تدقيقي كان جدا غريب الحقيقة (مشكلة اصل جواز سفر المحرم وصك الوكالة الخاصة بالبعثة)

هاي كيفكم ايش اخباركم؟

رحت اليوم الحمدلله مركز التدقيق كان اول مادخلت فيه تقريبا 10 مقدمات
طبعا كنت شايلة هم سجلي الاكاديمي الانجليزي (لانو ماعندي عربي) والحمدلله انقبل سجلي الانجليزي وما اهتمو بي اخذ السجل العربي
بس المشكلة اللي ماكنت شايله همها كتير هيا مشكلة (المحرم) :confused:
المحرم دا حكاية و راوية
انا محرمي اللي هو ابويا الله يعطيه العافيه مسافر الى الخارج (مرافق) وماعندي غير صورة من جواز السفر حقو طبعا ماعندي الاصل

قبل اروح التدقيق:
من حسن حظي اخويا الله يجزاه خير قبل يوصلني فاجاني بحاجة ما كنت عاملة لها حساب اللي هيا (صك وكالة خاصة) انا الحقيقة ماكنت اعرف انو ابويا الله يحفظه عمل لي اخويا صك ولاية خاصة قبل يسافر ولاكنت حاسبة حساب الموضوع ابدا شويا اخويا اعطاني ااصل الجواز حقو قبل انزل الفندق واعطاني صورة من بطاقة الاحوال حقتو (كانو حاس)

وقت التدقيق:
دخلت اول وحدة لاني رتبت اوراقي بسرعة
اول شيء الموظفة كانت جداجدا متوترة على الاخر وكل شويا تسأل المشرفة
فلمن بدءت تدققلي اوراقي قلت لها ماعندي جواز المحرم الاصل طبعا قالت مرة ماينفع وطبعا راحت سالت المشرفة وقالتلي المشرفة خلاص غيري المحرم قلت لها اوكي قيدوا اصلن معايا اصل جواز السفر حق اخويا وصك الوكالة الخاصة وصورة من بطاقة الاحوال حقتو
المهم اخذت جواز السفر حق اخويا وصك الوكالة الخاصة و صورتوا من عندها و رتبت الاوراق وحطتها بملف قلت لها طيب وصورة جواز اخويا؟؟
قالت طيب واخذتها ... ورجعتلي صك الوكالة ....
السبب:
لانو صك الوكالة اللي كان معايا كان مكتوب عليه (صك وكالة خاصة)
لازم يكون صك الوكالة مكتوب عليه (صك وكالة خاصة بالبعثة)
للاسف همن اصلا ما وضحو لنا في موقع الوزارة انو يكون اسم الصك صك وكالة خاصة بالبعثة

قلت لها ماتحتاجي تاخذي بطاقة احوال اخويا؟؟
قالت لا مايحتاج طبعا اعطتني ورقة تعديل البيانات وعدلت المحرم بس لمن رجعت البيت شلت هم عارفين ليش؟؟
لانهم بس اخذو صورة جواز السفر حق اخويا طيب ليش ما اخذو صورة من بطاقة الاحوال انتو عارفين انو يحتاج يكتبو رقم السجل المدني جنب المسمى حق محرم في البيانات... (لانو السجل المدني او بطاقة الاحوال حقت اخويا مستقلة عن حق العائلة)

بعدين الحمدلله حطت لي كل اوراقي بملف وكتبت لي مستند وحطت انو كل الاوراق كاملة ماعاد (صك الوكالة الخاصة بالبعثة)

طبعا سالتها:
قلت لها كدا تعتبر اوراقي ناقصة؟؟
قالت لا دا الصك حق الوكالة الخاص بالبعثة متطلب من متطلبات اصدار قرار الابتعاث يعني راح تحتاجه الوزارة وقت اصدار قرار الابتعاث..

