الأعضاء الإشتراك و التسجيل

الملتقيات
ADs

حوار مابعد مرحلة التدقيق الى وقت الترشيح ... والانتهاء من اجراءات الابتعاث

حوار مابعد مرحلة التدقيق الى وقت الترشيح ... والانتهاء من اجراءات الابتعاث


NOTICE

تنبيه: هذا الموضوع قديم. تم طرحه قبل 2279 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: هل ترى انها فكرة سديدة ان يبدا المتقدم بتوفير قبول اللغة قبل الترشيح النهائي

المصوتون
146. أنت لم تصوت في هذا الإستطلاع
  • سأبدأ في توفير قبول اللغه في الوقت الحالي

    34 23.29%
  • سأنتظر الترشيح النهائي وبعده ابدا في توفير القبول لنفسي

    74 50.68%
  • سأعتمد على الوزارة في توفير القبول لي .

    38 26.03%
  1. السلام عليكم..
    اشكر صاحبة الموضوع جزاك الله ألف خير..
    بالنسبة لي أنا شخصيا من أول ما قدمت على البرنامج وأنا افكر اجيب القبول بنفسي..
    وأتمنا تقرأو موضوع اختي Biochemist الي وضحت فيه كيفية التقديم وهيا تتكلم عن تجربه..
    سلسلة خطوات نحو قرار الابتعاث 1-طريقة احضار قبول(I-20) من معهد ELS امريكا

    بالتوفيق للجميع..
    7 "
  2. المشاركة الأصلية كتبت بواسطة طموحة 88



    شكرا لك رد جميل ومفييد جدا
    الفكرة حلوا بس عندي لك كم سؤال : كيف بعرف المكتب اللي تتعامل معه الوزارة ؟
    كيف بعرف اوراقي عند مين ؟
    ( هل انتم سويتو هالخطوة بس عشان اصورة الضمان المالي اللي تراسلو فيه المعهد ؟) لانه غير مهم بالنسبة لي او عشان بعد ماجبتو القبول رجعت للمكتب وخليتوه يعطيه الوزارة هو بنفسه وكذا اموركم تمشي اسهل ؟
    لا شكر على واجب تجاه اخواني

    جواب السؤال الأول ...: الوزارة هي اللي تحدد لك المكتب وهي اللي ترسل أوراقك لهم وتطلب منك المتابعة معهم.

    جواب السؤال الثاني ....: عن طريق سؤال الاستقبال في االمكتب.

    جواب السؤال الثالث ....: لا طبعا القبول ماجبناه الى بعد ماتواصلنا مع المكتب انو احنا اللي راح نجيب القبول والحصول طبعاً على صورة من الضمان المالي.



    وبالتوفيق للجميع
    7 "
  3. ربي يووفقك على طررحك هالموضوع انا كان بخاطري اسالهم هالاسئله بوقت التدقيق بس مثل ماقلتي وضعهم م يساعد , يالله تدقق لك و خشمها فوق راسها
    ان شاء الله هالفتره احاول اجيب قبول معهد بس انتظر الضمان و بعطيهم القبول وان شاء الله مايردون فيه

    موفقين جميعآآ
    7 "
  4. المشاركة الأصلية كتبت بواسطة 22مهندسه
    سوال انا بقدم على ماجستير ؟؟
    هل يلزمني قبول معهدمثل ماتقولون ؟؟او بس للي ماعندهم توفل او ايرليس ؟؟؟
    طيب ممكن انا اختار الجامعه مثلا ؟؟
    االلي اعرفه ولا تاخذي الضمان من كلامي انه لو شهادت من جامعة تدرس بالانجليزي مالك حق اصلا بسنة اللغى على طول تجيب قبول ماستر وتابشري دراسة بالجامعة
    اما لو شهادتك من جامعه عربي بس مثلا لغتك الانجليزي قوية وتحسن انك ماتحتاجين معهد لغة يحضرك لدخول الجامعه فاتوقع انك لو سويتي اختبار توفل ولا ايلتس وجبتي درجة حلوا ومقبولة بالنسبة للجامعات الخراجية خلاص تمشي امورك ..... عموما راسلي الوزارة احسن لك من توقعاتنا
    ونسيت اهم شي بالأصل الوزارة ماتجيب لك قبول الجامعه بس عليها قبول المعهد ,,, قبول الجامعه انتي تجيبيه لنفسك
    7 "
  5. موضوع جميل جدا جدا طموحه
    وبخصوص القبووووووووول اقوولها للكل كل واحد يدور قبول له من الحين لانه المكاتب ماعندها ماعند جدتي ولاتفكرون ان الوزارة تفكر في كل شي يهم الطالب
    لازم احنا اللي نسعى ونجيب قبولات من الحين((طبعا للي جااااد ويبغى يطلع بدري))
    وبحكم تجربة لااااتعتمد عالمكاتب انت اختار المعهد والمدينة المناسبة لك

