للي عندها مشكله كيفيه استخراج صك اعاله .. الامر بسيط جدا باذن الله هنا الحل

بسم الله الرحمن الرحيم

انا عانيت هالمعاناه قبل اطلعه بس ان شاء الله بيسهل عليكم
طبعا للي ابوها متوفي وماتزوجت
وتبي صك اعاله عشان تثبت ان ولي امرها موافق

الخطوات كالتالي

1_اطبعي الشروط حقت البعثه + نموذج موافقه ولي الامر
2_ خلي اي واحد من اخوانك عندك يروح لشؤون الموظفين لدوام حقه ويقدم لهم ورقه يقر فيها انه يعولك ويصرف عليك وهو ولي امرك مع بطاقه العائله طبعا وخليهم يوقعونها ويختمونها
3_ جيبي صوره من حصر الورثه +شهاده الوفاه +بطاقه العائله الاصل + الاوراق حقت البعثه وروحوا للمحكمه ووروها الشيخ وقولوا انهم طالبين هالطلب واشرحي له وان شاء الله ماراح يقصر معكم
4_جيبي معك 4 رجال 2 شهود 2 مزكيين يشهدون بهالششيء
وكلها ان شاء الله ساعه وشوي ويطلع لك صك اعاله ترفقينه

الله يفرج همك ويرزقك من حيث لاتحتسبين
ربي ييسر لك أمورك كلها ويوفقك بإبتعاثك
كنت بطنش مابطلعه لأني قلت حوسه
لكن كذآ وضحتي لي الطريقه ربي يجزآك خير
مشكوره ياعسل

اميييييين واياك ...عاد بكرى تدقيق 4 ونص العصر ياربي تتسهل

الله يسهلها وييسرها علينا اجمعين

بالتوفيق للجميع يارب بس حابة اسال الي راحو لمركز التدقيق هل سالوكم عن صك الاعالة(بالنسبة للطالبة الي والدها متوفي) وايش الي طلبوه بالزبط لاني جدا محتارة هل يحتاجو الصك او لا ويعطيكم العافيه

جزاك الله خير انا سويت مثل اللي الاشياء اللي قلت لكن اكتبوا لي (اثبات قوامة ) مو صك اعاله لكن محتواه ان اخوي هو الولي الشرعي علي
راح اخوي مره ثانية وسوى للمرافق اللي هو اخوي الثاني وكاله خاصة انه يسمح له ان يكون محرماً مرافقاً
وبأخذ الثنتين معي ان شاء الله تنفع
دعوااتكم