اللي في خاطره اي سؤال يكتبه الان .. موعدي في التدقيق اليوم 6.15 مساء*

يسلمووو على ذوقكـ .. و الله يكثر من أمثالك ^ _ ^
عندي سؤال واحد ..
أقدر أبدل بين الرغبات في التدقيق ؟؟
و لو كان ماينفع متى بالضبط أقدر اغيرها ؟؟
و الصراحه ماعندي سبب قوي بس الاستخاره خلتني مضطره اغيرها :)

شكرا خيووو

اقتباس:

---

المشاركة الأصلية كتبت بواسطة ام عبدالرزاق

مرحبا اخوي الله يجزاك الف خيييييييييير
الحق علي انا في ورطة سجلت بالمعدل اللهي هم طالبينة
وانا معدلي الصحيح 3.69 وهم طالبين ماستر 3.75 فرق جدا بسيط
اسألهم الله يعافيك اكمل مابقى الاالتوصيات بس كل شي جاهز
والامااكمل التوصيه الله يجزاك الف الف خير لاتنسى سؤالي بس هذا الشرط اللي مومستوفي عندي ؟

---

اول شي سآلوني عنه , مستوفي الشروط او لا ,, قلت ايه مستوفي وقاموا يتأكدون من كل شي ..~

لسلام عليكم

مشكور يا الاخ بس انا عندي سؤالين
الاول انه انا اخطات في كتابة تاريخ يوم انتهاء البطاقة الاحوال بس اليوم اللي اخطاءت فيه لكن الشهر والسنه كتبته صح مثلا انا تنتهي بطاقني 6/9/1442 انا كتبت 2/9/1442 هل استطيع التعديل وهل هذا الخطا بيحرمني من الابتعاث

الثاني انا كنت ادرس في جده لمدة سنتين ثم انتقلت لمكة وسو لي معادلة ولما اتخرجت سلموني مع الوثيقة كشف درجات المواد اللي درستها في مكة الاصل لكن الواد اللي درستها في جده صورة طبق الاصل هل يقبلونها ولا لازم اروح الجامعة اجيب الاصل

ومشكووووور وما قصرت

اقتباس:

---

المشاركة الأصلية كتبت بواسطة ابو كيندا

السلام عليكم ورحمة الله وبركاته .... مثل ماهو واضح بالعنوان
انا ناوي اجي بدري إن شالله واستقعد لهم بالأسئله لأنه مثل مافهمت متعاونين الله يجزاهم خير . فا اللي عنده سؤال او اسئله يكتبها بشكل نقاط وانا مستعد اصورها واسئلهم واحد واحد وشكراً للجميع

---

و عليكم السلام و رحمة الله و بركاته
أولا أباركلك الترشيح أخوي أبو كيندا و أتمنى لك التوفيق من كل قلبي و يسهل عليك يا رب أبغاك تسألهم لو سمحت عن الترشيح النهائي أبغاك تعرف عنه بالتفصيل الممل و تسألهم كذا قولهم: إذا طالب مستوفي الشروط و أوراقه سليمة و كاملة بإذن الله في إحتمال أنه ميترشح نهائي ؟ و بالتوفيق و الله يسهلها لك يا رب

احس اني ابغى اسال بس ما ادري ايش ههههههههههههه

من كثر التوتر واللخبطه احس في راسي ميه سؤال بس مو راضي تطلع هههههه
ما اقول الا الله يوفقك ويسهل امرك وتمشي امورك تمام التمام يارب

احبتي انا سجلت اسئلتكم وطبعتها وبإذن الله بخليهم يجاوبونها كلها ( بنشب ) وباخذ منهم الاجابه الوافيه بمشيئة الله انا طالع الحين بكمل اوراقي وبكون متواجد ان شاءالله 7.30 او 8 .......
دعواتكم الله يوفقكم

تكفى لاتتأخر علينا بالرد

الله ييسرلك امورك

ربي يوفقك .. ...

السلام عليكم ورحمة الله وبركاته .......