    القبوول النهائي طبعا وحسب كلامهم بيكون بعد 3 اسابيع تقريبا
    الله يوفق الجميع
    7 "
  6. المشاركة الأصلية كتبت بواسطة طموحة 88
    السلام عليكم





    حاليا نحن في مرحلة التدقيق وانا من الناس اللي انهيت تدقيق اوراقي الحمدلله
    ويدور ببالي ايش اللي ممكن نسويه بهالفترة اللي هي بعد التدقيق لحين الترشيح النهائي
    وخطوات الابتعاث حسب موقع الوزار من الاعلان حتى السفر :
    أولاً: التقديم
    وهذا خلصنا منه
    ثانياً: التدقيق والمقابلة
    المرحلة الحالية
    ثالثاً: الترشيح
    وهذا مانحن في انتظاره ...
    رابعاً: ملتقى المبتعثين
    خامساً: إنهاء إجراءات الابتعاث، والسفر
    • يتقدم المرشح للبعثة إلى إدارة البرنامج بعد اكتمال جميع مسوغات الابتعاث للبرنامج بما في ذلك قبول الجامعة، وتأشيرة البلد المبتعث إليه، وتقوم إدارة البرنامج بمراجعة بيانات المرشح للمرة الثالثة؛ للتاكد من صحتها، وبعد ذلك يُصدر قرار الابتعاث.
    • وبعد صدور قرار الابتعاث يحصل المبتعث على أمر الإركاب، وتذكرة السفر، في نفس المكان في مبنى وكالة الوزارة لشؤون البعثات.
    وفي التعليمات الخاصة بالمرحلة السادسة الوزارة كاتبة :
    تنبيه نهائي :
    على جميع طلاب المرحلة السادسة من برنامج خادم الحرمين الشريفين للإبتعاث الخارجي سرعة إنهاء إجراءات الإبتعاث من قبول دراسي + فيزا دراسية وتقديم ذلك للوزارة فوراً لإصدار قرار الإبتعاث في موعد أقصاه 15/10/1432هـ وعلى أي طالب متعثر في هذه الإجراءات مراجعة الوزارة فوراً.

    متطلبات إستخراج الفيزة الأمريكية
    تنبيه لجميع الطلاب المرشحين للابتعاث :
    تنبه وزارة التعليم العالي جميع الطلاب المرشحين للابتعاث في المرحلة السادسة من برنامج خادم الحرمين الشريفين للابتعاث الخارجي بأنه سيتم توزيع القبولات الدراسية في مختلف دول الابتعاث بدءاً من منتصف نوفمبر 2010م ، وسيتم التواصل مع الطالب بهذا الشأن عبر جواله وبريده الشبكي، وعليه فور تسلم القبول البدء باستخراج التأشيرة الدراسية.
    تنبيه لجميع الطالبات المرشحات للإبتعاث:
    تذكر وزارة التعليم العالي المرشحات أن المحرم المرافق ينبغي ألا يقل عمره عن ثمانية عشر عاماً، وإذا رغب في الدراسة فيلزمه الحصول على تأشيرة دراسية، علماً بأن الوزارة تتيح له فرصة الدراسة بعد وصوله لبلد الابتعاث.

