بخصوص استمارة طلب الإبتعاث في مرحلة التدقيق.. الرجاء المساعدة!

السلام عليكم

الأخوان هنا في المنتدى يقولون ان بإمكان الطالب الحصول على استمارة طلب الإبتعاث من موقع الوزارة.

طيب أنا سويت بحث في موقع الوزارة وما طلع لي الا ( استمارة إصدار قرار الإبتعاث ) فما أدري هل هي نفسها والا لا؟؟

واذا ماهي المطلوبة .. أرجوكم حطوا رابط مباشر للاستمارة .. الكثير يسألون عنها :|

شكراً وجزااااكم الله ألف ألف خير.

الاستماره المطلوبه هي استمارة اللي سجلت فيها بياناتك وحطيت معلوماتك وخياراتك وكل شيء اول استماره عبيتوها ...

كيف تطلعونها ان شاء الله يجي واحد يعلمكم كيف لان ماعندي خبر :$

فيه خيار طباعه في نفس الاستماره الي عبيتوها

السلام عليكم و رحمة الله و بركاته
أولا أتمنى لك و لي و للجميع التوفيق و نصير مبتعثين رسمي
شوف ياخوي المطلوب هو إستمارة الطلب و هي نفس الصفحة إلي أنت عبيت فيها بياناتك و رغباتك و معلوماتك في التقديم الإلكتروني أما طريقة طباعتها فهي الله يسلمك إنك تخش على ملفك إلي أنت سويته بالموقع تحط رقم الطلب إلي جاك بعد ما قدمت و كلمة المرور إلي أنت اخترتها و بعدين بيجيك عاليمين عدة مربعات فيه مربع اسمه نمادج مهمة في من ضمنها خيار طباعة الطلب اضغط عليه عشان تطبع مباشرة أو يمديك برضو تحفظ الإستمارة بصيغة PDF و بعدين تطبعها اختار الي يناسبك و الله أعلم بالتوفيق

الله يعطيكم ألف عافية جميعاً !!!!

ان شاء الله نتوفق ونصير كلنا زملاء مبتعثين رسمي يااااا رب :]