اللي موعد تدقيق بعد 16\9\2011 يشوف تجربتي للفايدة
السلام عليكم ورحمة الله وبركاته
أنا قدمت في برنامج خادم الحرمين الشريفين للإبتعاث الخارجي المرحلة السابعة التخصص المطلوب طب والدولة المراد الإبتعاث إليها ألمانيا
طبعاً كان موعدي يوم الجمعة بالرياض في فندق راديسون الساعة 8 مساءًا
الوثائق المطلوبة للتذكير:
1- نموذج طلب الإبتعاث << اللي هي ورقة وحدة بس وهي البيانات اللي عبيتها في التسجيل ولازم توقع عليها مع التاريخ.
2- نموذج الإلتحاق بالجامعة الاجنبية << اللي هي الأربع ورقات ولازم تاخذ في عين الإعتبار التواريخ بالميلادي ولازم تعبيها عالكمبيوتر ما عدا التوقيع.
3- أصل شهادة الثانوية وصورة منها مختوم عليها.
4- صورة من نتيجة القياس والتحصيلي.
5- صورة من بطاقة الأحوال وجواز السفر ولازم تجيب الأصل منها كلها.
المهم أول ما تخش الفندق لازم تسأل عن قاعة الرجال أو النساء على حسب أما عني سألت عن قاعة الرجال تلقاها ورا الفندق عن المواقف الإضافية فا قبل لا تخش راح تلقى بساط احمر امش عليه لين تلقى مكان التدقيق
المهم قبل لا تدخل للقاعة راح تلقى واحد قبل باب القاعة عاليسار لازم تاخذ منه ورقة ترتيب الوثائق فا راح يقول لك رح شف رقمك في ذي اللوحة فا انت دور عن اسمك وراح تلقى الرقم قدام الاسم المهم راح يعطيك ورقة عبارة عن الوثائق اللي معك على حسب الدرجة بكالوريوس ولا ماجستير ولا زمالة ... الخ المهم راح تلقى مثل الجدول أول خانة يجيك نموذج طلب الإبتعاث راح تلقى مربع مرفق ومربع غير مرفق فا الوثائق اللي معك حط عليها صح تحت كلمة مرفق فا بعد ما تعبي بياناتك داخل القاعة ولازم يكون معك قلم للإحتياط ههههه المهم تجلس عند اول ناس تلقاهم في القاعة فا تنتظر في الكراسي على ما بال يناديك على حسب الزحمة وقتها أنا ما أخذ مني خمس دقايق المهم راح يشوف الوثائق ايه تذكرت لا تدبس الأوراق لانك راح ترتبها بنفسك المهم بعد ما يشوف اوراقك راح يعطيك رقم تروح عند المدقق الحقيقي ههههه فا بعد ما تروح وتنتظر رقمك فا يوم جلست عند المدقق سلمت عليه طبعاً ولازم يكون اسلوبك عسل يعني مو ساكت ولا فلته على أنه خويك ههههه المهم سألني وين تبغى أي دولة؟ قلت: ألمانيا فا قال لي طيب اختبرت اختبار IELST قلت وش هالاختبار؟ قال شبيه بإختبار التوفل فا سألته ليه هو لازم اختبره قال لا بس يعني اذا تبغى تضمن مقعدك في الطب لأنو ما في إلا 350 مقعد عالطب فقط لا غير فا سألته طيب مثلاً ما حصلو لي مقعد ايش يصير؟ قال يحولونك على العلوم الصحية وخلوني اختار بين امريكا وكندا يعني قصدهم اذا ما لقوو مقعد يحولوني على امريكا وكندا وطبعاً اخترت امريكا المهم فا قلت له طيب يميدني اختبر ايلتس عادي؟ قال ايه بس اهم شي يكون قبل نهاية شهر 11 لأن نتائج القبول راح تنزل فا راح نغلق ملفك وقتها المهم فا قلت طيب اذا اختبرت كيف اعطيكم نتيجة الاختبار؟ قال رح عند موقع وزارة التعليم العالي اللي مقابل رياض غاليري المهم فا شال الختم وقال لي ها اختم ترى إذا ختمت راح تنقبل قلت الله يرحم ابوك اختم وريح بالي هههههه
فا الحمدالله قالي نفس المدقق انت دامك مستوفي للشروط خلاص انت مبتعث مبتعث الله لا يعودها بشر ههههه فا هذا بإختصار شديد اللي صار معي اي استفسار انا تحت خدمتكم باللي اقدر عليه
اييييييييه صح نسيت اقول لكم اي احد ناقصه معدلاته لا يجيهم مو تحطيم بس اقول لكم وش صار معي يوم كنت ادقق وثائقي المهم جا واحد جنبي حاط في الاستمارة حق طلب الابتعاث انو نسبته في القياس 80 وهي في الحقيقة في صورة نتيجة قياسه 79 فا قال له المدقق معليش ما اقدر اساعدك الله يستر عليك دور جامعة برنامج الملك عبدالله ما راح تخشه وذاك قاعد يحاول فيه ويقول له يعني نسبة واحدة في القياس تضيع مستقبلي قال المدقق والله لو الموضوع بإيدي والله ما اقصر معك بس راح تمر من ناس فوقي يعني صعبة فا اللي كسر في خاطري انه اخذ الورقة حق الملاحظات الصفراء كتب عليها عدم القبول ولزقها على ملفه وذاك راح وهو محترق اااااخ
