الأعضاء الإشتراك و التسجيل

الملتقيات
ADs

شهادتي باحدى الجامعات مختوم عليها وأتتني رسالة ترشيح

شهادتي باحدى الجامعات مختوم عليها وأتتني رسالة ترشيح


NOTICE

تنبيه: هذا الموضوع قديم. تم طرحه قبل 2295 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية iAhmadz
    iAhmadz

    متعاون سابق

    iAhmadz بولندا

    iAhmadz , ذكر. متعاون سابق. من السعودية , مبتعث فى بولندا , تخصصى طب بشري , بجامعة --
    • --
    • طب بشري
    • ذكر
    • الرياض, RYD
    • السعودية
    • Jul 2011
    المزيدl

    September 5th, 2011, 12:05 AM

    السلآم عليكم

    الله يسعد اوقاتكم بكل خير اعضاء ملتقيات مبتعث
    والمبتعثين لهالسنة وغيرها

    باختصار

    انا قدمت لاحد الجامعات السعودية لأني ابي اضمن مقعد على الأقل
    خلاصة كلامي

    أتتني رسالة ترشيح .. والحمد لله ارتحت .. وشيء كنت ابيه من زمان
    الشروط مقبولة ومتعديها بعد من ناحية كم يبون بالنسب والمعدل

    لكن خوفي الآن ..
    الشهادة مختومة .. وبامكاني اسحب اخلاء طرف وما فيه اي مشكلة بهالخصوص

    لكن خوفي لو سويت اخلاء طرف انه ما يتم قبولي في البعثة ..
    وتروح علي الجامعة والبعثة
    واخسر سنة من حياتي على مغامرة !!

    راسلت ايميل الوزارة كذا مرة واتصلت عليهم كذا مرة لايردون ولا يحزنون !!
    وانا مليت من الوضع حقيقة .. معلق بين اوهام ..

    يعلم الله سرت أوسوس بشكل ما تتصورونه !!
    ما ادري افصل واتوكل على الله .. !؟
    او اجلس بشيء مضمون ورغبتي بالابتعاث كبيرة جدا


    بانتظار من ابتعثوا للمراحل السابقة وواجهتم نفس مخاوفي
    او من لديه الخبر الأكيد !!

    خصوصا يا شباب وضعي الحمد لله اوكي
    الايلتس وجايب فيه 5 .. الاختبار اختبرته قبل سنة تقريبا ..
    وجوازي موجود
    وكل شيء صحيح ومدخل بعناية في ملفي
  2. اخوي ،، اذا جتك رسالة ترشيح مبدئي ،،
    واذا انت مستوفي لجميع الشروط ،، استخر وتوكل على الله واسحب الملف حقك
    لان اعتقد من الشروط الاساسية اثناء التدقيق انهم ياخذون اصل الشهادات


    نصيحتي : تأكد إنك مستوفي لجميع الشروط المطلوبة في الوزارة ،، وانك مؤهل بالنظام ،،
    اذا كنت مؤهل (نظاما) يعني مستوفي لجميع الشروط فالمنطقي انك راح تنقبل مباشرة بس المسألة مسألة تدقيق اوراق واجراءات روتينية وبعدها البعثة ان شاء الله
    في هالحالة ،، توكل على الله واسحب ملفك ،، اذا ما انت متأكد لا تجازف مع العلم ان القبول المبدئي هو قبول بناءً على المعلومات الي حطيتها لهم اذا معلوماتك كلها صح فأنت مقبول نهائيا ً ان شاء الله


    بالتوفيق
    7 "
  3. جاتك رسالة ترشيح ؟ بس هم قايلين لسا ما ارسلو شي !!



    وصلتني الرسالة مرتين ~

    عصفور باليد ولا عشره ع الشجره ,,
    لاتجازف ,,, نصيحتي لك
    واذا متأكد 1000000% ان امور الابتعاث راح تمشي تمام كملها ,,


    ف النهايه القرار لك ^^
    والله يكتب لك الخير


    استخرت كذا مرة اختي الفاضلة
    ولازلت راغب بالابتعاث
    انا خوفي اكمل هنا .. واجي بعدين اتندم واتحسر ..
    واخاف ترجع ولو بعائد سلبي على مستواي التحصيلي
    7 "
  4. اخوي ،، اذا جتك رسالة ترشيح مبدئي ،،
    واذا انت مستوفي لجميع الشروط ،، استخر وتوكل على الله واسحب الملف حقك
    لان اعتقد من الشروط الاساسية اثناء التدقيق انهم ياخذون اصل الشهادات


