مساعدة طلب بسيط لو لك خبرة في الابتعاث ياريت تساعدني ...

و عليكم السلام و رحمة الله و بركاته
الأفضل -والله أعلم- أنك لازم تسحب من جامعتك إذا كنت راغب في الإبتعاث و تتأكد إنو شهادة الثانوية العامة مفيها ختم من جامعتك و إذا كان فيها ختم من الجامعة اطلب منهم يعطونك اثبات إنك ما تدرس عندهم, لأنك لو ما سحبت من الجامعة و جيت مركز التدقيق هم بيحطون رقم السجل المدني حقك في السيستم حقهم و يشيكون إذا أنت مقبول في أي جامعة و تدرس و لا لا و إذا تبين انك تدرس في جامعة فلانية فيلغى ترشيحك أما إذا حبيت تكمل في جامعتك فالخيار يعود إليك استخير ربك و إن شاء الله ربي يكتبلك إلي فيه الخير و ما شاء الله جامعة الملك فهد للبترول و المعادن أقوى جامعة في السعودية ايش في أحسن منها بعد ؟

الله يكرمكم ياجماعة الخير هل يكفي الوقت اني اسحب ملفي اليوم ؟؟؟؟

او هل ينفع ااجل تقديم الوثائق مثلا ليوم السبت اروح لهم يوم الجمعه واشرح لهم الوضع واجيب الوثائق يوم السبت ؟؟؟

اخوي إستخييير اول والله يكتب لك اللي فيه الخير يارب ،،
والله اخاف تسحب ملفك من الجامعه وماتنقبل بالبعثه وتكون خسرت الاثنين ..!!
انتبه لاتضيع مستقبلك ع شي مو مضمون ..
وترا لسه في مراحل للإبتعاث ان شاءالله ..
يعني لو دراستك باقي لها سنه حلو تخلص الحين وبعدها تطلع تكمل ماستر ..

والله يوفقك وارجع واقولك استخيييييير ..

اييه تقدر تأجل موعدك بإنك تراسلهم اولا وتقول مشكلتك وبيردون لك ايميل او مسج اذا تغيير والا بيضل نفسه ماهو ..

زي ماقال الاخ عبدالرحمن .. انت في التقديم الالكتروني انقبلت بدون ماتوقع على شي لكن يوم التدقيق يخلونك توقع على اوراق اللي هي تعهدات ان معلوماتك صحيحه واصلن حتى لو ماقلت لهم لمن تعطيهم شهادة الثانويه يرسلونك على واحد يشيك على رقم هويتك ويعرف اذا انت مسجل في اي جهه تابعه لوزارة التعليم العالي سواءا جامعه او كليه او معهد

واخلاء الطرف تقدر تاخذه من جامعتك في يوم واحد

وعادي ترى لو مارحت ليوم التجقيق في اليوم المحدد .. يعني تتاخر بيوم او يومين يمشونها لك اما اكثر لا

تحياتي

لازم تسحب ملفك من الجامعة
لانك لو ما سحبت ملفك راح يرفضوك في برنامج الإبتعاث لخالفتك للشروط
توكل على الله واستخير
ولو انت تنطبق عليك كامل شروط الإبتعاث بإذن الله راح يقبلوك
المرحلة السابقة تم قبول جميع الطلاب اللي تنطبق عليهم كامل شروط الإبتعاث

الله يكرمكم انا سحبت ملفي خلاص واستخرت قبل لا اسحبه والحمد لله مرتاح جدااا وانا موافي الشروط كلها الحمد لله وزيادة واوراقي كلها كاملة وموجودة معي بس منتظر اسلم الوثائق
اعتقد لو واحد موفي الشروط كلها خلاص ما عليه شي مقبول باذن الله
وثاني شي كمان انه عندي فرصة للرجوع للبترول انا باقي لي 4 سنين عالتخرج فنفسها تقريبا لو طلعت بعثه او اكثر منها بسنة فالبعثة اصرف....\
مشكورررين وبيض الله وجهكم ^_^