عذراً على التأخير ..... لكن والله اجتهدناااا نجيب الاجابات كلها وحصلنا عليها ولله الحمد والفضل كله لله سبحانه وتعالى ثم للمدام اللي هي في الحقيقه المبتعثه وهي اللي كانت مهتمه .

كل اللي نبيه دعوه في ظهر الغيب بالتوفيق لنا والمغفره والرحمه لوالدينا... ماأبي اطيل عليكم سأكتب جميع الاجابات ولكن قبلهاااااااا معلومات من قبل الدكتوره المستشاره في مركز التدقيق التي كانت جداً متعاونه ولما تساءلت عن كثرة الاسئله افادتها المدام ان الاسئله من قبل اعضاء منتدى مبتعث ولمن عرفت انبسطت مره وقالت انها من اشد المعجبين بهذا المنتدى اللي قائم على الطلاب اللي تعبو عشان يفيدون ويستفيدون من بعض واعطت الدكتوره رقمها للمدام وقالت اي استفسار عام تواصلي معي على الواتس اب او الاتصال .... جزاها الله الف خير .

احبتي مابي اطيل عليكم الدكتوره قالت بشكل عام :

إن الوزاره قالت بالفم المليان لهم يسروووووو ولا تعسروووووووووو للي مستوفين الشروط والاصول كامله يعني اللي مشاكلهم اخطاء اسماء رقم جواز سجل أكاديمي فيه مشاكل تقول كل اللي عليهم انهم يجوووون المركز في موعدهم ويطلبون تأجيل الى يوم محدد لأستكمال كل بياناتهم واذا ماجو راح يسقط ترشيحهم يعني النقطه واضحه ياااعزااااااائي ..

أمر اخر الأصول الأصووووووول لازم تكون موجوده يعني الاصل من الثبوتيات والاصل من الشهادات والسجل الاكاديمي والسجل لازم يكون مختم في كل صفحاته يعني هذي النقطه اللي تقول لازم انها تكون موجوده اما طبق الاصل بدون الاصل مااااايمشي ابداً .

امر اخر ذكرته اللي هوووو أن عدد المقدمين على البرنامج وصل 42 الف واللي رشحوووهم 16 ألف وتقول ياكثر اللي متلاعبين يعني حاطين نسب غيرعن نسبهم وتم رفضهم وطلبو منهم تقديم اعتذار لازم للوزاره على اساس ماينحرمون من المراحل القادمه في حال تغير الشرووط .....

وجات حاله قدام زوجتي وحده تطلب نسبه غير عن نسبتها ورفضوها مع الاسف وقالو لها قدمي اعتذارك للوزاره واذا خاطرك في الدراسه اطلعي على حسابك والتحقي من هناك بعد طبعا حصولك على الدرجه في االلغه المطلوبه .

الان احبتي بكتب جميع الاجوبه على جميع الاسئله اللي كتبت.




س/ جأمعتي لاتعطي أصل آلسجل آلأكآديمي رغم محآولآتي آلكثيره معهم , رغم آني دخلت لعميدة آلجآمعه محآولة إقنآعهآإلآ أنهآ رفضت بزعم آن آلآصل لآيمكن إخرآجه من ألجآمعه لأنها لو أعطتني الاصل لن يبقى في الجآمعه نسخه منه .. (مع آلعلم أن سجلآتنآ ليست مدخله في آلكمبيوتر , إنمآ بخط آليد , وأعطوني صور طبق الآصل فقط وتمت ترجمتهآ)
وقت التدقيق هل يقبلون بطبق آلآصل؟ لمثل وضعي ...؟
ج/ لا يقبل طبق الاصل لازم وجود الاصل قبل كل شي ..... وذكرت انه من حقك تسحبينه منهم ولا من حقهم الاحتفاظ به .



س/هل رقم الهوية ضروري يكون بالوثيقة والسجل الاكاديمي او يكتفون بالاسم المطابق للجواز مع الرقم الجامعي والمعدل في الوثيقة؟؟
ج/ اهم شي الاسم مطابق في الجوازز وذكرت انها لن تستخدم الهويه الا في السعوديه يعني اهم شي الاسم مطابق الجواز وبعدين السجل الاكاديمي ترا مافيه رقم الهويه مثل المدام .


