الله يجزاكم خير ويوفقكم ساعدوني والله تعبت نفسيا
السلام عليكم ورحمة الله وبركاته
انا بقولكم معاناتي .. انا ترشحت للبعثه ولله الحمد
الحين مشكلتي التوصيات صارلي اسبوع من اول مابدى الدوام وانا اراكض ورى هالدكتورات
وكلهم رفضو يكتبون لي مع ان معدلي كويس مرررره ودرجاتي مررره زينه
بس كل عذرهم انهم مايعرفوني ولايذكروني طيب انا وش اسوي
يعني بعثتي واقفه عليهم
الدكتورات بجامعة الاميرة نوره
كلهم كبار في السن واحس فيهم زهايمر
وش الحل بنظركم والله اني كل يوم ارجع اصيح منهم
حسبي الله ونعم الوكيل
اللي عنده حل يقولي ويفيدني
السؤال الثاني اللي بساله لو كتبو لي طويلات العمر توصيات وترجمتها
هل لازم ارجع لهم بعد الترجمه يوقعونها والا وش السالفه
ياربي تعبت نفسيا تكفون ساعدوني الله يوفقكم
رد: الله يجزاكم خير ويوفقكم ساعدوني والله تعبت نفسيا
التوصيات مو مطلوبه الحين لانه قبول معهد لغه
مطلوبه وقت القبول للجامعه-ماستر-
رد: الله يجزاكم خير ويوفقكم ساعدوني والله تعبت نفسيا
التوصيات من الاساس مو مطلوبه وقت التدقيق .. والتوصيات لسا باقي لك شهور علشان فيكي تاخديها وماهي بداك السبب الي يخليك (مكتئبه ومتقروشه) الى هالدرجه .. وبالنسبة للترجمه فليش مو من الاساس تاخدي صيغهم بالانجلش وتوديهم يوقعوها طويلات العمر ؟؟
رد: الله يجزاكم خير ويوفقكم ساعدوني والله تعبت نفسيا
انتي قصري الطريق عليك وخليها توصيه بالانقليزي
بعدين مو على كيف الدكتور روحي لرئيسه القسم وتكلمهم هما مجبرين انهم يوقعون لك
كل الدكاتره مايعرفونا ع فكره بس يطلبون منك كشف درجات مع تحديد المواد يلي تبغيهم يكتبون لك فيها توصيه وخلاص
او في بعضهم ع طول توصيه مايقرآ ولا يطلب شيء يوقع ويمشيك
استغرب من الفئه هذي والله يلي ترفض ومسويه انها شيء كبير ع اساس انها لو تذكرتكي رح تكتب بضمير كلها ورقه تطبعها من القسم جاهزه
رد: الله يجزاكم خير ويوفقكم ساعدوني والله تعبت نفسيا
مو توقيع
ختم الجامعه وفي ناس يقولون ختم المكتب المعتمد يكفي
بالتوفيق
رد: الله يجزاكم خير ويوفقكم ساعدوني والله تعبت نفسيا
والله يا أختي نفس موضوعي انا ابغى توصيات من الدكاترة حصلت اثنتين بالقوة بعد المرمطه وناقصني توصية ثالثة رحت لهم الاسبوع الماضي قالوا الدكاتره في اجازة وبحكم عملي
مشيت وتركت اوراقي عند واحد من الشباب يخلصهم ويرسلهم لي على الايميل او بالبريد الممتاز وبقول لك حاجة المرمطة في اني ما احصل الدكاتره يعني مشغولين على طول ولكن التوصية
حق من حقوقك اهم شي تشوفين استاذة درجاتك عندها ممتاز او على الاقل جيد جدا و انتبهي خليك معاها ودودة ولا تزعلينها حتى تاخذين التوصية وبعدين بكيفك وبالنسبة للترجمة سواء من داخل
من الجامعة او ترجمتيها برا الجامعة فلا بد من ختم الكلية و توقيع الدكتورة بعد الترجمة وعذرا على الاطالة والله يوفقك يارب وتاخذين الماجستير والدكتوراه .
رد: الله يجزاكم خير ويوفقكم ساعدوني والله تعبت نفسيا
قبل اتخرج انا طقيت لي 4 توصيات ههههه
لان عارف البلاهات اللي تسير
رد: الله يجزاكم خير ويوفقكم ساعدوني والله تعبت نفسيا
لو عندك رقم الدكاتره الرجال دقدقي عليهم احسن من الحريم يجيبو الهم للواحد على قلة فايده
رد: الله يجزاكم خير ويوفقكم ساعدوني والله تعبت نفسيا
الله ييسر أمرك
التوصيات مو مطلوبه الحين لكن كملي معهم دامهم راعيين طويله
موفقه يارب
رد: الله يجزاكم خير ويوفقكم ساعدوني والله تعبت نفسيا
مو فضل و منه منهم
غصبا عنهم يعطونك توصيه
و اذا ما رضو روحي لرئيسةالقيم و تتفاهم معهم