متخرج بالصيف وناطر معاملة المعادلة وش الحل ... متورط ع الاخر ... ارجو المساعده !! .

السلام عليكم ورحمة الله وبركاته

موضوعي معقدني ومشيبلي راسي ، انا توني متخرج بالصيف وبالكويت على ماطلعت الشهاده خذت وقت والحين ناطر المصادقه عليها من الملحقيه وقالو لي بعد اسبوع وبعد المصادقه نبتدي بالمعادلة والمعادله تاخذ وقت طويل من
شهر الى شهرين وبالنسبة للتوصيات من الدكاتره ماني عارف طريقتها وهم كذلك مايعرفون طريقتها ، وبالنسبه لصور الشهاده بالانجليزي مع السجل الدراسي ياخذ اكثر من ثلاث ايام بعد التقديم والتقديم على

مستخرج جديد بالانجليزيطبق الاصل يبدأ بعد خمس أيام اضافة اليها ثلاث ايام يعني بعد ثمان ايام تصدر بالانجليزي فالورطه حاليا في موضوعين موضوع المعادلة اللي مدري متى بنبلش فيها ومتى تنتهي وموضوع التوصيات .

سؤالي الحين : هل اذا جا موعد التدقيق لي عبر الايميل واوراقي ماخلصت = المعادلة = التوصيات .. يسقط ترشيحي أم يعذروني لاني متخرج بالصيف ؟
سؤال اخر : هل استطيع ان ادبر قبول اللغة بالجامعة اللي ابيها واقدمه لهم بدل ماهم يقدمونه لي وياخذ وقت طويل وحوسه ..؟
سؤال اخير : هل استطيع ان استخرج الفيزا من الكويت واسافر من السعودية ، لاني حالياً مقيم بالكويت .. ؟

مع العلم تم ترشيحي بشكل مبدئي وانا ناوي أكمل ماجستير علوم حاسب .....

طلبتكم جاوبوا على اسئلتي وأي شي مو فاهمينة قولولي وانا اجاوبكم والموضوع هذا مؤرقني بشكل ماتتصورنه

غريبه اللي اعرفه عندنا ان السجل الاكاديمي يطبع وانت واقف عندهم انجليزي او عربي على كيفك؟؟
والتوصيات نفس الشي روح للدكتور اللي جايب عنده كويس واطلب منه يكتب توصية بالانجلش يكتبها ع طول كاتاخذ منه وفت الا لما يكون عنده زحمه والحين اتوقع رجعت الدوامات مدري عن الكويت بس انشبلهم الدكاتره ويخلصونها بنفس اليوم وتروح للسكرتير يطبعلك منها نسخ ويختمها !

والمعادلة مافهمت كيف تعادلها! اهم شي ان الوثيقة طلعت ومعك؟ ماعليك الا انك تترجمها انجلش وبس!

و التوصيات يصير موضح فيها انك طالب نبيه ومهتم بدراستك وتحب تشارك يعني مثل كذا مدح
واللي فهمته من المنتدى انو عادي مو ضرورية وقت التدقيق واذا طلبوها قل لهم ان الدكاتره متأخرين علي فيها!

ا سؤال اخر : هل استطيع ان ادبر قبول اللغة بالجامعة اللي ابيها واقدمه لهم بدل ماهم يقدمونه لي وياخذ وقت طويل وحوسه ..؟


اي تقدر

الف شكر لكم على تعاونكم بالنسبة للدكاترة مامر عليهم احد طلب توصيات فما يعرفون الصيغه والشهادة طلعت وكل شي بس باقي الانجليزيه هم يطلعونها ما اقدر اترجمها بره مايختمونها والتقديم الاحد الجاي وتاخذ ثلاث ايام عمل

فالتوصيات والمعادلة عادي اجيبها بعد التدقيق ...؟

على ماعتقد التدقيق اسبوع
ان شاء الله يمديك

ان شاء الله يارب مشكووره بنيه جزاج الله كل خير يارب ...

:
.

مع الاسف تقريباً مثل حالتك وثيقتي ماجهزت
وراسلت الوزاره بهالخصوص .. قالو لي ~
اذا لم تكن الوثيقه موجوده مرحلة التدقيق يعتبر الترشيح لاغي ؛(
لاسقاط شرط من الشروط وعدم اكتمال اوراقك !

اقتباس:

---

سؤال اخر : هل استطيع ان ادبر قبول اللغة بالجامعة اللي ابيها واقدمه لهم بدل ماهم يقدمونه لي وياخذ وقت طويل وحوسه ..؟

---

نعم تقدر ~

عموماً لتقطع الشك باليقين
بإمكانك تستفسر منهم .. ممكن يسوون لك استثناء !
والمحاوله ماتضر ~ تفضل هذا الايميل وموفق إن شاءالله 3>
kasp@mohe.gov.sa

كل الدعوآت لك من زميلتك الكمبيوتريه = )

انا الوثيقه والسجل الاكاديمي موجودين لكن بالعربي والانحليزي هو اللي ياخذ وقت على مايطلع

مشكلتي تكمن حاليا بالمعادلة .... وما ادراكم مالمعادلة ... معاناة وربي ... من يوم ارسلوا لي الوقت وانا بهم وتفكير ماتي قادر انام والله .

^
طييب حآول تستعجلهم وتنشب لهم ،،
واستفسر من الوزارهـ وان شآءْ الله خير !