الأعضاء الإشتراك و التسجيل

الملتقيات
ADs

أجوبة بعض الاستفسارات من مستشار الوزير وموظفي الوزارة

أجوبة بعض الاستفسارات من مستشار الوزير وموظفي الوزارة


NOTICE

تنبيه: هذا الموضوع قديم. تم طرحه قبل 2281 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية zeyadx
    zeyadx

    متعاون سابق

    zeyadx أيرلندا

    zeyadx , ذكر. متعاون سابق. من السعودية , مبتعث فى أيرلندا , تخصصى طب , بجامعة RCSI
    • RCSI
    • طب
    • ذكر
    • Tralee, Zzz
    • السعودية
    • Aug 2011
    المزيدl

    September 21st, 2011, 03:23 PM

    السلام عليكم ورحمة الله وبركاته :

    تدقيقي كان يوم الثلاثاء بالخبر الحمد لله مر بسهولة وماواجهت أي مشآكل وما أخذ مني وقت كثير ممكن لأني جيت قبل موعدي بسآعه وكان ماعندهم أحد الا كم طالب مايتعدو ال 7 بالكثير

    وجهت كذآ سؤال لموظفي الوزارة + مستشآر الوزير وجاوبو لي عليهم وحبيت أكتبها لكم هينا للفائدة
    الأجوبة منهم ولا أعلم صحتها من خطأها بكتبها مثل ماقالوها لي .

    بأبدأ بأجوبة موظف الوزآرة الي دقق لي أوراقي :

    1- على ماذا تعتمد مفاضلة الطب ؟
    تعتمد على أمرين 1- عدد السكان بالمنطقة لكل منطقة عدد محدد من الطلآب 2- على النسبة الموزونة للثانوي ( وعلى قولة الموظف يقول ماجاء للتدقيق طلاب نسبتهم 100% الا حوالي ال30 طالب ) .

    2- بالنسبة للتحضيري والتوفل والايلتس ماتساعد على الترشيح ؟ نعم تسآعد على الترشيح وبشكل كبير بعد لأن الطالب مايخلونه يدرس الا وهو جايب لهم يا توفل يا ايلتس ( يقول الموظف انه الي معاهم ايلتس او توفل من الي قدموا ع الطب حوالي 25% بس ) .

    3- اسمي بشهادة التوفل في فرق بسيط عن الجواز ؟
    عادي مابيفرق ان شاء الله .

    4- انا عندي كشف درجات بالتحضيري وبالانقلش لازم اترجمه ؟ لا مايحتاج لأننا أساسا بنرسله لجامعات برا تترجمه عربي ليه <<<< يقولون في ثور رد علي بأيميلكم قالي يجب ترجمته .


    5- موعد الملتقى ورسآلة التأكيد والسفر ؟ إن شاء الله بعد ماينتهي التدقيق نرسل كل الاوراق للوزراة بالرياض ونرجع ندققها مره ثانيه والعاده يأخذ التدقيق حوالي 3 اسابيع وبعدها بنرسل لكم رسائل تأكيد وفيها موعد الملتقى وانت بما أن عندك توفل أتوقع سفرك بيكون ب يناير لأنك جاهز للسفر .

    6- المطلوب صورة الشهادة صورة عادية أو طبق الأصل ؟
    ماتفرق صورة طبق الأصل ولا عادية لأن الأصل معانا وبنطابق عليه .

    هاذي كانت أجوبة الموظف وكان مضبووط مره وحاب يسآعد الطلآب ألي يسألونه صح أني مادخلت رآسي أجوبته بس جزآه اللهـ خير سآعدني ونبهني لشيء انه الموظف الي قبله ماسجل بملفي انه عندي توفل وتحضيري << أنتبهوا لها في ملف يحطون فيه اوراقك تأكد يكونون مسجلين أنه عندك توفل ايلتس تحضيري الي هو .

    والحين مع أساله مستشآر الوزير الي كلهم حاولوا يصرفوني لا أدخل عنده مع أنه باب مكتبه كان مفتوح وجاوب على كل أسالتي الي مدري وش تبي


    1- مفاضلة الطب على أيش تعتمد ؟ جاوب نفس أجوبة الموظف .