قلت لها انا خايفة تعتبر كدا واراقي ناقصة (لانو وحدة اعرفها بالصبح دققت وسألتهم على اي اساس تكون المفاضلة بعد التدقيق فجاوبو عليها تكون الاولوية للناس اللي اوراقهم كاملة)؟
قالت لا عادي اصلا مافي مفاضلة كل اللي قدم اوراقه للتدقيق مقبول ان شاءالله

قلت لها يعني ان شاءالله كل اللي قدمو مقبولين؟
قالت ان شاءالله مدام انتي موافقة لجميع الشروط وكل شيء خلاص مقبولة وان ما قبلولك لكي الحق في الاعتراض..

قلت لها طيب شكرا \قالت موفقه وانتهى الموضوع....
:( على فكرة ما وقعت حضور اول مادخلت مدري ماشفت احد قلي شيء اعطتني الملف وكملته ودخلت مدري هل راح يشكل دا مشكلة ام لا ان شاءالله خير بإذن الله.. :mad: >>>> ما اقلكم تدقيقي كان غريب وعجيب.. :(


نصيحة للحلوات اللي محارمهم مسافرين برا :
غيري المحرم خليه اخوكي او اي احد قريبك او اي احد فاضي بالمنتدى (ههههههههههههههههه) في ناس كتير بتحط اعلانات للبنات اللي ماعندهم محرم :p

بالتوفيق للجميع وامانة ادعولي يتيسر امري وانقبل احسن خايفة من حركة تغيير المحرم دي الله المستعان...

ملاحظة صيغة النموذج حق صك الاعالة دوبي جبته من موضوع وحدة بي المنتدى الله يجزاها خير
http://www.mbt3th.us/vb/forum149/thread302052-3.html

هنا الصيغة تحت
http://www.up-00.com/dldd4m75435.doc.html


http://www.up-00.com/dldd4m75435.doc.html

:(
خلاص حغير المحرم الله يعين :( لانه من الاصل ماعندي جواز المحرم ااصل و لا عندي صك ولايه دا على اساس انه مهو مطلوب :(
و من جد تدقيقك كان غريب .. الله يسهلك يا عسل و يوفقك و تبشرينا بقبولك النهاائي :)

من جد حسيتك حاااااااااااايسه

بس الله يوفقك ويسهل لك

مافهمت صك وكالة خاصة بالبعثة :s

ربي يوفقك ويكتب لك مافيه الخير

ويستمر مسلسل المحرم في السعودية وبره

يعني سؤاااااااال البنت دارسه ومخلصه بكالريوس لو دكتوراه ويجي يقول لها لازم محرم خيررررر؟؟؟

اذا سفر لازم محرم اجل مافي امل الحريم يسوووقو سيارات

خلف الله علينا

ما عندي محرم غير زوجي طيب ايش اسوي !!!!!!!!!!!!!!!!!
اخويا في الجامعه و ابويا كبير و مريض !!!!!
ايش الاستهبال هذا على كيفهم نغير المحرم

والله خوفتيني مررررررررررررره

طيب انا المرافق زوجي بس قلت بغيره الين مايسسدد مخالفاته وبالتالي يقدر يطلع جواز

فعشان كذا بحط بداله الوالد هل يحتاج صك وهالكلام لاني بغيره بعد مايسدد ويطلع الجواز ؟؟

وربي خفت انا جوازي مفقود ولسه اجراءته ماشيه لسه ماطلع واخاف يستبعدوني :(

اقتباس:

---

المشاركة الأصلية كتبت بواسطة albarona

:(
خلاص حغير المحرم الله يعين :( لانه من الاصل ماعندي جواز المحرم ااصل و لا عندي صك ولايه دا على اساس انه مهو مطلوب :(
و من جد تدقيقك كان غريب .. الله يسهلك يا عسل و يوفقك و تبشرينا بقبولك النهاائي :)

---

امين الله يسعدك على الدعوة ويوفقك انتي كمان

الحمد الله مشت اوراقك
صراحه اشوفك في المنتدى و شفت قصتك و دعيت لك
و فرحت لك كثير لما قبلوك
الله يوفقك يا رب
تحياتي t0te

من جد ايس الهبل دا

ياااااااربي ايش اعمل يعني
محرمي زوجي ومسافر يعني يلغولي ابتعاثي كدا ؟!!!