عرض للطباعة
السلام عليكم . وصباح الخيرات
المهم عندي كم إستفسار فيا ريت أحد يفيدني
شكرا
- هل تسلم أصول الوثائق والأوراق أم يكتفى بالصور ؟؟(يعني ما حياخذوا الاصل أبداً))
- ايوا اقدر أغير الدوله اللي اخترتها كرغبة أولى ؟ اختار الولايه بمرحلة التدقيق ولا لا؟
- بالنسبه لتأجيل البعثه متى أطلب التأجيل ومن مين وكيف ؟؟ هل لما اروح ادقق الاوراق او بعد الترشيح النهائي ؟؟ وكم سنه أقدر أأجل ؟
وعليكم السلام ورحمة الله
عن تجارب اللي دققوا فهم يطابقوا الصورة بالأصل ثم يرجعوا الأصل
الباقي ماأدري : )
1- الاصول فقط للتدقيق والمطابقه
2- مافي حاجه اسمها اختيار الولايه
3- التأجيل مالو اجراء معين .. لأنو التأجيل له اسباب وظروف مختلفه.. ولما حيكون من الاساس تأجيل فهو بعد الترشيح النهائي اكيد >> لأنك وقتها ماحتجهزي الدوا قبل الفلعه .. كم سنــــــــــه ؟؟؟ مره متفائله انتي .. عزيزتي .. اقصى حاجه هي من 8 الى 10 شهور من الترشيح النهائي بعدها يسقط حقك في اصدار قرار ابتعاث ..
ســماء ,,, AbDuLrAoOf
شكرا على المعلومات وجزاكم الله خير
بس عفوا AbDuLrAoOf
* اقصى حاجه هي من 8 الى 10 شهور من الترشيح النهائي بعدها يسقط حقك في اصدار قرار ابتعاث
يعني ما اقدر أأجلها أكثر من كذا ؟؟
لو تبغي تاجلي اكتر من كدا
لا تروحي التدقيق و قدمي السنه الجايه ع المرحله التامنه حتكون سنه و شويا تقريبا
وجهة نظر بس مو مظمونه لانو ممكن ع المرحله التامنه يشددو شويا في الشروط
ستي .. من الاساس ماقد سمعت بتأجيل بعثه وانتي لسا حتى ماطلعتي ولو طلعتي مافيه تأجيل الا بعد فترة اللغه .. الي يحصل وطوال البرامج السابقه زي مثلاً البرنامج السادس .. انو الوزارة حددت ١٥ شوال السنه هدي >> قبل كم يوم كأخر موعد لطلاب البرنامج السادس انهم يطلعو قرارات الابتعاث .. لآنو ادارة برنامج خادم الحرمين الشريفين تخصص كل وقتها بعد كدا لطلاب المرحلة السابعه فقط ولحد مايبدأ البرنامج الثامن .. التفسير الوحيد لتحديدهم الـ ١٥ من هالشهر لطلاب البرنامج السادس هو انهم ماحيصدر قرارات ابتعاث بعدها .. وقرار الابتعاث من الاساس هو كل بعثتك. مايمنع لما تروحي للتدقيق انك تتأكدي من مسؤولي الوزارة وهم حيفيدوك اكثر.. ولو حابه تأجلي لأكثر من كدا ورا ماتقدمي في البرنامج الثامن ؟؟