الأعضاء الإشتراك و التسجيل

الملتقيات
ADs

مناقششششششة موضوووووووع المــــــرافق .......

مناقششششششة موضوووووووع المــــــرافق .......


NOTICE

تنبيه: هذا الموضوع قديم. تم طرحه قبل 2279 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. سوسو من جد محتاس من وضع المرافق يعني انا بالعربي ابي اضمن وضعي هنا قبل ما اطلع ان كتب الله اني اطلع انا وزجتي
    يعني ما راح اطلع لو ما كان الوضع تمام مستحيل اخلي عملي واخذ اجازه من دون راتب ومن دون سنوات خدمه عشان اطلع بدون شي
    يعني فيه عده مشاكل على موضوع المرافق منها القبول لو ما جاني يعني اطلع فيزه سائح يعني ارجع ثاني مره واغير من جديد
    ولو طلع قبول المرافق من هنا كم المده اللي راح اطلع فيها القبول مدري يجي قبولي مع زوجتي والا يتاخر وإذا جاء متاخر متى اطلع الفيزه
    ومتى اقدم على وزاره التربية والتعليم عشان يعطوني اجازه والا لا
    لو ان الوزاره موضحه كل شي بالتفصيل ما احد تلخبط حتى انهم ما قالو تجيبون القبولات لانفسكم والا لا
    وقبل هذا كله ما تدري تطلع في الترشيح النهائي والا لا
    الله يعين بس والله الاوضاع متلخبطه من جد
    الله يوفق الجميع هذا اللي اقدر اقوله ,,
    الموضوع بسيط وهين
    ولا تقول مو معقوله ومو معقوله لو ما تطلع من هالبعثه الا باللغه
    مو مستفيد يعني !!
    الا مستفيد ونص
    ناس تركو واضيفهم بالقطاع الخاص عشان مستقبل افضل
    وانت شايل هم الاجازه

    القبول / بيجيك حتى لو متاخر بيجيك الي عليك انك تطلب تاخير تاريخ الدراسه وبنفس الوقت قبول لك وبتجيك مع بعض
    او تطلب قبولك اذا كان مناسبك تاريخ الدراسه
    الفيزا / اذا فيزا الدارس مرتبطه بقبول جامعي فـ المبتعث ماعنده قبول جامعي فـ اتوقع بيكون مثلك فيزا سائح
    فرضآ طلعت فيزا سائح وين المشكله انت بعد سنه راجع راجع السعوديه عشان الاجازه خلص اللغه وجيب قبول جامعي وطلع فيزا دارس
    في حالة
    تاخر قبولك لا تبدآ بـ فيزا زوجتك الا لما يجي قبولك

    الاجازه
    اظن اظن لما تصدر قرار الابتعاث
    القبول حق اللغه الوزاره و الجامعي انت
    اذا منطبقه عليها الشروط مقبوله باذن الله
    7 "
  2. حبيبي مجروح الفيزه الي حتطلع عليها من دون ضمان مالي هي اف 2 يعني تدرس معهد بارت تايم بالعربي مو دوام كامل ومدتها طويله ماني عارف قد ايش في مواضيع في النتدى شوف
    إجراءات التأشيرات وأمور القنصلية Visas Affairs

    وفيزة السياحيه 3 اشهر بس
    ........................
    لاتخاف بتروح تدرس انشالله اذا رحت بفيزه اف2 وهذي تعطى للمرافق
    الفرق انك لما تخلص المعهد وتجيب قبول نهائي في الجامعه يبالك تغير الفيزه ل اف1 كيف تصير في طريقتين الي متأكد منه انك ترجع السعوديه وتطلب اف1 منها
    والطريقه الثانيه عن طريق الملحقيه ...........
    ارجو اني افد ............
    وللمعلوميه ترا كل هذا الكلام موجود في مشاركات في المنتدى انتو دورو وحتحصلون انشالله ..........
    7 "
  3. ما اقدر افيدك غير بالتأجيل في حدود المسموح
    وهذا الي جربته وطريقته واضحه في الرابط الي حطيته
    وهاذي طريقتي العام
    الـتأجيل لظروف ثانيه مختلف
    انا عندي مشكله صحيه لازم اعالجها قبل اسافر
    وعندي عذر مقنع اني ابقى في السعوديه الفتره الجايه
    عشان كذا بآجل او اطلب الحاق بالسابعه ..اذا عذرك مقنع لتاجيل ممكن يآجلون لك لبعد التاريخ المحدد لاصدار قرار الابتعاث للمرحله السابعه

