مساعدة زواج بعثه بعثه زواج >> أم التعقيد والحيرة

والله ياعزيزتي ... اتركي العناد على جنب وهواشك مع اهلك ورغباتك على جنب وفكري بمنطق شوي ...

انعم الله علينا في ديننا بصلاة الاستخاره .. استخيري مره ومرتين وثلاث ... واللي ترتاحين له سويه ...

واذا حسيتي انك مارتحتي لشغله فسبحان الله القرار اللي تتخذينه يطرح الله فيه البركه ...

احسبي ايجابيات الزواج وسلبياته .. احسبي ايجابيات دراستك وسلبياتها .. وقارني بينها ..

رغبات والدك ووالدتك اهم شيء .. لانك بمجرد تراعين شعورهم ورغباتهم الله يطرح لك البركه في حياتك ...

رغباتك انتي وش الاهم يكون عندك بيت وزوج واولاد ... والا تكوني حاصله على شهاده علميه ...

طبعا راعي جنسك انتي اوب رجال تقولين لا بكمل ومصيري اتزوج .. انتي بنت وانتي اعرف بظروفك وظروف مجتمعك ..

خصوصا من بياناتك ان حسب علمي الضعيف لكم عادات وتقاليد تختلف شوي يعني بالعربي البنت لها سن محدد تتزوج فيه

شاوري من تثقين برايه ودائما لكل واحد فينا مستشار خاص ونرتاح لرايه مع انه من جنبها لكن سبحان اللي خلانا ناخذ برايه ...



انا بصراحه وللأسف لو بتشاوريني بقول لك وش تبين بالزواج هههههههههههه لاني اتكلم واعرف المجتمع اللي انا فيه الزواج على قولتهم لاحقين عليه , فنختلف شوي عنكم فشوفي وضعك اول وراعيه ... هذا والله اللي عندي , واسف اذا ماقدرت افيدك لان مواضيع الزواج وهالخنبقه منيب احب اخوض فيها واجد لاني منيب احبها ههههههههههههه ...


موفقه يارب

يعني انا اللي احبها ...
مشكووور يا S
لكن من فحوى كلامك تزوجي احسن لك ..
ع فكره صورتك روووعه

انا قلت لك قارني وعطيتك نقاط تقارني على اساسها ..

وشوفي قرارت نفسك واذا يهمك قرارات والديك شوفيها برضو ...

واستخيري ... هذا ملخص ردي : )

عارفه والله وماقصرت يعطيك العافيه .. s

الله يعافيك....

يابنت الحلال
جاك مرافق سنع

اسمعي كلامي زين
تزوجي الحين ولاتضيعين ابو الشباب السنع عليك
وبنفس الوقت كملي اجراءات بعثتك بهدوء

ومن رايي لاتشرطين البعثة على زوجك يمكن يهون يحسب عينك قوية ومن هالحين تتشرطين
اشرطي عليه فقط انها ترغب بإكمال الدراسة والوظيفة من بعدها بسسس لاتجيبين طاري ابتعاث

واذا تزوجتي على خير تكونين ضمنتي الزوج باقي البعثة اللي انتي مكمله اوراقها وخالصة
صارحي زوجك بالموضوع
وقولي له خل نجرب نبتعث وش ورانا وان ماااعجبنا الوضع رجعنا صدقيني على طول بيوافق لأنها جد فرصه خصوصا انه ماراح يتكلف وكل شيء مدفوع

والبعثة تقدرين تأجلينها من 6 شهور الى سنه على بال ماتكونين رتبتي امورك مع زوجك

ان شا الله خير ..مشكووره ياعاقله ولكن .. >> طيب ليش ولكن منتي عاقله اهوه

صلي صلاة الاستخارة و كوني على يقين إن الله راح يهديك للصواب ,, و برضوا خلي اهلك يعرضوا موضوع البعثة و رغبتك فيها على الخاطب وشوفي ايش راح يكون ردة و بعد كذا اتخذي قرارك .. بالنسبة لأهلك حاولي تجلسين معاهم و تناقشينهم بهدوء و تقنعينهم بوجهة نظرك

انا بس ودي ادري وين المشرفين؟
ياعالممممم هذا منندى اكاديمي مو اجتماعي روحو اي موقع واطرحو قضاياكم خاصه البنات
المنتدى راح يظل لمدة سنه زي المرحله السادسه
نبغى مواضيع تنفع اللي بعدنا بس للاسف زواج طلاق او اسئله مكرره مليون مره
الله يحطك بالخيره

السلام عليكم ...
قرأت حيرتك الواضحه في كلماتك ..
لكن الاهم من الخيارات الموجوده امامك ... هو انتي ماذا تريدين ؟
اذا بحثت في نفسك عن الذي تريدينه بشغف هذا ام ذاك وتريدين تحقيقه فأختاريه بلا ندم ..

و ممكن قرار البعثه يكون اختبار جيد لزوج المستقبل ..
فإذا تقبل الموضوع بشكل عقلاني فهذا يجعل منه رجل يستحق الاحترام
ام اذا كان القرار بنفي .. فأعلمي ان البعثه بابها مفتوح بإتساع ..

وعلى العموم موفقه في الاثنين ..