الأعضاء الإشتراك و التسجيل

الملتقيات
ADs

مالي غيركم افيدوني يالغالين والغاليات

مالي غيركم افيدوني يالغالين والغاليات


NOTICE

تنبيه: هذا الموضوع قديم. تم طرحه قبل 2336 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية يارب يسرها لنا
    يارب يسرها لنا

    مبتعث مستجد Freshman Member

    يارب يسرها لنا الولايات المتحدة الأمريكية

    يارب يسرها لنا , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Marketing , بجامعة تكدس university
    • تكدس university
    • Marketing
    • ذكر
    • تكدس city, التكدس الامريكي للطلبة السعوديين
    • السعودية
    • Aug 2011
    المزيدl

    September 2nd, 2011, 01:33 AM

    السلام عليكم ورحمة الله وبركاته

    قبل كل شي يالغالين والغاليات ( كل عام وانتم بخير ومبروك للمقبولين في برنامج الابتعاث للمرحلة السابعة )

    الله يعطيكم العافيه انا عندي استفسارات شوي محيرتني ماني عارف لها حل

    قلت مالي الا الله ثم هالمنتدى الحبوب والمملوح

    اسالتي كالتالي :

    س1 / انا خريج قسم اعلام اذاعة وتلفاز واخترت الاقرب اللي هو ( تسويق ) اقدر هناك احول لعلاقات عامه او سينما او اذاعة وتلفاز بمايتناسب لتخصصي ؟؟

    س2 / انا باقي ماطلعت جواز سفر هل اجراءات جواز السفر تطول والا اكمل البيانات اللي طالبينها واترك جواز السفر لين اطلعه ومن ثم اكتبها ؟؟

    س3 / انا امنيتي امريكا بسبب ان شهادتها قويه في الماجستير لكن قالو لي ناس الله يعينك ترى امريكا ممتازه جدا لكن سياسه وامور تخوف فقالوا لي كندا ( وشهو الانسب ؟؟ )

    س4 / بخصوص الدوله يتم الاختيار مني او من عندهم واذا مثلا اختاروا لي دوله ماابغاه في مجال احول لدولة اخرى ؟؟

    س5 / كم الفترة اللي نخلص فيها الاجراءات للسفر تقريباً كم تاخذ اذا خلصتها بدري بدري ؟؟ ( لان زواج اخوي شهر 6 شكلي بأطلع وانا ماحضرته )

    هذي هي الاسئله واللي بيرد لي له دعوه مني بالحرم ان الله ييسر اموره ويوفقه ويشرح صدره ويجعله دكتور في افضل مكان هو يحبه

    انتظر ردودكم على احر من الجمر

    والله يجعل قبولي وقبلوكم بالجنه قولو آآآآآمين
  2. بخصوص تخصصك ماعندي عنه اي خلفيه فيه
    الجواز اذا طولت في الإجراآت ماياخذ منك اكثر من ثلاث ساعات
    الدوله انت ادرى بمصلحتك واذا تبي شوري اشوف كندا افضل منها بمليون الف مره من زوايه ذكرتها و زاويه اخرى
    اختيار الدوله طبعا هم يحدودها لك وتكون على حسب رغابتك اللي اخترتها عند التقديم وفي الاغلب تحدد لك الرغبه الاولى ونادرا ماتكون الاختيار الثاني او الثالث
    الاجراآت اذا خلصت بدري يمكن تاخذ 6 شهور واتوقع انك بتحضر زواج اخوك وبتشوف اولاده بإذن الله تعالى وانت لسى ماخلصت
    بالتوفيق
    7 "

  3. س1 / انا خريج قسم اعلام اذاعة وتلفاز واخترت الاقرب اللي هو ( تسويق ) اقدر هناك احول لعلاقات عامه او سينما او اذاعة وتلفاز بمايتناسب لتخصصي ؟؟
    فيه مجال أنك تحول بس بشرط
    يكون القسم اللي تبي تحول له يكون من ضمن التخصصات الموجودة ببرنامج الإبتعاث

    س2 / انا باقي ماطلعت جواز سفر هل اجراءات جواز السفر تطول والا اكمل البيانات اللي طالبينها واترك جواز السفر لين اطلعه ومن ثم اكتبها ؟؟
    إذا رحت للجوازات وأوراقك كاملة تاخذ جوازك بنفس اليوم
    س3 / انا امنيتي امريكا بسبب ان شهادتها قويه في الماجستير لكن قالو لي ناس الله يعينك ترى امريكا ممتازه جدا لكن سياسه وامور تخوف فقالوا لي كندا ( وشهو الانسب ؟؟ )
    أنا عن نفسي كرهت أمريكا ومشاكلها
    متقعدة للمبتعثين السعوديين ع الحبة
    ما كأنهم مرسولين بفلوسهم
    كأنهم أكلوا أموالهم
    أنا لو كيفي أوقف الإبتعاث لأمريكا وأخليهم بحسرتهم لأنهم يكسبون ورا المبتعثين عن طريق دولتنا الله يحفظها من كل شر شي كبير