س/الاختام عربي او انجليزي ؟
ج/ عادي اهم شي ان الاوراق جميعها مختمه .( زي السجل الاكاديمي صفحه صفحه ).

س/في جوازي لقيت مكتوب غير متزوجه ... وانا متزوجه من سنه ونص تقريبا . لازم اعدل الجواز قبل التدقيق ولا عادي بعد التدقيق ؟
ج/ عندك خيارين : 1- تجين في موعدك وتغيرين المحرم انه ابوك او اخوك وبعدين تغيرينه في الملتقى يعني تحطين زوجك .
2- تجين في موعدك وتطلبين التأجيل اربع ايام وتصلحين الجواز اذا كان موعدك قريب مره يعني مايمديك .. واذا موعدك بعيد غيري الجواز وعلى طول خشي وقت التدقيق ومافي اي مشاكل اللهم تطلبين ورقة تعديل ( على كل حال الجوازات تاخذ يومين قدمي اليوم وبكره يطلع ).

س/ هل تسمحون للي تخصصه في البكالوريوس رياضيات بإكمال الماجستير في علوم الحاسب أم لأ ؟ ام تلزمونه بإكمال الماجستير في الرياضيات ؟؟
ج/ لازم التخصص اللي تبي تحول له يكون له علاقه ولازم يكون اعلى من تخصصك يعني مثلا طب تاخذ هندسه مايجي كذا لانك نزلت في المستوى ...

س/هل عادي ينطبع نموذج الطلب على ورقتين ؟
ج/ على ورقه وحده .. على فكره ادخلو على روابط مهمه في طلبكم اللي على الموقع واطبعوه من هناك .

س/التوصيات لازم نكتبها؟؟؟
ج/ في التدقيق غير مطلوبه لكن برا اكيد لازم عشان القبول في الجامعه .

س/ الي ماهو مستوفي شرط واحد وقريب منه (3 درجات ناقصته بالقياس) هل في امل ينقبل ؟.وهل يمديه يجي ايام التدقيق . علماً اني راسلتهم وقالو تعال بس اخاف مايستقبلوني ؟
ج/ قالت لا ماينقبل .. بس اذا هم نادوه يجي والدنيا أرزاق واذا رفضوك وانت جايك ترشيح يعني كاتب غير نسبتك او غير عمرك اللي هي الشروط قدم اعتذار للوزاره وتابعه لين تتاكد انه وصل للوزاره على اساس ماتنحرم في المراحل القادمه في حين سهلو الشروط ..

س/ جواز الاب اللي مسافر مطلوب ام فقط نسخه منه تكفي ؟
ج/ لازم الاصل ضروري جداً جداً ومستحيل نتساهل في الامور اللي مثل هذي لانهم مشددين على المحرم .. والمدام تقول حطي اخوك مثلاً وغيريه في الملتقى يعني اذا رجع ابوك بالسلامه او لازم انه يحظر الحين ويعطيك الجواز او روحي لهم وسوي تأجيل كم يوم في حين عودة والدك هذي هي الخيارات الوحيده يااختي ...

س/هل بإمكاني اغير الدولة واطلب دوله مقفله ؟
ج/ لا وقالت من اسمها مقفله لا يمكن .

س/ أنا سجلت في استمارة الطلب بكرت الوالد . والحين زوجي طلع كرت اقدر اعدل الطلب واحط كرت العائله حق زوجي ؟
ج/ تجين عادي وتطلبين ورقة تعديل .

س/ هل اقدر اغير المرافق ومتى يكون التغيير؟؟؟
ج/ نعم تقدرين تغيرين المحرم يعني من زوج الى اب او اخ بموافقة ولي الامر ... اما االمرافقين فهم الاطفال ولا يمكن احد يغير اطفاله ...

س/هل موافقة الوالد تغني عن موافقة الزوج << في حالة وجود قضية طلاق؟؟؟
ج/ المدام تقول قعدو يتناقشون في اجابة السؤوال وقالو تكفي موافقة ابوها خلها تجي .

