عرض للطباعة
السلام عليكم جزاء الله كل من ساهم في هدا المنتدى خير
الله يفرج همكم تعبت وانا افكر انا خريجة كيمياء حيويه مااعرف اي قسم اقرب لهذا القسم من بحثي وجدت انه المختبرات لكن هده السنه مو منزلين مختبرات بس علوم طبيه وكيمياء واحياء والمشكله الكيمياء بعييييييده عن قسم الحيويه الي يعرفها ....الله يسعدكم اصحاب الخبره يفيدوني
وثانيا: على اي اساس اختار الدوله واعرف الجامعات والمعاهد في هده الدوله معليش راح اتعبكم بس ماعندي خلفيه
من معرفتي المتواضعه بالتخصصات .. المختبرات هي من ضمن العلوم الطبيه .. ولما يقولك علوم طبيه فهي مو تخصص دقيق تدرسيه وانما مجموعة التخصصات الي لها علاقة بـ (الطب) وانتي تدرسي واحد منهم .. عندي أخوي مثله مثل الالاف الي طلعو في البرنامج الاول كان طالع علوم طبيه والتخصص الي درسه هو البايوميدكال .. فأنتي كتخصص (مختبرات فيكي تدرسيه ضمن تخصصات العلوم الطبيه) .. >> افادتي علشان فقط تساعدك (تفكري خارج الصندوق ) على مايقولون وانو الشغله ماهي مقتصره على خيارات محدوده واتمنى من الاخوان الي عندهم خبره في التخصص يساعدوك .. الدولة في الترشيح النهائي والاغلب حيختارو لك الدوله في رغبتك الاولى .. والمعهد حيكون له اعتبارات زي انو ادا ماعندك مشكله تطلعي على اي معهد الوزراة حتجيب لك الوزراة فيه القبول او انك حابه تطلعي على مدينه ومعهد معين لآنو لما ماحيكون عندك معهد ومدينه معينه فأثناء الملتقيات او بعدها بفتره الوزارة حتجيب لك القبول ووقتها ماعليك شر .. اما لو ببالك ولايه ومعهد معين حاولي انتي تجيبي القبول وتختميه من المكتب >> في حال ادا تبغي تخلصي امورك سريع سريع .. وادا انك (مروقه) انتظري المكتب يجيب القبول واطلبي من عنده بعدها يغير لك القبول للمعهد الي تبغيه .