    نصيحتي : تأكد إنك مستوفي لجميع الشروط المطلوبة في الوزارة ،، وانك مؤهل بالنظام ،،
    اذا كنت مؤهل (نظاما) يعني مستوفي لجميع الشروط فالمنطقي انك راح تنقبل مباشرة بس المسألة مسألة تدقيق اوراق واجراءات روتينية وبعدها البعثة ان شاء الله
    في هالحالة ،، توكل على الله واسحب ملفك ،، اذا ما انت متأكد لا تجازف مع العلم ان القبول المبدئي هو قبول بناءً على المعلومات الي حطيتها لهم اذا معلوماتك كلها صح فأنت مقبول نهائيا ً ان شاء الله
    بياناتي صحيحة ولله الحمد
    ومتأكد منها
    النسبة كما يريديون وكل شيء كما هو مطلوب مني
    حتى اني اتممت الايلتس من قبل ..
    ووصلتني رسالة الترشيح مرتين على نفس الايميل
    بوقتين مختلفين .. الاولى وصلتني قبل فترة والثانية قبل 3 ايام وصلتني
    نفسسسسسسسسسسسس حالتي

    مقبول بجامعه سعوديه وجاتني رساله ترشيح وش اسوي بتسوي انت ؟؟

    بتصلح تأجيل ولا طي قيد

    انت في اي جامعه؟؟ الملك سعود ؟؟؟

    والله ياخوي كلنا بالهواء سواء
    لو معنى القبول المبدئي انه ستتم مطابقة بياناتي واذا كانت صحيحة
    سيتم قبولي نهائيا .. رآح اخذ اخلاء طرف ونقدم اوراقنا بالابتعاث

    اما اذا كان فيه فرز وما ادري وش .. فافكر بشكل جدي اني اجلس بالجامعة اصرف لي
    خصوصا انه نفس التخصص هنا وهناك ..
    7 "
  5. اول شي استخيرررررر

    وانا رأيي انك تسحب ملفك اذا انت مستوفي للشروط و بعد مشاء الله تقول جاتك رسالتين ترشيح هذا شي طيب وممتااااااز وانت تقول انك تبغى الابتعاث اكثررررر من الدراسه هينا

    وان شاء الله بإذن الله انك راح تتقبل بالبعثه وتروح وتحقق طموحاتك

    و ترى بمرحلة التدقيق لازم تكون ساحب ملفك من الجامعه عشان يقبلونك بالابتعاث

    والله يكتب لك الخيرة وين ماتكون

    بالتوفيق للجميع
    7 "
  6. وانا مثلك بالضبط مقبول هنا طب بشري وووصلتني رسالتين للترشيح واستخرت الله وابي البعثة
    انت ماشلله عليك كل الشروط حققتها انا مثلك بس للاسف ما بعد اختبرت ايلتس ولا اعرف كم مستواي للاختبار

    انصحوووووووووووووووووووووووني هل اروح واجاااازف ولا اختبر ولا اقعد بالسعودية افضل ؟؟
    7 "
  7. المشاركة الأصلية كتبت بواسطة iAhmadz
    السلآم عليكم

    الله يسعد اوقاتكم بكل خير اعضاء ملتقيات مبتعث
    والمبتعثين لهالسنة وغيرها

    باختصار

    انا قدمت لاحد الجامعات السعودية لأني ابي اضمن مقعد على الأقل
    خلاصة كلامي

    أتتني رسالة ترشيح .. والحمد لله ارتحت .. وشيء كنت ابيه من زمان
    الشروط مقبولة ومتعديها بعد من ناحية كم يبون بالنسب والمعدل

    لكن خوفي الآن ..
    الشهادة مختومة .. وبامكاني اسحب اخلاء طرف وما فيه اي مشكلة بهالخصوص

    لكن خوفي لو سويت اخلاء طرف انه ما يتم قبولي في البعثة ..
    وتروح علي الجامعة والبعثة
    واخسر سنة من حياتي على مغامرة !!

    راسلت ايميل الوزارة كذا مرة واتصلت عليهم كذا مرة لايردون ولا يحزنون !!
    وانا مليت من الوضع حقيقة .. معلق بين اوهام ..

    يعلم الله سرت أوسوس بشكل ما تتصورونه !!
    ما ادري افصل واتوكل على الله .. !؟
    او اجلس بشيء مضمون ورغبتي بالابتعاث كبيرة جدا


    بانتظار من ابتعثوا للمراحل السابقة وواجهتم نفس مخاوفي
    او من لديه الخبر الأكيد !!

    خصوصا يا شباب وضعي الحمد لله اوكي
    الايلتس وجايب فيه 5 .. الاختبار اختبرته قبل سنة تقريبا ..
    وجوازي موجود
    وكل شيء صحيح ومدخل بعناية في ملفي
    روح لإدارة التعليم و استخرج بدل فاقد لشهادة ثالث ثانوي .. و اترك شهادتك المختومة بالجامعة ,, و تابع اجراءاتك مع برنامج الابتعاث . هذي وجهة نظري .. و الله يوفقنا جميع و ييسر لنا ولك .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.