الأعضاء الإشتراك و التسجيل

الملتقيات
ADs

تكفون ساعدوني في قراري ما لي الا الله ثم أنتم

تكفون ساعدوني في قراري ما لي الا الله ثم أنتم


NOTICE

تنبيه: هذا الموضوع قديم. تم طرحه قبل 2288 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية جكي شان
    جكي شان

    مبتعث مستجد Freshman Member

    جكي شان الولايات المتحدة الأمريكية

    جكي شان , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى هندسة مدنية , بجامعة جامعة الدنيا
    • جامعة الدنيا
    • هندسة مدنية
    • ذكر
    • مدينتي, bh
    • السعودية
    • Oct 2010
    المزيدl

    September 12th, 2011, 10:47 PM

    السلام عليكم





    يا اخوان والله صرت خايف يصير لي شئ من كثر التفكير
    الله يوفقك كل واحد فيكم ينصحني بالذات الاخوان اللي جربوا

    مشكلتي
    انا خريج حديث التخرج هندددددسة يعني مهندس >>> طيب

    و قدامي عدة خيارات وظيفة بجدة او الرياض او الابتعاث
    طبعا الوظائف حكومية

    وودي أدرس وعندي طموح اخذ الماستر الان والدكتوراه مستقبلا ان شاء الله اذا ربي كتب
    بس فيه طفرة وظايف هالفترة مو طبيعية إلى درجة اني اروح ديوان الخدمة المدنية ويعطيني الموظف الجهاز ويعرض علي وظائف في اغلب مدن المملكة >>> بس طب و تخير

    ولما اشوف المعلمين وغيرهم يجبرونهم على مدن معينة
    وانا اختار بنفسي >>> اقول اخاف ما اقدر النعمة وافقدها

    حتى جدة والرياض كانت مفاضلة فقط ومع نهاية رمضان فتحوها لنا وصارت بدون مفاضلة يا تلحق يا ما تلحق وانا لحقت والحمد لله
    اخاف اروح وادرس وارجع ما الاقي هالكلام و هالطفرة في الوظائف الهندسية
    والوالد الله يحفظه يقول بكيفك اللي عايزه اعمله


    وانااااااا محتار ومحتاج مساعدتكم

    وياليت كل شخص ينصحني باللي يفيدني
    لأنه لازم اقرر بداية الاسبوع الجاي اروح الوظيفة او الابتعاث

    واعيد يا ليت كل شخص ينصح باللي يعرفه سواء تجربة شخصية له أو لأحد أقاربه


    والله يوفقكم جميعا
  2. نصيحـــه مني قبل ماتسسمع لـ احد وتقرر من راسسك استخير ربك لانه ( يعلم مالآ نعلم )

    وبصرآحه كلهم الاثنين حلوين وحظك في الوظايف ماشاء الله بيرفكت وممتاز مافي احلى من ( طبّ وتخير)

    انا بقولك رايي عن طريقه تجربه لـ اخويا زي قصتك بالتمام بس هو مهندس ابآر بترول وكان حاير بين الدراسه والوظيفه المهم كنسسل البعثه بعد مااستخار واتوظف بعد سنتين اخذ اجازه استثنائيه وطلع كمل دراسه ورجع بـ بشهاده + رتبه اعلى + ودخل اقوى يعني صاب عصفورين بحجر .. ارجع واكر واعيد لاتسسمع لـ احد الا بعد الاستخاره
    والله يوفقك ويسهلك ويختار لك الخيرر
    7 "
  3. نصيحه لوجه الله لاتضيع الوظيفه من يدك ..
    خاصه إنها مو أي وظيفه ولا أي مستوى ..
    وأنت بين أهلك وناسك وديرتك .. وإذا تحب تكمل دراستك تقدر بعدين تكملها نفس ماقالت أختنا nnan اهم شي أضمن الوظيفه ..
    ماتضمن لو تطلع بعثه وش يصير لك .. ولا تدري تتحمل الغربه وتكمل وإلا وش الظروف اللي تمر فيها
    7 "
  4. اول شي استخيرررررررر وتمضي في الامر

    ثانيا من رايي اقول وش ودك انت الوحيد اللي تقرر تبغى وظيفه وراتب او تروح تاخذ ماستر و دكتوراه اذا ربي سهلها

    انت اجلس مع نفسك وشوف وش تبغى عشان تكون مقتنع باللي تسويه و عشان ما تتحسف بعدين لاسمح الله

    الله يوفقك يارب ويختار لك الخيره

    الله يوفقنا لما يحبة ويرضاه
    7 "
  5. انا نفسك تقريبا توظفت من شهر ونص وقدمت عالبعثه وللحين محتارة اكمل بالوظيفه او البعثه
    بس انا وظيفتي قطاع خاص ووظيفه مو مرا واو بس عالاقل بتعطيني شهادة خبره بالنهاية... بعد ما فكرت قلت اخذ لي خبره بالشهور الباقيه قبل البعثه
    وبعدين اطلع بعثه وانشالله لما ارجع يكون عندي شهاده اعلى وخبره كم شهر من وظيفتي السابقة.

    بس بالنسبة لوضعك اشوف الوظيفة احسن لك بما انها حكومية وماشالله شهادتك هندسة اكيد الوظيفة تسوى ..
    اشتغل كم سنة بعدين اطلع بعثة وبعدين يمكن جهة عملك هي اللي تبتعثك ماتدري..

    بالتوفيق..
    7 "
  6. نصيحتي لك اولا استخير وشوف بعدها وش يريحك وماتدري ربي وش كاتب لك ،،
    ثانيا مادام الوظيفه الحين بإيدك وانت بتختار كل شي المكان ووو انصحك نصيحه اخت هذه نعمه ورزق من ربي جاك لاتضيعه ورا شي مو مضمون ومو اكيد ،،
    ثالثا تقدر بعد ماتتوظف ان شاءالله انك تطلع من نفس وظيفتك والدوله والولايه اللي انت تختاره ووظيفتك مضمونه لك تكمل ماستر ودكتوراه وترجع لها ..
    مااشاءالله الله لايضرك والله يكتب لك كل الخير يارب ..
    7 "
  7. الاخوان كفو ووفو لكن برأي الوظيفه اضمن لك والدكتوراه تقدر تاخذها بعد ماتثبت نفسك في مجالك وصدقني مافي زي الخبره وتطبيق الشيء الي درسته

    لان ياما ناس اخذو شهادات وترقوو بسبب شهادتهم واذا جاء وقت التطبيق تكون النتيجه فااااااي .

    نصيحه مني امسك وظيفه وواصل دراستك وانت بين اهلك واذا اثبت نفسك في وظيفتك هما بنفسهم راح يعطوك دورات وشهادات تدعم تخصصك.

    وجهة نظر مني ورأي شخصي يحتمل الرفض او القبول . قبل هذا كله استخير وادعو الله انو يكتبلك ويخترلك الي فيه الخير وانت شباب والمستقبل قدامك .بالتوفيق يارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.