التوصيات هذي السنه غير مطلوبه
السلام عليكم
عندي كم استفسار واتمنى تساعدوني
1-الحين لمن اترجم اوراقي هل لازم اترجم شهاده حسن السيره والسلووك
2- التوصيات هذي السنه ماهي مطلوبه من ضمن اوراق مرحلة التدقيق يعني ماله اي داعي اوديها معي صح ولا انا غلطانه
3- في استماره التقديم للجامعه الاجنبيه طالب اسم التخصص وانا تخصصي تسويق هل اكتبه ( Marketing)
ولا له مصطلح ثاني
4-ابغى مكتب ترجمه في الدمام واسعاره معقوله لاني لقيت مكتب ترجمه في الاحساء سعر الورقه 80 ريال وكل اوراقي تطلع علي ب800 ريال يعني لو مترجمه كتاب ما ادري بكم يطلع علي
وشكرا مقدما وياجعل كل من يساعدني ربي ييسر امره ويسخر له خلقه ويجعل له في كل خطوه يخطوها توفيق
رد: التوصيات هذي السنه غير مطلوبه
انا اشوف مدام التوصيات معك موجوده خذيها صحيح ماطلبوها بس احتياط والباقي والله ماعندي معلومه عنه
uuuuuuuuuuuuuuuuup لعيونك
رد: التوصيات هذي السنه غير مطلوبه
ياشيخه عليك موضوع!!!!
قلناها قبل اقرووووووووو المواضيع جاوبو الاعضاء مليوووون مره
رد: التوصيات هذي السنه غير مطلوبه
مرحبا اختي
١- يستحسن ترجمتها ، مع العلم انهم لم يطلبونها هالسنة
٢- ماله داعي تودينها معك ،، بس مطلوبه في نموذج التقديم للجامعة الاجنبية (يعني اسم الموصي ، ورقمه او ايميله )
٣- marketing صح هو الترجمة الصحيحة لكلمة تسويق
٤- ما اعرف في الدمام بس الي تحتاجينه انتي فعلياً ( ترجمة الوثيقة + السجل الاكاديمي) فقط المفروض ماياخذ عليك مبلغ كبير واشوف بعض الكليات والجامعات الحين صارت تحط الاسم بالانقليزي والتخصص جنب العربي وكذلك السجل الاكاديمي يطبع بالانجليزي ،، اذا سجلك كذا ماتحتاجين ترجمة خلاص
وشيكي على الجامعة حقتك ترى بعض الجامعات يكون عندهم سجل اكاديمي باللغة الانجليزية ويطبعون لك الوثيقة بالانجليزي لو طلبتي منهم واعتقد ببلاش او بمبلغ رمزي بسيط
بالتوفيق
رد: التوصيات هذي السنه غير مطلوبه
التوصيات مطلوبه فقط بالجامعات بدول الابتعاث وقت التدقيق غير مطلوب
رد: التوصيات هذي السنه غير مطلوبه
اعرف مكتب الحربي للترجمه المعتمده هو بالخبر بس ما اعرف مكانه بالضبط
رد: التوصيات هذي السنه غير مطلوبه
انا ولد خالتي ترجم السجل الاكاديمي تبعي بمكتب العبيد بالدمام مقابل الجوازات اتوقع
هو ماقال لي السعر
لكن اتوقع سعرهم معقول
اما المكتب اللي قلتي عنه الورقه ب80 ريال لاتروحين له نصابين
اللي بالدمام اسعارهم معقوله يمكن الورقه تطلع 25 ريال
رد: التوصيات هذي السنه غير مطلوبه
اقتباس:
المشاركة الأصلية كتبت بواسطة ابو بدر0
السلام عليكم
عندي كم استفسار واتمنى تساعدوني
1-الحين لمن اترجم اوراقي هل لازم اترجم شهاده حسن السيره والسلووك
2- التوصيات هذي السنه ماهي مطلوبه من ضمن اوراق مرحلة التدقيق يعني ماله اي داعي اوديها معي صح ولا انا غلطانه
3- في استماره التقديم للجامعه الاجنبيه طالب اسم التخصص وانا تخصصي تسويق هل اكتبه ( Marketing)
ولا له مصطلح ثاني
4-ابغى مكتب ترجمه في الدمام واسعاره معقوله لاني لقيت مكتب ترجمه في الاحساء سعر الورقه 80 ريال وكل اوراقي تطلع علي ب800 ريال يعني لو مترجمه كتاب ما ادري بكم يطلع علي
وشكرا مقدما وياجعل كل من يساعدني ربي ييسر امره ويسخر له خلقه ويجعل له في كل خطوه يخطوها توفيق
وعليكم السلام
تترجم الشهادات اذا هي ماهي مترجمه من قبل الجامعة واغلب الجامعات ذا الايام يطلعونها عربي- انجليزي والسجل الأكاديمي
التوصيات مهمه جيبها ومنت خسران حسب ما قالي الدكتور في الجامعة ممكن يقبلونك بناءا على توصيتك بغض النظر عن درجاتك
يس Marketing " شكل التخصص واحد انا واياك ولا وشكل الرحله بعد واياك "
اسالني عن الرياض
رد: التوصيات هذي السنه غير مطلوبه