س/ انا عندي في الوثيقه غلط وقدمتها للكلية للتعديل وراح تتاخر لاسبوع وانا تدقيقي هذا الاسبوع عطوني صور من الوثيقه مختوم مصدقه للاصل وعطوني خطاب اقدمه يفيد ان الوثيقه تحت تصحيح الاخطاءهل تمشي لو لازم اجيب الاصل؟
ج/ عادي تجين في موعدك وتطلبين تأجيل لين تطلع الوثيقه بس اهم شي تكونين مستوفيه الشروط .

س/سؤالي هو لاسمح الله حولوني من طب ل علوم طبيه هل بامكاني اني احتج و اقولهم مثلا صيدله وللا مختبر؟ و هل عند صدور القبول النهائي يقولولي اي دوله من ال 3 وللا بس يعطونك القبول و شكرا.. ؟
ج/ هم مايجيبون لك قبول الجامعه هذا عليك انت ... اما بالنسبه عن صدور القبول النهائي يذكرون الدوله المبتعث اليها .

س/ معدلي الصحيح 3.69 وهم طالبين ماستر 3.75 فرق جدا بسيط وكل شي جاهز هل اجي او لا ؟
ج/ ماراح تنقبل لانها مااستوفت الشروط ... والمدام تقول في ناس يدققون على الشروط بشكل صااااااااااااااااااااااااااااااااااااارم . وبرضو تقول اذا جتها رسالة ترشيح وهي مغيره في البيانات تجي تقدم اعتذار علىاساس ماتنحرم في المراحل القادمه اذا غيرو الشروط ..

س/ انا في وثيقتي العربية والانجليزية مكتوب اسم الفخذ والقبيله وفي الجواز مكتوب القبيله فقط هل هذا يعتبر مطابق او اعدل الوثيقه؟
ج/ عادي تجين لان الجواز رباعي وهو اللي بتتعاملين فيه بالخارج وبتسافرين فيه مو بالوثيقه ... كذا قالت .

س/ انا كنت ادرس في جده لمدة سنتين ثم انتقلت لمكة وسو لي معادلة ولما اتخرجت سلموني مع الوثيقة كشف درجات المواد اللي درستها في مكة الاصل لكن المواد اللي درستها في جده صورة طبق الاصل هل يقبلونها ولا لازم اروح الجامعة اجيب الاصل؟
ج/ لااااااااااااازم تجيب الاصوووووول الاصول الاصول اهم شي .

س/الترشيح النهائي استفسار عام اذا كان الطالب مستوفي الشروط ان شاءالله يقبلونه ؟
ج/ تقول إن شاءالله انه مقبوووول ودام كل شروطه مستوفيه راح ينقبل بمشيئة الله .


احبتي في الله في الختام آسف على التأخير واي استفسااااااااااار حنا حاظرين رقم الدكتوره مع المدام وافادتها بانها راح تكون متعااونه جداً والامر الاخر اتمنى إنا جبنا اجوبتكم واللي مو مستوفيه شروطه لا يضيق صدره الخيره فيما اختار الله والله يكتب اللي فيه خير لنا ولكم .... واسف اذا بدر منااااااااااااااااااا أي تقصيرررر ودعواتكم لنا بظهر الغيب مانبيكم تتعبون وتكتبون وسلااااااااااااااامتكم

السلام عليكم ابو كيندا مشكور ويعطيك العافية انا بس عندي سؤالي اذا مافيه ثقالة عليك
الاول انا سالتك قبل بس يبدون انك ما شفت سؤالي هو اني اخطات في كتابة تاريخ يوم انتهاء بطاقة الاحوال يعني هي تنتهي 6 انا كتبت 2 اما الشهر والسنه فكتبتها صح مع العلم ان بطاقة الاحوال ما تنتهي الا في 1442
اما الثاني فهو اسم جدي في الجواز مختصر بحرف O وانا كتبته كامل هل هذا يؤثر على الابتعاث يعني من الممكن انه ينلغي ترشيحي

الله يخليك اسالي لاني قاعده على نااااااار

ومشكور مرة ثانية والله يكتبها في ميزان حسناتك

ويجي لززوجتك قرار الابتعاث وانا بعد