السلام عليكم
موعد تدقيقي الخميس: 15 سبتمبر 2011 الموافق 17 شوال
الساعة: 6 وربع
المدينة: الرياض
المكان: راديسون بلو
قبل أروح للموعد بحثت عن تجارب البنات بس ما لقيت شي ينفعني من ناحية مكان التدقيق النسائي وخفت أضيع ويروح وقتي!
بس الحمدلله وصلنا الفندق وكان مره واضح وعلى شارع عام، ولقينا لوحات تدلنا على مكان التدقيق النسائي والي يكون قدام الباب الرئيسي بشوي
ومكتوب فوقها wedding hall
كنت مجهزة أوراقي بطريقة مرتبة وسهلة (طريقة وحدة من المرحلة السادسة الله يجزاها خير)
ملف شفاف للـ: أصول ( هويتي + وثيقتي + سجلّي الأكاديمي بالعربي وبالإنجليش + جوازي وجواز محرمي )
ملف شفاف للـ: النسخ والأوراق المطلوبة والي بياخذونها مني ( استمارة طلب ابتعاث + طلب الابتعاث بالجامعات الأجنبية + ورقة موافقة ولي الأمر + نسخة من هويتي ووثيقتي وسجلي الأكاديمي العربي والإنجليزي وجوازي وجواز محرمي)
ملف شفاف للـ النسخ الإحتياطية ( كل الأشياء الي فوق سويت لها نسخة احتياطية )
دخلت ولقيتهم منظمين المكان ومقسمينه: موظفات في المقدمة وموظفات في الوسط وموظفات في آخر القاعة
1- الموظفات الي في المقدمة بتطلب منك تتأكدين من وجود اسمك معلّق على اللوحة بعدين تطلب جوازك بعدين تعطيك استمارة هدفها ترتيب أغراضك، تروحين على جمب وتحطّين صح في خانات الأوراق المطلوبة الي معك + ترتبين أوراقك مثل ما هم يبغون
ملف مرفق 14997
2- ترجعين لنفس الموظفة وتطلبين رقم + تجلسين في الكراسي الي في الوسط لين يجي دورك
3- إذا جا دورك، تورينها أوراقك كلها ما عدا الأصول، بس تتأكد منها وتحطها في ملف وتطلب منك تكتبين عليه معلوماتك الأساسية من قدام ومن ورى (اسمك+رقم طلب الابتعاث+ايميلك+الدولة+المرحلة ومثل كذا) وإذا خلصتي ترجعين لها وتعطيك رقم
4- تجلسين في آخر القاعة وتنتظرين دورك (أكثر مرحلة مملة ) جهزي ملف الأصول وملف الأوراق لأنهم هنا بيطابقونهم بالأصل، وإذا أوراقك تمام خلاص يعطونك ورقة مهمة وتجيبينها معك في الملتقى إذا جا القبول النهائي بإذن الله <3
لأن القاعة زحمة جلست من 6 إلى 7:57 :(
مره استغربت لأن كل الشباب الي كتبوا هنا ما أخذ منهم غير نص ساعة!!
نصائحي بناءً على تجربتي:
- روحي بدري، الفترة المسائية تبدأ 4 ونص
- إذا معاك محرمك خليه ينزل يشوف القاعة الرجالية إذا هي فاضية يدخل يسوي عنك التدقيق بدل القسم النسائي البطيء !
- طاولة الزمالة الطبية دايماً شبه فاضية وفيه موظفات يستقبلون طالبات ماجستير لأن الضغط عليهم خفيف، وما يطلبون رقمك حق الانتظار ! استغلي هالشيء لو أمكن
- استعدي للروحة بـ أشياء تسليك، لولا الله ثم آيبادي مت من الملل! :(
- تقديمهم بايخ، يقدمون للطاولات ولا يقدمون للي في كراسيهم مساكين! يعني تعالي شبعانة XD
اكتشافات:
- المستشار الي كنت مبسوطة فيه، طلع شي تافه! ترسلين سؤالك بالإيميل ويجيك الجواب إيميل أو إس إم إس! يعني نقدر نسويه في البيت!
- البنت الي ما ترتب أغراضها مررره تتأخر وتأخر غيرها
- شفت بنت ما جابت سجلها الأكاديمي، استغربوا وقالوا هذا شي أساسي ما نقدر نخلص إجرائاتك، وعطوها موعد ثاني
- أغلــــــــب البنات مقدّمين ماجستير XD