محتاج المشورة .. رواد المستقبل او برنامج الملك عبدالله للابتعاث الخارجي
السلام عليكم
لو سمحتوا عندي استفسار وابي اخذ منكم الراي والمشورة
انا متخرج بكالوريوس
انا جاتني رسالة تفيد اني انقبلت في برنامج رواد المستقبل لهذا العام
وانا قدمت على برنامج الملك عبدالله للابتعاث الخارجي للمرحلة السابعة عشان اكمل ماجستير
فايش تنصحوني ؟؟؟ هل ادخل برنامج الرواد واتوكل على الله ؟ علما انه البرنامج يعطيني فقط دبلومات ودورات في عدد من الدول لمدة سنتين واذا خلصت السنتين ارجع ووظيفتي مضمونة طبعا
او اكمل حلمي بدراسة الماجستير والحصول على توفل في برنامج الملك عبدالله للابتعاث الخارجي للمرحلة السابعة ؟ علما بانه الوظيفة غير مضمونة يعني راح ارجع ان شاء الله وادور وظيفة
والله محتاااار يا اخوان اتمنى تشيرون علي بالرأي السديد
وفقني الله واياكم
رد: محتاج المشورة .. رواد المستقبل او برنامج الملك عبدالله للابتعاث الخارجي
استخيييييير وربي ويدلك على الطريق الافضل
بالتوفيق
رد: محتاج المشورة .. رواد المستقبل او برنامج الملك عبدالله للابتعاث الخارجي
والله ياجدي كلن وقناعاته
آذا تهمك الوظيفه , آكثر من تحقيق طموحك والعلم .. ف الرواد المستقبل
اما الطموح والعلم ف خلك بالبرنامج
وانا اقولك لاتاخذ من كلام احد . لأننا مو انت
لكن أستشر المقربون لك ,,, وصل الاستخاره وانا اخووك , وشف وين ترتاح
وربي يوفقك
رد: محتاج المشورة .. رواد المستقبل او برنامج الملك عبدالله للابتعاث الخارجي
صقر
انت نفس حالتي
لكن انا من بعد ما اختبرت "توفل" اللى تبع الخطوط >> ما وصلتي نتيجتي ولا وصلني اي اخبار
وفي نفس الوقت جاني القبول في البعثة فاضطريت اني اضبط نفسي على البعثه
لكن اذا انت قبولك الخطوط قبول نهائي
انصحك لا تفوتها
لانها تقدم ميزات وراتب جدا مميز
والماستر تقدر تدرسه بعد ما تمسك وظيفتك
الله يوفقك لما فيه خير لك
رد: محتاج المشورة .. رواد المستقبل او برنامج الملك عبدالله للابتعاث الخارجي
السلام عليكم ورحمة الله وبركاته
الوظيفه انشاء الله باذن الله اذا هي مكتوبه لك حتااخذها سواء بعد برنامج رواد او بعد برنامج الملك ،، انا لو كنت مكانك هختار اكمل ماجستير واتوكل على الله ،، وانت استخير وشوف والله يوفقك ..
رد: محتاج المشورة .. رواد المستقبل او برنامج الملك عبدالله للابتعاث الخارجي
أهلين صقر؛
بآلنسبه لبرنآمج روَّآد المستقبل؛ فَ هو يستقطب حملة البكآلوريوس + المآستر
طبعاً شرط "العمر" بآلنسبة للمآستر : 30 سنه أو أقل < بحسب مآ أذكر
اللي حآبب اقوله لك انو :
إذا كآن عمرك يسمح لك إنك تحصل عَ المآستر قبل مآ تتجآوز الـ 29
فَ معنآهآ إن الانضمآم لبرنآمج الابتعآث هو خيآر جداً مفيد ، لأنك بهآلحآله
بتحقق حلمك + بتكون عندك فرصه للتقديم عَ برنآمج روَّآد المستقبل ـ إذا افترضنآ استمرآريته لِ سنوآت قآدمه ـ
بينمآ إذا كآن عمرك مآ يسمح ، فَ حآول إنك تحدد بآلضبط وش هدفك من المآستر ؟
وهل حصولك عَ المآستر ممكن يؤهلك لفرصه وظيفيَّه ـ في المستقبل ـ أفضل من الفرصه اللي قدآمك الآن ؟
بنآءً عَ اجآبآتك حَ يكون قرآرك .. لأن هذآ مصيرك وانت لوحدك اللي تقدر تحدد مسآرك
ربي يوفقك
رد: محتاج المشورة .. رواد المستقبل او برنامج الملك عبدالله للابتعاث الخارجي
اقتباس:
المشاركة الأصلية كتبت بواسطة Mr. Abdullah
أهلين صقر؛
بآلنسبه لبرنآمج روَّآد المستقبل؛ فَ هو يستقطب حملة البكآلوريوس + المآستر
طبعاً شرط "العمر" بآلنسبة للمآستر : 30 سنه أو أقل < بحسب مآ أذكر
اللي حآبب اقوله لك انو :
إذا كآن عمرك يسمح لك إنك تحصل عَ المآستر قبل مآ تتجآوز الـ 29
فَ معنآهآ إن الانضمآم لبرنآمج الابتعآث هو خيآر جداً مفيد ، لأنك بهآلحآله
بتحقق حلمك + بتكون عندك فرصه للتقديم عَ برنآمج روَّآد المستقبل ـ إذا افترضنآ استمرآريته لِ سنوآت قآدمه ـ
بينمآ إذا كآن عمرك مآ يسمح ، فَ حآول إنك تحدد بآلضبط وش هدفك من المآستر ؟
وهل حصولك عَ المآستر ممكن يؤهلك لفرصه وظيفيَّه ـ في المستقبل ـ أفضل من الفرصه اللي قدآمك الآن ؟
بنآءً عَ اجآبآتك حَ يكون قرآرك .. لأن هذآ مصيرك وانت لوحدك اللي تقدر تحدد مسآرك
ربي يوفقك
هذا هو الصواب .
انا تم قبولي مبدئيا بالبرنامج ولما حسبتها مثل كلام اخوي عبدالله وجدت انه هو الصواب.
اسئل الله لك التوفيق .
رد: محتاج المشورة .. رواد المستقبل او برنامج الملك عبدالله للابتعاث الخارجي
الله يعطيكم العافية يا اخوان
راح اخذ وجهات نظركم في الاعتبار
وما يمنع اذا اي احد يقدر يفيدني كمان اكون له من الشاكرين
رد: محتاج المشورة .. رواد المستقبل او برنامج الملك عبدالله للابتعاث الخارجي
هذا يرجع لتخصصك
اذا انت اداري فرواد المستقبل بقوه
لان فيه اداريين ماستر من امريكا كثير ومالقوا وظائف
واذا تخصصك هندسي ماعليك خوف روووح
رد: محتاج المشورة .. رواد المستقبل او برنامج الملك عبدالله للابتعاث الخارجي
لحظه انا بشطح
انا ماوصلتني نتيجة الاختبار لين اللحين!!!
عموما لو اني مكانك البعثه اولى
كل مازادت درجتك العلميه كل ماضمنت وظيفه ارقى
الله يوفقنا واياك