الله يوفق ذاك الرجال قولو آمين والله ان وجه انقلب علطول كان على باله انو اموره راح تمشي بس يالله الله يكتب ما فيه الخير ما تدري بخفيات هالدنيا
آسف على التطويل ههههه والسلام خير ختام
رد: اللي موعد تدقيق بعد 16\9\2011 يشوف تجربتي للفايدة
مـــرحــــبأأأأ
ابي اسئلك عن نموذج الإلتحاق بالجامعة الاجنبية <<< اعبي البيانات كامله ومتى اختار الجامعه وهل هي بخط اليد ولا بالكمبيوتر ؟؟؟
ومشكوووور
رد: اللي موعد تدقيق بعد 16\9\2011 يشوف تجربتي للفايدة
اقتباس:
المشاركة الأصلية كتبت بواسطة احمد-513
مـــرحــــبأأأأ
ابي اسئلك عن نموذج الإلتحاق بالجامعة الاجنبية <<< اعبي البيانات كامله ومتى اختار الجامعه وهل هي بخط اليد ولا بالكمبيوتر ؟؟؟
ومشكوووور
لا أخوي لازم بالكمبيوتر ما عدا التوقيع << أكيد ما يبي لها ههههه
ولازم تعبي البيانات اللي تقدر عليها يعني في حاجات مو شرط تعبيها مثل مرافقين ولا توصيات الدكاترة اللي درسوك هذي طبعا للي خش جامعة راح يروح عند الدكاترة اللي عند ويطلب منهم نموذج توصية وبرضو الخبرات اذا ما عندك وبس
اما بالنسبة للجامعة راح يجي وقتها بعدين مو الحين والظاهر ان البرنامج نفسه هو اللي يختار الجامعة والله ماني متاكد
هذا اللي عندي هههه:o
رد: اللي موعد تدقيق بعد 16\9\2011 يشوف تجربتي للفايدة
الله يوفقك وعقبااال القبول النهائي ..
طيب المانيا ايش اللغة اللي راح تدرسها ..
لان اخترتها رغبة ثانية وسمعت ان اللغة صعبة فيها ..
رد: اللي موعد تدقيق بعد 16\9\2011 يشوف تجربتي للفايدة
اخوي سؤال , صورة شهادة الثانوية , لازم تكون مختوم عليها ؟!
رد: اللي موعد تدقيق بعد 16\9\2011 يشوف تجربتي للفايدة
جزاك الله خير ياخوي
عندي سؤال لوسمحت
في استماره التقديم للجامعات الاجنبيه اخر صفحه مكتوب على اليمين التوقيع وفوقه في مربع رمادي هل اكتب اسمي الكامل في المربع ولا بس اوقع بعد الطباعه وكمان ترى ماهم طالبين اسم الجد هل اكتبه في المربع الرمادي ولا لا وخايف اكتب اسم الجد ويكون الاسم اللي في اول صفحه غير اخر صفحه واذا ماكتبته يكون ماكتبت اسمي الكامل زي الجواز
معليش سؤالي طويل بس محتار ارجوا الاجابه وشكرا
رد: اللي موعد تدقيق بعد 16\9\2011 يشوف تجربتي للفايدة
ربي يوفقك ويسر لك امورك اي وبي ان قلبي عورني عليه رده وهو متطمن انه ينقبل ربي يوفقه لأحسن من الابتعاث
ويرزقه من حيث لا يحتسب
رد: اللي موعد تدقيق بعد 16\9\2011 يشوف تجربتي للفايدة
الله يعطيك العافية وييسرلك امورك كلها.. أفدتني كثير أخوي
عقبال ما يعدي تدقيق أخواني وأخواتي المرشحين كلهم يارب..
رد: اللي موعد تدقيق بعد 16\9\2011 يشوف تجربتي للفايدة
اقتباس:
المشاركة الأصلية كتبت بواسطة ريح الصبا
الله يوفقك وعقبااال القبول النهائي ..
طيب المانيا ايش اللغة اللي راح تدرسها ..
لان اخترتها رغبة ثانية وسمعت ان اللغة صعبة فيها ..
آمين وإياك وللجميع
أما بالنسبة للغة اللي راح ادرسها ما عندي أي فكرة ههههه بس أذكر انو كان في صديق للوالد هو طبعاً دكتور في الكلى فا كان موجود يوم كنت اسجل استمارة طلب الابتعاث فا قلت له خوفي تكون الدراسة في ألمانيا باللغة الالمانية فا قال لي لا الطب معروف لغته الموحدة الانجليزي وغير كذا قال افرض انهم خلوك تدرس باللغة الالمانية فا يوم تجي السعودية وش تستفيد؟؟ ما راح تستفيد شي فا أكيد برنامج الملك عبدالله للابتعاث الخارجي حاط الفكرة في راسه يعني ما يبغى يدرس ابناء الوطن بلغة ما راح يستفيد منها مثال تخيلي انو واحد درس في دولة زي هولندا ايش راح يستفيد منها؟؟؟
لكن صراحة ما اعرف هل راح ادرس إذا انقبلت إن شاء الله في ألمانيا باللغة الالمانية ما ادري والله هههه:o
رد: اللي موعد تدقيق بعد 16\9\2011 يشوف تجربتي للفايدة
ياخوي بالنسبة لاختبار الايتلس متى نختبره واذا لم اختبره وش النتيجة