    س4 / بخصوص الدوله يتم الاختيار مني او من عندهم واذا مثلا اختاروا لي دوله ماابغاه في مجال احول لدولة اخرى ؟؟
    من عندهم إختيار الدولة
    بس حسب علمي تقدر تطلب تحويل وأنت وحظك
    إما يقبلون وإما يرفضون

    س5 / كم الفترة اللي نخلص فيها الاجراءات للسفر تقريباً كم تاخذ اذا خلصتها بدري بدري ؟؟ ( لان زواج اخوي شهر 6 شكلي بأطلع وانا ماحضرته )
    على حسب الدولة اللي يتسافر لها وبداية الدراسة عندهم
    من شهر 2 (صفر) يبدأ السفر إلى شهر 10 (شوال)


    أتمنى أكون أفدتك
    دعواتكـ أنقبل بالمرحلة السابعة
    للحين على أعصابي
    7 "
  4. هلابك اخوي وكل عام وانت بصحه وسلام

    اولا بالنسبه لتغيير التخصص يمديك تغيرة اثناء فترة اللغه ومو شرط انه يكون من ضمن التخصصات المطروحه
    لكن للتقديم على الابتعاث لازم تقدم على احد التخصصات المطروحة وذا رحت هناك ان شاء الله تقدر تغييرة


    2- الجواز ما ياخذ منك شي اول يوم تخلص الاجراءات ومن بكرة تجي وتستلمه الاسبوع الجاي رح وطلع جواز

    3- امريكا اذا قصدك المشاكل السياسيه هذا ما شاء الله فيه اكثر 50 الف مبتعث في امريكا ما جاهم شي الحمد لله و الله يحفظهم
    بس اهم شي خلك في حالك ودراستك وخل عنك الامور الثانيه
    وبعدين كندا اصعب في القبول الجامعي و جامعاتها قليله مو مثل امريكا

    4- الدول انت اللي تختار الدوله حسب نموذج الطلب اللي عبيته

    5- بالنسبه للفترة والله مادري لانه توهم بس طلاب المرحلة السادسة بدا التقديم في شهر 9 طلعوا على شهر 2 و3
    والمرحلة السابعة التقديم بدا شهر 9 يعني بيننا وبينهم شهر اتوقع على شهر 3 او 4
    بس يمديك تاجل لان فيه ناس من طلاب السادسة الى الحين ما طلعوا

    موفق
    7 "
  5. ماشالله أخواني وخواتي الي قبلي ماقصروا معك لآكن بضيف أجاباتي على أسألتك عشان تدعي لي بالحرم =)

    س1 / انا خريج قسم اعلام اذاعة وتلفاز واخترت الاقرب اللي هو ( تسويق ) اقدر هناك احول لعلاقات عامه او سينما او اذاعة وتلفاز بمايتناسب لتخصصي ؟؟

    تقدر تحول لو كانت " العلاقات العامه " إمتداد لتخصصك الي تخرجت منه , أومثلا لو قبلوك على أنك تسويق لآزم يكون القسم الي محول له إمتداد لتخصص التسويق

    س2 / انا باقي ماطلعت جواز سفر هل اجراءات جواز السفر تطول والا اكمل البيانات اللي طالبينها واترك جواز السفر لين اطلعه ومن ثم اكتبها ؟؟

    لآ لآ وسع صدك مع جواز السفر و خله أخر همك , لأنه مايآخذ أكثر من يوم =)
    أهم شي في مرحلة التدقيق تكون معك


    س3 / انا امنيتي امريكا بسبب ان شهادتها قويه في الماجستير لكن قالو لي ناس الله يعينك ترى امريكا ممتازه جدا لكن سياسه وامور تخوف فقالوا لي كندا ( وشهو الانسب ؟؟ )

    كل المبتعثين يمدحون الدولتين شعباَ و علما , فلا تلتفت بـ " قالو لي " !
    مآذبحنا غير القيل و القال =)
    أستخير و توكل على الله و ربي بيخيرك و يريح بالك =)


    س4 / بخصوص الدوله يتم الاختيار مني او من عندهم واذا مثلا اختاروا لي دوله ماابغاه في مجال احول لدولة اخرى ؟؟

    ماراح يطلعون عن ال 3 دول الي أخترتهم أن شالله , فلا تقلق

    س5 / كم الفترة اللي نخلص فيها الاجراءات للسفر تقريباً كم تاخذ اذا خلصتها بدري بدري ؟؟ ( لان زواج اخوي شهر 6 شكلي بأطلع وانا ماحضرته )

    أممم والله هالشي مالي علم فيه كثير لاكن على حساباتي مع بعض المبتعثين السابقين تقريبا بعد 5 إلى 6 شهور أنت في بلد الابتعاث و ممكن تلحق زواج أخوك , الله أعلم =)

    هذي هي الاسئله واللي بيرد لي له دعوه مني بالحرم ان الله ييسر اموره ويوفقه ويشرح صدره ويجعله دكتور في افضل مكان هو يحبه

    المصدر: مالي غيركم افيدوني يالغالين والغاليات
    حفاظاً على حقوق الكاتب نرجو عدم حذف المصدر مبتعث
    أمآنه بالله أبي دعوه منك أن ربي ييسر لي أموري و أمور مرافقي و يلتحق بالبعثه معي

    ربي يوفقك و يسهل لك أمورك =)
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.