زواج بعثه بعثه زواج >> أم التعقيد والحيرة
مرحبا صبايا وشباب
انا مرشحه ولله الحمد وكنت متشجعه جدا للبعثه
اللي غير وضعي عريس تقدم لي ولخبط ام الدنيا عندنا أنا ابي البعثة والاهل يبون العريس ويقولون مال البنت الا الزواج
مع انهم كانوا معي ف موضوع البعثة ومشجعيني ..
انا احترت وتعبت وكل شي ولا فرض الرأي عليهم ومعاندتهم ومع هذا أقول لا الدراسة والبعثة أهم ..
لأني محتارة جدا وتعبت إن وافقت عليه يمكن مايوافق اطلع بعدين وإن رفضته يمكن مايطلع قبولي
وش رأيكم ..:(.. فديــــــتكم
رد: زواج بعثه بعثه زواج >> أم التعقيد والحيرة
ان شاء الله ترشحين للبعثة وابو الشباب يوافق على الروحه
اذا مكتمله الشروط اعتبري نفسك اكيد ان شاء الله
رد: زواج بعثه بعثه زواج >> أم التعقيد والحيرة
والا في حركه اسمها قبول مشروط يعني طلعت البعثة يتكنسل كلش ههههه وان ما طلعت الامور تمام
رد: زواج بعثه بعثه زواج >> أم التعقيد والحيرة
عطوه خبر, يعني من الحين, قولي لأهلك يقولون ان رغبتك في الدراسة برا, عشان تشوفون وش رايه, واعتقد ان بإمكانه يطلع مرافق وياخذ استثنائية.
رد: زواج بعثه بعثه زواج >> أم التعقيد والحيرة
اول شي استخيري ،،
وثاني شي تقدرين تشرطين على الزواج انه يكون بالبعثة ،، واسألي يمكن زوجك يرغب بالبعثة ؟
رد: زواج بعثه بعثه زواج >> أم التعقيد والحيرة
يسلمووو ابراهيم ....
كيف يعني قبول مشروط تقصد ان الجامعه تحط شروط وبهذا مايمكن انقبل حتى..
رد: زواج بعثه بعثه زواج >> أم التعقيد والحيرة
مثل ما قال المجوهر ممكن تشرطين عليه البعثة..
والزواج صدقيني هو الأفضل للبنت
رد: زواج بعثه بعثه زواج >> أم التعقيد والحيرة
اقتباس:
المشاركة الأصلية كتبت بواسطة Malak alshoog
يسلمووو ابراهيم ....
كيف يعني قبول مشروط تقصد ان الجامعه تحط شروط وبهذا مايمكن انقبل حتى..
لا يعني قولى لخطيبك انك تنتظرين البعثه هذا الشرط تحقق يعني قبول
ومن الناحيه الثانية انك تنتظرين البعثه جت وهو رافض فكرة البعثه معوضين خير
بعدين فرصته يطلع ويدرس اذا فيه حيل
ويارب تجيك موافقه من الأثنين 1- الترشيح 2- موافقت الخاطب
رد: زواج بعثه بعثه زواج >> أم التعقيد والحيرة
..
لو أنا مكانه , آخذك ونطلع البعثة سواء , واللي يصير يصير <<< أرحمنا يا شيخ , وش عنده طااير :D
المهم أني من رأيي المنكفت على عَقبيه ,
أقول أنكِ تشوفين أبو الشباب على قولة أبراهيم يمكن يطلع قدع ويحسبها صح ويعتبرك عصفورين ( بعقد زواج ) , :)
ولو ما أعتبرك عصفورين مو بالضرورة أنه ما يكون قدع , أنا متأكد إن عنده خطط إستراتيجية كبيرة شغال عليها , فأنصحك تعطينه فرصه :)
خروج عن الهرجه :
من جد بنات السعوديين هالأيام يركضون وراء إشباع رغباتهم من طموح و محاولة إثراء حياتهم بالتجارب بحجه الركض وراء التعليم
وينسون أنفسهم , وما المفترض أن تكون عليها خطى حياتهم بسبب غياب حس المسؤولية عندهن
نحن نعاني من مشكلة في ترسيخ قواعد أولوياتنا , ورسم خططنا بناءاً عليها .
<<<< يالله , أحسني كبيييير ومخضرم وأنا أتكلم بهالنَفس الصعب ( إحساس أوَوَوَسم , شيئ خوورافي ) :)
المهم أنك تعرفين أنتي بالنهاية وش تبين من هالحياه , وأيش الأولويات اللي المفروض تحومين حولها
وأيش اللي ممكن أنك تعيشين بدونه فيما لو خسرتيه , و مين يستحق التضحية ..!؟
إنتهاز فرصة البعثة , أم الإرتباط في عصر صعب الواحد فيه يلاقي فرصة زواج
وفي كل الأحوال حتخوضين حياتك بتجارب منها اللي يعميك , ومنها اللي يسبطك
بعثة >>> بعد ثلاث سنوات ( شهادة كبيرة إذا أجتهدتي و أنكبيتي على دراستك زي الشطار ).
زواج >>> بعد ثلاث سنوات ( يمكن ثلاث بزران إذا كنتوا صاملين ) :)
الله يوفقك يا بنت ولا تآخذين كل كلامي على محمل الجد .
أوكيه ..!؟
..
رد: زواج بعثه بعثه زواج >> أم التعقيد والحيرة
بالعكس ياظل البرق كلاااااااااامك راااااائع جدا >>> مزيج من المزح والجد ;)
وووو كل الشكر لك .. طيب وش نسوي اذا صار الرجال اللي بمعنى الكلمة ناادر فصرنا نشوف ان الدراسة احسن
ومثل ماقلت 3 اطفال ب 3 سنواات هذي حياااة !!
وشكلي فالنهاية راح اخليها كلها لا بعثه ولا زواج اريّح وارتاااح