تجربتي مع التدقيق راديسون -الرياض-قسم النساء

السلام عليكم ورحمته وبركاته

صباح الخيرات
اول مارجعت من التدقيق دخلت بكتب شنو صار لي بس كانوا يسوون اب ديت للموقع


موعدي كان اربع ونص العصر
جيت لهم تقريبا ع الساعه اربع
ماراح اطووول وازيد على طريقه التعامل او كيف تعبين اوراقك
لأن كثير ماقصروا كتبوا
بسسسس بصراحه كان كثيير التعامل راقي ومرتبين مره
اهم شي جيبي اوراقك كامله لا تنسينها
استماره طلب الابتعاث
وثيقه التخرج العربي +الترجمه
السجل الاكاديمي للمرحله الاخيره العربي +الترجمه
الهويه الوطنيه _بطاقه العائله _الجواز حقك +جواز سفر المحرم
موافقه ولي الامر +صك اعاله او وكاله للبعض <عشان ابوي متوفي
جواز المحرم
استماره الجامعه الاجنبيه +موقعه عليها
عذرا لو نسيت شي

طبعا كل هذولي الاصل مع الصوره لازم تصورينهن عشان ماتطول عليك السالفه

ااهم الاشياء اللي صارت معي
1- لازم تكشفين
2- جيبي قلم ازرق ناشف معك <توهقت
3- ماختمت لي على صوره جواز سفر المحرم لأن ماجبت لها الاصل اخوي مسافر <قلت لها يسبب مشكله قالت لا
4- تعرفت على بنات من المنتدى مرره عسل من المنتدى فكان المنتدى صراحه له الفضل بعد الله الواحد مايروح على وجهه
5- الموافقه النهائيه تقريبا بالحج
6- اذا ماكملتي اوراقك تروحين لمهم في يوم موعدك وتطلبين تأجيل الموعد
7-جداا تعاملهم راقي اذا خلصتي ورحتي مرحله المطابقه تقولك موفقه <شي لزيز خالص

وحده سألتني عن ششغله وسألتهم قالوا اكتبي استفسار ونرد لك ع الايميل او الجوال وكتبت لها وان شاء الله يردون لي
<مانسيتك



خلصت سريع سريع وصليت العصر عندهم بعد قبل لا ادقق
# ملاحظه انا مقدمه ماستر ان شاء الله يعني غالبا كل كلامي عن اوراق الماستر #

والله يوفقكم وييسر اموركم يارب