حوار لقد بدات اشك بأهداف ومصادقية الابتعاث ><" الذي ظلم الماستر بشروطه ارجوا الدخول..

رغم أني أنا وزوجتي تخصصنا نظري وزوجتي مثلها مثل كثير من المبتعثات التخصص تسويق الذي لا رأى له أهمية مقارنة بالتخصصات العلمية

أرى أنه من الظلم المساواة في الشروط بين التخصصات النظرية والعلمية
إلا إذا كان بسبب وجود برامج أخرى للتخصصات العلمية مثل ارامكو الكهرباء الخطوط التامينات ولا وجود برامج للأدبية وان كان هذا السبب أرى أن يتم فتح تخصصات اخرى وخاصة الادارة بانواعها ارى ان اهميتها اكبر من التسويق ووجودهما معا لايضر وايضا فتح مجال لامتداد تخصصات البكالريوس

اختي هل حكمت انكم ماتستحقون الابتعاث ... اذا انا قلت كذا ممكن تقتبسين كلامي هنا ^^ ... انتي افتريتي علي باسلوك هذا

ثانيا انا مقبول بالابتعاث فليش التعميم ؟!!

انا الي قلته ليش المعدل واحد ؟!!!

ليش الي بالفيزياء والرياضيات ... لازم يجيب مثل الفنون الجميلة والاقتصاد المنزلي .. نفس المعدل
خلينا نتكلم بواقعية ..

ياعالم لا احد يجي يتبلاني بنقطة ماذكرتها .. الا ويقتبس من كلامي ويرد عليه مو مثل كذا الحوار

اختي انتي اسردتي بردك الاية الكريمة (( وما يلفظ من قول الا لديه رقيب عتيد ))

مع ان ما اشوفك تطبقينها بأتهامك الباطل لي ^^ ولزملائي .. تحياتي

اخوي مافي حاجة اسمها الوزارة الفلانية ابخص .. الرئاسة ابخص

ياخي احنا متعلمين مثقفين . اقرىء اشوف اسمع استنبط احلل

راح الزمن الي احنا شعب مانفهم وهم ادرى

هم بشر ويغلطون تحياتي

انا من وجهتي نظري جميع تخصصات صعبه
سواء نظريه او علميه
مع العلم ان انا تخصصي علمي + نظري
وعندي فكره عن صعوبة علمي ونظري

أتفق مع كلام زيكو
وبالنسبة للي زعلوا واعتبروه يقلل من شأن الأقسام الأخرى، كان واضح انه يقصد المتقدمين للماجستر

صحيح كل المواضيع لخريجي اقتصاد منزلي ورياض أطفال وفنيه!!
ويسألون عن ماجستير في علوم الحاسب!
بالعقل ياجماعه ترا كأنك دارس تاريخ ورايح لاختبار فيزياء!!
وبعدين يحولونهم اجباري لتخصص تسويق ! كل الدفعه راحو تسويق
بينما التخصصات المطلوبه الباقيه ماراح لها الا أقليّه

مافي مقارنه بين جهد طلاب الأقسام ألعلميه والهندسية والأقسام النظريه، بناءا على تجربه
بالنسبة لتخصصي علوم حاسب وأنظمة معلومات، تتخرج الدفعة بمتوسط معدلات مابين 3 الى 3.50
اعلى من 3.50 يعتبر متفوق

والثاني والثالث على الدفعه تقديره جيدجدا والباقين جيد

ماأقلل من جهدكم ولا اشكك في استحقاقكم للبعثة، لكن يفترض ان لايتساوى شرط المعدل

وعلى فكره أنا ماانقلبت لعدم تحقق شرط المعدل وهو ينقص عن المطلوب بشيء بسيط وممعدلي جيد مرتفع
واختبرت اختبارات قبول جامعات سعودية في تخصصي وحصلت على أعلى درجه
واختبار قدرات الجامعيين حصلت فيه على درجة عاليه والحمدلله اولا وأخيرا

تحديد شرط المعدل هو اكبر خطأ في النظام، ونتايجه راح تظهر بعد مايكتشفون ان اغلبية المبتعثين محصورين في تخصصات محدده

