للأخوان الي فيهم عطسه .. ياريت تدخلو وتعطونا خبر بقوة العطسه ومتى تحبو تعطسو .. ووين

مع انو الموضوع ماانفتح للأخد والرد قد ماهو مفتوح لإيصال فكرة .. بس ومادامك اثرت هالنقطه حثقل عليك وعلى غيرك بالرد .. سيدي الكريم انا كل كلامي عن (منتدى برنامج خادم الحرمين الشريفين - المرحلة ٧) ,,وبالتالي المواضيع الي انا اتكلم عنها كلها في حدود هالمنتدى وما يسحب على كامل (ملتقى مبتعث) .. وماحد قال الخير والناس الي تحب تخدم مو موجوده وكل القصد انو المنتدى وعلشان يكون يعطي اقصى فائدة للجميع وبصورة تليق بمجتمع (طلاب ابتعاث) لازم انو الناس فيه تاخد وتعطي بأسلوب يعكس عقليات واعيه حتى في طرحها لأستفساراتها ومشاكلها وهمومها .. ان شاء الله الفكره وصلت

باقي الجماعة الي سحبو بوجهي تسحيب وقال سامج .. و بثر.. و بايخ .. ووش احس فيه >> مو بهالشكل الناس تعبر عن الرأي وإن كنتو تحسو انو في خشتي بثاره عندكم الرسايل الخاصة حشــــــو لين تقولو امين

الجماعة الي تحمل المشرف (اليتيم) مسؤولية الي يحصل من فوضى مواضيع وغيرو .. وبعضكم وصل لأبعد من كدا ويقول انو المشرف (ملزم بالرد) على المواضيع فضلاً عن الاشراف >> المشرف يستلم راتب وزير دولة مثلاُ ؟؟

بالنسبة للي ذكر المواضيع السابقة وخصوصاُ موضوع الاخ العبدلي >> انا كل الي سويته ولآني عارف كل فتره والثانيه وعلى حسب تتابع اجراءات البعثة حيكون نص مواضيع المنتدى عنه .. وبذكرك انو الجاي (اتعس) .. والادارة والمشرفين وانا اخوك اوادم عندها شغل ودراسة زيها زينا والاشراف ماهو الا عمل تطوعي يشكرو عليه وكحق علينا انو نخلي من مجهوهم بالمنتدى مشكور بإننا نحرص على النقاط الي دكرتهم بالموضوع اولاً ..

بعض الردود فهمت من اصحابها اني وكأني أقول (لاتسألو)(لاتستفسرو) ( الي يكتب موضوع بحش رجوله) بينما الموضوع كان القصد منه واضح .. وهو انو المنتدى موجود للكل والجهود مشكورة من الاخوان القصد من وراها الخير للكل .. بس تركدو على المنتدى .. المنتدى صار له يتقفل اكثر من مره بسبب الحمل .. هدا غير انو بعض الاخوان دكر صراحة انو بطل دخول المنتدى بسبب المواضيع المكرره والفاهشه ..
ادخلو عليكم بالعافيه .. بس أقـــــــــــــــــــــــرو قبل اي حاجه

هوا كلام الاخ عبد الرؤوف صحيح لانه فعلا بيتفتح الف موضوع في نفس الاتجاه
وفي نفس الوقت فيه مواضيع واستفسارات بتتفتح من ناس محتاجة الاجابة وبرضو مانلوم
بس في هدي الحالة كل اللي المفروض نسويه نقاط يتبعها اي عضو في المنتدىظك
1- عندك استفسار؟ افتح المنتدى شوف الصفحتين الاخيرة من المنتدى اذا لقيت فيها سؤال نفس سؤالك خلاص او موضوع ممكن تلاقي فيه اجابة لاستفسارك واذا مالقيت اتجه للخطوة اللي بعدها..
2-ادخل محرك البحث غوغل واكتب استفسارك ونهاية الاستفسار اكتب منتدى مبتعث وحيجيك كل شي انكتب في منتدى مبتعث عن استفسارك.. ولو مالقيت انتقل للخطوة اللي بعدها
3- افتح موضوع تبين فيه استفسارك..
وهدي كلها ترى ماتاخد منك اكثر من 15 دقيقة

المشكلة اللي بيتكلم عنها الاخ عبد الرؤوف مو مشكلة كتابة موضوع استفسار لا المشكلة تجاهل الخطوات اللي قبلها ..
وبالتوفيق للجميع والمنتدى هدا اساسه رد جميع الاستفسارات وفائدة الجميع

انا اشوف انو نأخذ من كل رجل قبيلة


روقو المنجا

الناس مشغولة وقلقانه وربشه وحاله


بس للأمانة الموضوع المثبت حق منعطف خطير

لو دخلتو


تلقى الاجابات على كل المواضيع الي في بالك

يعني لو بخليوه لحالو يكفي

صح لساااااااااانك ..

قسم بالله لو فاتحين صفحة في الفيس بوك كان انحلت هذي المشكلة بكل سهولة .. يعني و يكون المنتدى كمرجع للمواضيع الأساسية و التقارير أو الأخبار


يعطيك العافية