبية والصحية يمديك تختار امريكا او كندا
حتى لو ماجاز لك انك تكمل طب على الاقل عندك شهادة ياطبية ياصحية

انا مااعرف عن الشي اللي قلته انو ناس تخرجت ماتخرجت بس انت وشطارتك لاتسمع لكلام النااس
يعني اللي يمشي بشخص مو لازم يمشي فيك

حبيت اقووول هالشي وانت براحتك وكل هذا رااجع لانت الشي اللي ترتاح له

مووفق اخووي وين ماتكوون

موفق ياارب

dr.skull

ماخاب من استشار ولاندم من استخار ..

صدقني اذا كانت هالاستخارة من قلب ماراح تندم ابداً وانا مجربة ولا راح تفكر فيها أصلا لانه صرفك عنها وعوضك باحسن منها...

اسأل الله ان يوفقك لما فيه خيري الدنيا والاخره وينفع بك هذه البلاد ...

تقبل مروري

اخووي..

دام ان طموحك الطب لا تتخلى عنه وواضح انك جاد في الدراسسه وطموح ماشاءالله عليك ..
حبيت اقولك ادرس الشي اللي تميل له عشان تبدع فيه ...
الله يوفقك وينور دربك وييسر امورك ..

فعلا الخيره فيما اختاره الله

بالتوفييييييييق

والله ياصديقي بقول لك شيء ...

كثير مننا من طلع على الدنيا والحمدلله اهله موفرين له كل شيء ..

يعني غالبا مايحتاج شيء كل اللي عليه انه يدرس وبس ...

فكانت طلباتنا موب ناقصها الا ان الواحد يقول يا اهلي تراني ابي كذا وخلاص سوا اللي عليه ...

كل ماكبرنا وانتقلنا من مرحلة الى مرحلة تغير علينا شيء واستجد علينا شيء جديد

اهالينا صارو ينسحبون بشكل غير ملحوظ عشان نتعود احنا بعد عالدنيا ...

وانت مريت بمرحلة انا مريت بها وكثير ناس مرو فيها .. وهو انه يتمنى يكون شيء وفي الاخير يكون شيء ثاني ..

ولكن !!!!!

لو كُشفت صُحف الغيب عنّا ,... ما اخترنا الا مااختاره الله لنا !

واللي يميزنا نحن المسلمين عن غيرنا هو الاسلام

والحمدلله دامك تقول استخرت فثق ثقه تامه ان الله بيكتب لك الخير فيما استخرت فيه

وصرف عنك شر في الشيء اللي طلبت منه بالاستخاره

انا سبق وصارت لي نفس مشكلتك .. بس انا زود على هم الليالي ****** مشكلتين مشكلة شروط ومشكلة بدول الابتعاث

عندي سمو سيدتي الوالده الله يحفظها هههههه كانت تقول " امريكا ذي منيب احبها ههههههه" وتقول اذا بخاطرك تدرس رح بريطانيا لو على حسابك

امنا بالله رحت بريطانيا وسنعت اموري والله ياصديقي ان معي واسطات كل واحد يقول انا اقوى من الثاني ...

لكن تعرف اللي معاملتك متعكره مافيه امل تمشي مررره مررره يعني سبب مبهم !!

جلست فترة خلصت لغة رجعت هنا الواسطات ماقصرو وعند وعودهم جابو لي بعثه لاامريكا

لكن ماقويت اطلع وانا اعرف ان الوالده موب مرتاحه مع ان الوالده ماتخالف بس انها مهيب مرتاحه ..

وبعد ماكبرنا بدل مانريحهم نشقيهم معنا فانا كانت هذي نظرتي والله

لكن برضو مشكلة لا وظيفة ولا دراسه والسنين تمشي والوقت محسوب

فقررت بس ارجع بريطانيا على حسابي اهم شيء الوالده ترتاح ... وسبحان الله قبل السفر بسبوع ! تغيرت الامور 180 درجه !!

اخذت طريق ثاني والحمدلله افضل من البعثه .. لكن برضو مازال في خاطري اني اكمل ..

وسبق وتكلمت بالموضوع مع واحد ماشاء الله دكتور وله مكانته في الدولة فقال لي نحن مسيرين وليس مخيرين !

يقول على وضعي الان ومكانتي الا ان امنيتي اني اكون طبيب !!

فهذا اول موقف بتواجه بحياتك .. وبكره بتواجه غيره وغيره ..

تلقاك ترسم لشيء لكن الحياة تاخذ منحنى ثاني ولازم تعود نفسك على هالشيء عشان ماتنصدم فيها

فسبحان الله انا اريد وانت تريد والله يفعل مايريد ... لكن الاكيد اللي احنا متاكدين منه انه خير لنا في حياتنا واخرتنا ان شاء الله


اسف عالاطالة ..


كنت ناوي احذف المشاركة لوهله هههههههههههه بس قلت عل وعسى تستفيد او غيرك يستفيد :$

الباسمة

ضربتي على جرحي لأني أحس بأعماق قلبي شي يقول لي قهر تفوتك الدراسة برا
أسأل الله العلي العظيم أنه يجازيك عني خير الجزاء أحس براحة ليا قريت ردود واثقة مثل ردك
شاكر لك..

بارك الله فيك ورزقك الجنة ووفقك في دينك ودنياك لكل خير وصواب إطالتك بالرد أسعدني لأنك تفاعلت معي
الله يفرج عنك كرب الدنيا والآخرة وعسى الله ييسر علي وعليك وعلي جميع المسلمين وكل من رد وتفاعل معي لأني والله أحس أن عظامي باردة نوع من الخوف والرهبة للمستقبل المجهول ...اللي يجيني من ربي أحمده وأشكره عليه وأؤمن به لأن هذا فرق بين المسلم وبين غيره

شاكر مرور الجميع والله يوفقنا وياكم بديننا ودنيانا

دام انك استخرت ... امورك ان شاء الله في السليم ...

بالتوفيق للجميع ...

والله اني مثلكك واستخرت وما زلت محتاااار
بس عندي سؤال هل لا سمح الله ما قدرت اجيب 5 بالايلتس وحولوني (( لا قدر الله )) لعلوم طبية هل اقدر اختبر مره ثانيه وارجع لتخصصي اللي انا اخترته

احتترم وجهااات نظركم بس ان اشوف ان البعثة فرصة لا تعوض