عرض للطباعة
السلام عليكم جميعا
صباح الخير وصباح التوصيات الي مو راضية تخلص :(
حبايبي ابغى اسألكم دحين انا كلمت الدكتورة ووعدتني خير وفرحت
بس المشكلة انها رسلت لي التوصية عن طريق الايميل
التوصية لا بأس فيها بس غير موقعة ولا هي على نموذج رسمي الي فيه شعار الجامعة!
ينفع كدا؟ طب واذا ماينفع اش اسوي :(
وبعدين في شي تاني دحين اش حكاية انه التوصية لازم تكون في ظرف مقفول ومختوم؟ هل دا الكلام صحيح؟
والله خلاص جاني اكتئاب بس افتكرت انه في ناس الله يسعدهم ممكن يساعدوني هنا, الله لايحرمنا منكم يارب :o
التوصيه غير مطلوبه وقت التدقيق لذلك معاكي وقت تجبينها بعد هالمرحله
عارفة :o
بس ابغى اعرف هل تنفع ولا لا
غير كدا لو احتاج ارجع للدكتورة يصير ارجع لها الان وهي فاكرتني
لو اتأخرت يمكن ماترضى تعدل لي شي :(
وعليكم السلام ,
انتي حطي الشعار فيها واطبعيها , وارجعي للدكتوره توقعها وللعميده تختمها
الظرف المغلق خدي نسخ من التوصيه بعد التوقيع والختم , وخليهم يختمونها بختم طبق الاصل من نفس الجامعه واحملي ظرف وحطيهم فيها ويختمونه لك الجامعه
بما انك رايحه رايحه سويهم جميع
بالتوفيق.