نقطتين - في طور التعاون بيننا
بسم الله الرحمن الرحيم ،،
ف البداية ابارك لاخواننا واخواتنا المقبولين
والاخوان اللى ما حالفهم الحظ شدوو حيلكم وبالتوفيق
الحقيقه الموضوع وما فيه >> انوو امس كان موعد تدقيقي
وحبيت اكتب نقطتين ممكن البعض يحتاجها او تريحه باذن الله ،،
- انا كنت اوااجه 3 مشاكل بخصوص تعديل نموذج "طلب الابتعاث" ونموذج " الالتحاق بالجامعه الاجنبية"
وهي * تجديد جوازي وبذلك اختلاف رقمه وتاريخه
* تجديد بطاقة الهوية واختلاف تاريخها
* حطيت صندوق بريد العائلة كلها < والنموذج الاخر صندوق بريد لعائلتنا
والصراحه كنت خايف من الموضوع ومن نموذجهم "نموذج التعديل" لان كل موظف يقولي كلااام !!
مره يقول عطنا صورة جوازك القديم ومره عطنا صورة جوازك الجديد !
<< طبعا انا الان سلمت اوراقي لموظف التدقيق وختم عليهاا
المهم انا رحت كلمت الدكتور << توقع انه المسئول عن الاجراءات << وبعد ما فهمته الموضوع "جزاه الله خير"
قالي > تعال
ودخلنا لغرفه فيها موظفين
فقال للموظف حل مشكلته :o
فبعد ما فهمته الموضوع دخل من اليوزر تبعهم
وعدل لي البيانات
وطبع لي استمارة طلب الابتعاث << وقالي روح لنفس المدقق وخذ منه "نموذج طلب الابتعاث القديم" و " صورة جوازي القديم " وعطه " صورة جوازك الجديد "
وسويت نفس اللى قالي ،،
وخلاصه النقطه الاولى
اذا عندك اي مشكله ومو مرتاح لها > تقدر تخليهم يعدلونها لك مباشره بدون نماذج
^^ اللى لاحظته
في جهل او عدم درايه من اغلب اللى واجتهم في مكان التدقيق
عدا الكتور والموظف اللى عدل لي البيانات
- وفي طور التسهيل : قالي احد الدكاتره
من الافضل لك انك تجيب قبول في معهد لغه بنفسك
واذا تبي تكون مثلا عندك اخوك في نفس المعهد
تجيب قبول واذا المعهد ما عليه مشاكل
باذن الله تنقبل فيه
^^ اختصار للوقت ، حريتك في اختيار المعهد الذي ترغبه
هذا ما عندي فإن أحسنت فمن الله، وإن أسأت أو أخطأت فمن نفسي والشيطان
وبالتوفيق للجميع ،،،
رد: نقطتين - في طور التعاون بيننا
يعني نجيب قبول المعهد من نفسنا بشهادة بنكية مننا
بعدين نقدمة في الملتقى ويطبعون لنا الضمان المالي
؟؟
رد: نقطتين - في طور التعاون بيننا
Alanood y
الحقيقه حسب اللى اعرفه
انك تراسلين المعهد اللى تبينه عن طريق موقعهم وتشوفين المطلوب
وبالنسبة للضمان المالي
اتوقع اننا نجيبه من عندنا
ووبعد تقديم اوراقنا للوزارة في الملتقى
تكون الوزارة هي الضامن
اذا معلوماتي خطا اتمنى احط يعدلها
رد: نقطتين - في طور التعاون بيننا
شكرا لك ولو تبغى ولاية معينة جيب قبول من المعهد الي فيها بدال مايرموك في مكان ماتبغاه
رد: نقطتين - في طور التعاون بيننا
طيب واللي يبي يجيب القبول من عنده
بس ما عنده امكانيه في ضمان مالي
لأن الضمان المالي على ما سمعت انك تجيب بعد كشف حساب لآخر 3 أشهر ؟
اذا فيه احد يصحح لي المعلومه
ياليت يفيدنا
رد: نقطتين - في طور التعاون بيننا
الله يعطيك العافيه على الطرح المفيد
أما مايخص القبولات فهي محل أختلاف بين الكثير من الأخوان ...!!
فلا ندري بصراحه هل نجلب القبول من المعهد الذي نريده الان ..؟؟ أما ننتظر الى ما يحين موعد الملتقى ويتم التنسيق مع مكتب الوزراه بالمعهد الذي نريده..؟؟
ولو أفترضنا أننا جلبنا قبول المعهد بالضمان المالي الخاص ..؟؟ كيف يتم تحويل الضمان المالي الخاص بنا الى ضمان الوزراه ..؟؟
نتمنى من ذوي الخبره أفدتنا
بالتوفيق جميعاً
رد: نقطتين - في طور التعاون بيننا
اقتباس:
المشاركة الأصلية كتبت بواسطة حايراً مابين الواقع
الله يعطيك العافيه على الطرح المفيد
أما مايخص القبولات فهي محل أختلاف بين الكثير من الأخوان ...!!
فلا ندري بصراحه هل نجلب القبول من المعهد الذي نريده الان ..؟؟ أما ننتظر الى ما يحين موعد الملتقى ويتم التنسيق مع مكتب الوزراه بالمعهد الذي نريده..؟؟
ولو أفترضنا أننا جلبنا قبول المعهد بالضمان المالي الخاص ..؟؟ كيف يتم تحويل الضمان المالي الخاص بنا الى ضمان الوزراه ..؟؟
نتمنى من ذوي الخبره أفدتنا
بالتوفيق جميعاً
يا رب نحصل أجابه وافيه
رد: نقطتين - في طور التعاون بيننا
^^
الاجابات الله يسلمكم :)
رد: نقطتين - في طور التعاون بيننا
رد: نقطتين - في طور التعاون بيننا
نفس الاستفسارات ويارب نلاقي اجابات ............