    طيب هالنقل الطويل العريض اللي جايبته كله عشان كنت مخططة كالتالي :
    اني بالفترة الحالية لين مايطلع الترشيح النهائي احاول اوفر لنفسي قبول معهد اللغة
    بحيث اول مايطلع الترشيح احجز على طول موعد فيزا
    وبالتالي تكون سرعة انهاء اجراءات بعتثتي ومباشرة دراستي في بلدالابتعاث في شهر يناير اللي هو بداية للمعهد اللي ارغب فيه
    ^ بنفس الصيغة اللي فوق وجهت تساؤلي الى دكتورتين في يوم التدقيق وكان جوابهم :
    1- الأولى قالت ابدا مايصلح وحسستني اني اتكلم بشيء مستحيل وغير قابل للحديث فيه وقالت ان الوزارة هي اللي تجيب قبول اللغه للطلاب وتوزعهم على المناطق على حسب تكدس الطلاب وعلى ماهي تشوف وانتي كيف تجيبين لك قبول وانتي اصلا ماتدرين باي بلد انقبلتي (قاطعتها وقلتي رغبتي الاولى ) قالت مو شرط تكونين برغبتك الاولى يمكن تحطك الوزارة باي بلد ثاني حسب تكدس الطلاب والمفاضلة ! ماكثرت الحديث معها لأن اسولبها لم يكن لائق وسلبي جدا للأسف
    2- الدكتورة الثانيه كانت احسن تعامل وتفهمت كلامي بشكل افضل وايجابية اكثر فكان ردها : برنامج الملك عبدالله صريح وواضح ولكن فيه برنامج اخر وهو الالحاق بالبعثة وهو اني اروح هناك وافتح ملف دارس على حسابي الخاص وانتظر الى ان يضمووني للبعثه , اما برنامج الملك عبدلله فهم اللي يوفرون لك القبول بنفسهم (قلت لها وطلاب المرحلة السادسه بالاخير هم جابوا قبولات لنفسهم بعد ماتاخرت المكاتب !) قالت صحيح وانتي بما انك ماشاء الله عليكي عندك هالجديه والحماس للعلم بامكانك تجيبين قبول للمعهد زي ماقلتلي وانتظري الترشيح والملتقيات وهناك وريهم قبولك يمكن يساعدك بس هالشي مو اكيد انتي جربي وعموما الملحقيه بامريكا متعاونه ومن اول اسبوع لا وصلتي هناك وماعجبك معهدهم على طول تقدرين تغيرينه موضوع تغيير المعهد والولاية سهل جدا.



    انتهى ...


    موضوعي طرحته للتفاعل بيننا ومايمنع انكم تسالون الوزارة نفس تساؤلي لان لاحظت ان كل واحد بالوزارة له رأي واعتقد لو اخواني الشباب سألوا افضل , الرجال مرنين اكثر من الحريم اللي يحبون التعقيد والتعسير
    اتمنى يكون هالموضوع مرجع للكل بهالفترة واي ااحد عنده اضافه تساؤل يضيفه لنفس الموضوع هنا وماتكثر المواضيع اللي تتكلم عن نفس الفكرة


    موضوع مفيد جدا ومساعد للأخت Biochemist1988


    تشرح فيه خطوات التقديم عالمعهد واصدار الفيزا
    سلسلة خطوات نحو قرار الابتعاث 1-طريقة احضار قبول(I-20) من معهد ELS امريكا


    طلب بسيط :
    اللي عنده أو يعرف او يقدر يسال ويوفر لنا قائمة بالمعاهم المعتمدة من قبل الوزارة في امريكا والمتاحة هذي السنة , بيكون ساهم في تعليم الكثير ( واجره مضاعف باذن الله) ومن ثم نقوم نحن هنا اللي لغتهم جيدة بالانجليزي بتقسيم قائمة المعاهد بيننا والشرح لبقية الطلاب كيفية التقديم والتسجيل في هذه المعاهد ...


    وهذا موضوع اخر للأخ الكون ينقل فيه رد الوزارة على إستفساره
    عاجل رد الوزارة بخصوص قبول المعهد لطلاب المرحلة السابعة ..........
    جزاك الله الف خير على ذكر موضوعي هنا وبأذن الله لي عودة في تكملة طريقة احضار قبول معهد و طريقة اخذ موعد فيزا وطريقة اصدار السيفس للفيزا
    7 "
3 من 6 صفحة 3 من 6 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.