يأثر ولا مايأثر ؟!!

السلام عليكم ورحمه الله وبركاته

اول شي مبروك للناس الي جاهم مسج التدقيق ومبروك لي الناس الي راحو التدقيق ومر ب سلام وامان
وعقبال القبول النهائي

ادخل في المووضوع :(

انا امس الي هو السبت الحمدالله كان التدقيق حقي في المدينه روحت قبل الموعد وخلصت الحمدالله قبل مايجي موعدي الاصلي الي هو 6 وربع ماجات 6 ونص الا انا وبابا جالسين في الكافيه حق الاوتيل ونشرب كوفي << بالتفصيل الملل

والحمدالله اوراقي كانت كامله وسليمه و كل شي متطابق
بس فجاه امس وانا جيا انام افتكرت انو انا في استماره طلب الابتعاث المعدل كان مكتوب بالمقلوب
يعني مثلن لفرض انو معدلي 3.4 من اصل 4 كان مكتوب كدا 4/3.4 يعني العكس وهو المفروض يتكتب كدا طبعا 3.4/4 :(
بس من الذكاء الزايد محد انتبه لا انا ولا المدققه وانا كمان مانبهت المدققه
لانو انشغلت بتغير اسم المحرم قصدي تعديلو لانو كان الاسم ملصق مع الي الاسم الي بعدو
تتوقعو عدم تصحيح المعدل ممكن يسوي شي لانو انا كتبتو صح ايام التسجيل بس المشكله كانت من نفس الاستماره مو مني مع انو اخدت الوصل او الورقه الي مكتوب فيها انو تم تسليم الاوراق كامله وقالتلي خليها عندك وقالت موفقه كمان
المشكله ماااقدر ارجع مركز التدقيق لانو انا مو من المدينه وبابا مرتبط بعملو


سو تتوقعو يفرق ولا عادي لانو المعدل متكرره كتابتو في اكتر من مكان :(

هم عندهم صورة الوثيقه خلاص لا تشيلي هم اكيد بيشوفو المعدل
اعوذ بالله من الشيطان الرجيم اتركيك من الوسوسه وتوكلي بالله

وعليكم السلام والرحمه

اتوقع عااااادي ان شاء الله
انتي بس قلبتي المكان حق الرقم

واذا جو يشوفو الاوراق زي ماقلتي اوراق كثير فيها الرقم صح
لا تحاتي تصيررررر

تطمني