عرض للطباعة
السلام عليكم ورحمة الله وبركاتة
انا طالبة بالصف الثالث ثانوي وحابة اطلب ابتعاث للمرحلة الثامنة يعني السنة الجاية ان شاء الله بس كان عندي سؤال بخصوص الالتس لانو من ضمن شروط 2011اشترطو اختبار الالتس درجة5 وانا عن نفسي مستواي في الانجليزي مش ولابد الزبدة هم يبغون الالتس مع الوثائق ولا بعد سنة اللغة ؟
دي السنه مايبغوه بس يمكن السنه الجايه يقولو نبغاه لانو كل سنه بتتغير الشروط شويه..انتي دحين مدامك ناويه تكملي بره حاولي تدرسي لغه هنا وحتى لو ماطلبوها حتنفعك اكييد
[QUOTE=سكر غرام;1061456111]السلام عليكم ورحمة الله وبركاتة
انا طالبة بالصف الثالث ثانوي وحابة اطلب ابتعاث للمرحلة الثامنة يعني السنة الجاية ان شاء الله بس كان عندي سؤال بخصوص الالتس لانو من ضمن شروط 2011اشترطو اختبار الالتس درجة5 وانا عن نفسي مستواي في الانجليزي مش ولابد الزبدة هم يبغون الالتس مع الوثائق ولا بعد سنة اللغة ؟
لو اطلعت على خبر المرحله الثامنه اذا ربي احيانا واعطانا طولة العمر بتكون من ضمن الشروط توفر اللغه الانجليزيه قبل الابتعاث واللي ماعندو وناوي يقدم على المرحله الثامنه ياخذ هذي النقطه في الحسبان ويبدا يشتغل على حالو من دحين في دراسة اللغه والتاسيس الصحيح لها
بخصوص اختبار الايتلس لطلاب البكالوريوس :
لهم خيارين اذا كانت اللغه عندهم ممتازه قبل الابتعاث فيهم يختبرو هنا في السعوديه في معاهد مخصصه لهذا الاختبار اذا جابو الدرجه المطلوبه يصير على طول يسافرو ويدخلو الجامعه من غير سنه اللغه المحدده
اما اذا كان لغتهم مشش ولابد زي حضرتك يطلعو يدرسواللغه وبعدين يدخلو الاختبار عشان يحصلو الدرجه المطلوبه اللي تاهلهم للدراسه الاكاديميه في الجامعه
نهاية الشرح هذا انصحك تبدا تشتغل على نفسسك دحين في اللغه عشان تقدر تقدم السنه الجايه على المرحله الثامنه بدون ادنى مشكله < لاني اشوف احتمال كبير تتغير شروط الابتعاث للمراحل الجايه
والله يوفقك :)