ليش ماتقول ان لتخصصات الغير صعبه لازم يكون فيها مفاضلة واختبار قبول؟!
هم اولى بأن يتم اختبارهم اكثر من اختبار خريجين اقسام علمية صعبة ومعدلهةاقل من المطلوب

انا تخصصي علمي وفاتني التسجيل وقتها بالجامعة ودخلت تخصص ادبي تاريخ بالرغم من انه الكثير راح يقولو سهل حفظ وبس من جد جناااان وعجايب ارقام واحدااث موالكل يقدر يستوعبها في مواد نظرية سهلة زي الاقتصااد المنزلي وزي الفنية ورياض اطفال يعني مرررة مايحتاج لهاا قمة السهولة لكن سوري التاريخ والجغرافيا وعلم الاجتممااع مره مايتقارنوو مع بعض والاصعب والافضل الدراسات اسلامية لانهاااتستحق اكثر اهتماام باحلا واجمل دين على مر العصوووور والصالح لكل مكان وزمان


وصرااحة التخصصات موكلها سهلة على حسب حب الانسان للتخصص راح يشوفو سهل بنظره وراح تقل صعوبته مع الاياام

وكل شي قسمة ونصيب اذاااتسهلت الامور لك فهو خيير واذاااتعثرت اعرف هالشي شر لك والله اخترلك الخييرة

السلام عليكم ورحمة الله و بركاته



أخوي أنا ما أتفق معك باللي تقوله ابدا كل تخصص مهم و يستحق الاحترام

واحنا نعتقد ان اللي يتخصص في العلوم النظرية اقل منا و لا يستطيع ان يجارينا فيه (اتفق معك)

لكن الجانب الآخر(اللي غفلت عنه) أننا ايضا لا نستطيع ان نجاريه في تخصصه



يعني مثل ما يوجد هناك علماء رياضيات وفيزياء وكيمياء ومهندسين.......................................... .....الخ ( ملاحظة : اصحاب هذه التخصصات هم من يقودون دفة التطور)
يوجد ايضا مؤرخين و علماء في العلوم الانسانية والفنون والادب والاجتماع وغيرها ومن العلوم النظريه ايضا ( ملاحظة : يعتبر اصحاب هذه التخصصات العماد الأول في تأسيس ازدهار وتطوير المجتمعات والحضارات ككل)


لذا ان لم نستطع ان نتفوق في التخصصات العلمية هذا مو معناه اننا افضل ممن تفوق في التخصصات الادبية


بس أنت لا تيأس و تأكد أنه في حل لكل مشكلة و ربك رحيم بعباده


تحياتي لك أخوي
و اتمنى لك التوفيق

معليييش أخي العزيز آآسفة ع المداخلة......بس في شي أستفزني في كلامك حتة الــ(الفنون الجميلة والاقتصاد المنزلي)
معليش إنت إيش تعرف عن الإقتصاد المنزلي وتخصصاته؟؟؟؟؟و إيش جاب الإقتصاد المنزلي للفنون الجميلة !!!!
يمكن تكون عندك معلومات غلط عن دا الموضوع ياريت تصححها أخي العزيز
أنا وحده من خريجات كلية الإقتصاد المنزلي و تخصصي غذاء وتغذية و الحمد لله متخرجه بامتياز مع مرتبه الشرف ومو انو متخرجه بامتياز دا دليل انو التخصص سهل وكل من هب ودب يقدر يجيبو
وعلى فكره ترانا درسنا البيولوجي و الفسيولوجي و الكيمياء سواء عضوية أو حيوية كلهااا غير كدا ما كان عربي دا غير مواد التخصص الخخخخخ ( ماني جايه اشتكي و انوح بس جبيت اوضح انه ما جلسنا نتعلم نسوي كبسة ولا نخيط إزرار ولا نشخبط في ورقة)
و بعدين اقرب حاجه لما تروح اي مستشفى لا سمح الله و تشوف أخصائيات تغذية تحسب من فين متخرجين !!!!!!
آآآآسفه ع الإطالة و اللخبطه في الكلام بس من جد ردك كان مستفززززز جدا