    2- أنا عندي تحضيري وتوفل ونسبتي بالثانوية عالية هل أضمن مقعد الطب ؟ إن شاء الله لان عندك التوفل ونسبتك الموزونه حلوة . <<< يآرب يسمع منك يآ شيخ

    3- لو لاقدر الله حولوني علوم طبية وجبت قبول طب أقدر أحول ؟ أي بس يشترط موافقة الملحقية .

    4- اسمي مختلف بشهادة التوفل قليل عن الجواز ومعاي توفل هل يجب أختبر الايلتس ؟ لا ان شاء الله مافيها شي ولا يحتاج تختبر الايلتس بس لو تبي تختبره عادي جيب لنا درجته .


    بالأخير أحب أعيد كلامي هاذي أجوبتهم ولا أضمن صحتها من خطأها وأسال منكم الدعاء لي أنهم يقبولني طب ولا يغيروا تخصصي << ترى في ورقة تختار فيها لو غيرو تخصصك من طب لعلوم طبية وين بتدرس أمريكا ولا كندا << لآزم ينكدوا على الواحد
  2. مفاضله الطب تعتمد بس على معدل الثانويه التركامي فقط ؟؟؟ والقدرات و التحصيلي ما يعتبروه متأكد ؟؟
    طيب اخوي ماسألت كيف اقدر احول من علوم طبيه لطب وهل يحتاج اختبر آيلتس لان ماعندي لا آيلتس و لاتوفل ؟؟
    7 "
  3. على كلامهم أي بس الثانوي حتى انا استغربت قالي تبي نفاضل على التحصيلي ترى في طلاب جايبين 100 <<< قوية .

    وبالنسبة للتحويل سألته قلت لو جبت قبول طب أقدر أحول من علوم طبية لطب قآل أيه بشرط موافقة الملحقية <<< وش يدرينا عن موافقتهم .

    وآختبار الايلتس والتوفل الي فهمته من كلام الموظف ان الطالب مايطلع من السعودية الا وهو جايب يالايلتس يالتوفل . << الي فهمته من كلامه انه يختارون الطلاب للطب بالاول بعدين يطلبون منهم الاختبار
    7 "
  4. أنتي شكلك فاهمتني غلط أنا لما قلت له أحول أقصد بعد ما أبتعث لو جبت قبول طب أقدر أحول عليه أو لا .

    و أنتي الحين لو بتدرسين طب نصيحتي لك قدمي على أختبار التوفل ولا الايلتس < اتوقع الايلتس أفضل لانه هو الي طالبينه .

    قدمي و أختبري الاختبار عشان لو قبلوك طب تجيبين لهم الاختبار لانهم يطلبونه بعد التدقيق عندك الايلتس مثلا تقديمه سهل والنتائج تطلع بعد 13 يوم من الاختبار قدمي عليه وذاكري له ولاتحسبي انه تجيبي قبول طب سهل صآحبي

    مبتعث بالمرحلة السادسة يقولي قبول الطب مو سهل أبدا انك تجيبه << هذا كلامه لي

    فالأفضل لك أنك تختبري الايلتس وهو مو شي تعجيزي سجلي بالاختبار وشوفي الدرجة الي تجيبيها لانه كلام الموظف يقولي الي تقدموا للطب ومعاهم الايلتس او التوفل 25 % من الطلاب بس يعني الاغلب مثل حالتك مقدم طب

    ولاعنده أي أختبار أنقلش . بالأخير كلامي ذا كله من رأسي يعني ممكن يكون صح ممكن يكون خطأ لكن الي متأكد منه أنه باختبارك لأي من الايلتس والتوفل بأذن الله بتستفيدي مابتخسري شي اذا مانفعك مابيضرك وان شاء الله انه بينفعك .
    7 "
  5. اهااا مشكور يعطيك العافيه ماقصرت كفيت ووفيت يعني انت قصدك بعد ما تدرس سنه لغه وتبتعث لامريكا مثلا وبعدها تجيب قبول طب في اوروبا وممكن يحولوك ولا لسه انا فاهمه غلط ؟؟ بالنسبه للآيلتس ايي انا افكر اختبره ان شاء الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.