تكفون اخواني اخواتي ابي الرد في اسرع وقت ممكن
السلام عليكم ورحمة الله وبكاته
كل سنة وانت طيب
1- لو سمحتم ابي استفسر منكم بعض الاشكليات عندي
اولا زوجتي جاها قبو مبدئي في ابتعاث الملك عبدالله فهل هذا يعني قبولها النهائي
2- الشي الثاني انا معلم هل بيفرغوني ويعطوني راتب الوظيفة وماهي الاجراءات
3- ثالثا كتبت زوجتي اسم عائلتها في تقديم الطلب مخالف لجواز السفر فهل يلغي البعثة
واي الدول طيبة امريكا---كندا====سنغافورة
اتمنى للجميع التوفيق والنجاح
وكل عام وانتم بخير
رد: تكفون اخواني اخواتي ابي الرد في اسرع وقت ممكن
1- لو سمحتم ابي استفسر منكم بعض الاشكليات عندي
اولا زوجتي جاها قبو مبدئي في ابتعاث الملك عبدالله فهل هذا يعني قبولها النهائي
لا قبول مبدئي ولازم تروح لمرحله تدقيق الاوراق ودقق اوراقها بنفس يومها ووقتها ..
بعدها بشهر يطلع القبول النهائي الله يوفقنا ويجعلنا منهم يارب
2- الشي الثاني انا معلم هل بيفرغوني ويعطوني راتب الوظيفة وماهي الاجراءات
نعم تاخذ اجازه استثانيه اتوقع اسمها كذا او تفرغ بالضبط ماادري وش اسمها عندكم
انت تكون مرافق لزوجتك ولك راتب المرافق وتدرس سنه لغه وتقدر بعد تطلب انك تكمل دراستك وتكمل الماستر او اللي تبغى ..
3- ثالثا كتبت زوجتي اسم عائلتها في تقديم الطلب مخالف لجواز السفر فهل يلغي البعثة
لا يوم التدقيق تعدل الخطأ الحاصل تاخذ ورقه التعديل وتعدل وتكتب الاسم الصح
اهم شي يكون اسمها بالانجليزي مطابق لاسمها بالوثيقه ..
اتمنى للجميع التوفيق والنجاح
وكل عام وانتم بخير
دعواتك لي بالقبول النهائي ..
رد: تكفون اخواني اخواتي ابي الرد في اسرع وقت ممكن
وعليكم السلام ورحمة الله وبركاته اولا زوجتي جاها قبو مبدئي في ابتعاث الملك عبدالله فهل هذا يعني قبولها النهائي
حسب ما قالو لي الوزارة (اذا انقبل الطالب قبول مبدئي وجا وقت التدقيق تأكدو من ان معلوماته الي سجلها صحيييحه يعتبر نفسه مقبووول,,,, بس غالبا ينقبل على الخيار الاول من الدول)
3- ثالثا كتبت زوجتي اسم عائلتها في تقديم الطلب مخالف لجواز السفر فهل يلغي البعثة
لا ابدا ما يلغيها ,, وقت الدقيق تطلب منهم نموذج تعديل بيانات وتعدلها,,, بس الاهم تأكد اذا الاسم فالشهادة مطابق للاسم فالجواز,,, في هذي الحاله لازم تغير الاسم فالجواز وشغلتها سهلهو
اي الدول طيبة امريكا---كندا====سنغافورة
اتكلم عن الماستر
امريكا حلوه والدراسه فيها حلوه والشهاده اقوى
كندا برضو حلوه بس الطلاب يشتكون من صعوبة القبول في جامعاتها وصعوبة دراستها برضو
سنغافوره ما عندي تعليق عليها
اتمنى للجميع التوفيق والنجاحوكل عام وانتم بخير
رد: تكفون اخواني اخواتي ابي الرد في اسرع وقت ممكن
1- اذا معلوماتها كاملة اوراقها كاملة والشروط مستوفيتها
تعتبر مقبولة نهائيا بعد التدقيق اذا لا سمح الله ماقبلوها راح يحطو فترة اعتراض
وتروح الرياض تقدم اوراقها ويقبلوها دايركت
2- انت يعطوك اجازة استثنائية بدون راتب ولك اذا رحتو راتب مرافق واذا انضميت للبعثة راتب مبتعث
3-اذا رحتو مركز التدقيق خليها تبلغهم انها ادخلت الاسم خطا وتبغى تعدله ويعطوها ورقة بس اهم شي بالموضوع لابد من تطابق الاسم بالانجليزي تطابق تام في كلا من الوثيقة والسجل الاكاديمي والجواز
بخصوص الدول كل دولة لها مميزات ومساؤي ادخل ع ملحقيات الدول وقارن انت بنفسك راح تلقاهم كاتبين اهم الملاحظات عن الدول وبرضو تقدر تغيير الدول بس للامانة سنغافورة كاتبين انها غالية والمكافاءة ماتغطي المصاريف بحكم انها دولة سياحية اتمنى اني افدتك واجبت با اجابات واضحة دعوتك اني اكمل نص تعليمي(الماستر والدكتوراة (:
رد: تكفون اخواني اخواتي ابي الرد في اسرع وقت ممكن
الله يعطيكم العافية واسال الله التوفيق للجميع:)