    الفيزا بديت فيها اوراق وشيك ..الخ
    واجلتها عشان ما اصدر قرار الابتعاث
    اذا ظرفك مقنع لا تسوين فيزا
    ومن ناحية فيزت مرافقي قالو دارس
    7 "
  4. السلام عليكم
    سبحان الله اخوي مجروح ويكابر هههههه بجد جلست اضحك
    انا نفس حالتك بالضبط تخصص زوجتي تاريخ وانا مرافق وتخصصي بكالوريوس حاسب ومعلم سابقا هههههه طبعا الان موظف نقلت خدماتي لوزارة اخرى
    المهم حسب مافهمت ان اللغة على الوزارة للمحرم او الزوجة
    وبالنسبة للفيزا الزواج او الزوجة
    المبتعث يعطى f1 والمرافق الزوج او الزوجة f2 اما المحرم غير الزوج يعطى فيزه اخرى
    يعني ماعندك مشكلة
    بس القبول بمعهد اللغة اول ماتسجل في الملحقية هناك يسجلونك في معهد اللغة لزوجتك
    وخلال دراسة اللغة تجيب قبول بجامعة لك ولزوجتك

    وتقدر اذا بتوفر وقت من الان تبحث عن جامعة تقبلكم في تخصصاتكم اللي بتكملون فيها ويكون فيها معهد لغة وتجيب قبول لكم فيها للغة وعلى فكرة معهد في جامعة يسهل عليك القبول فيها مستقبلا يعني افضل من معهد تجاري منفصل عن الجامعة اللي بتسجل فيها بيكون صعب قبول الجامعة وممكن يطلب اختبارات بعكس لو كان المعهد تابع للجامعة

    اما بخصوص الضمان تحتاجة لما تجيب قبول معهد قبل قرار الابتعاث لك ولها طبعا
    وهذا العائق تقريبا عن اكثر الناس وهو مبلغ لايقل عن 15 الف دولار تكون بحسابك او بحساب الوالد مثلا او اخوك ينفع
    وبعد ماتبتعث ان شاء الله تاخذ الضمان المالي حق البعثه وتبدلة بالضمان الخاص

    بخصوص الاجازة لك من العمل انا سئلت مرجعي قالو لي عادي جدا بس جب قرار الابتعاث اللي فيه يثبت مرافقتك
    ونصدر لك قرار اجازة مرافق محسوب الخدمة لكن بدون راتب
    وهذا يختلف عن الاجازة الاستثنائية اللي بدون راتب

    والله يوفقك يارب ويوفقنا ويصدر الترشبح النهائي ونرتاح هههههه
    7 "
  5. f-1 طالب بدوام كامل
    f-2 مرافق بدوام جزئي تمنح في حال العلاقة زوج - زوجة

    اما في حالة المرافق مثلا اخ / اب يمنح مايسمى فيزا B وهي تقريبا ثلاث انواع سياحة وبزنس وعمل لكن مالك علاق
    ة فيهم الا اذا كان مثلا المرافق زوج غير سعودي يطلع سياحية

    المهم انت الان بتطلع لك f-2 وتقدر تدرس لغة بدوام جزئي بارت تايم ولو تجيب قبول من الان لما تقدم على السفارة لزوجتك بالفيزا انت يكون عندك قبول يعني يكون معاك الاي تونتي ويطلعون لك فيزا f-1 مثلك مثل المبتعث بس حط فبالك لازم تدرس بالفيزا هذي ولاتغيب يعني يطبق عليك نظام الساعات الغياب ولو تغيب ولا ماتبي تدرس ممكن تنلغي فيزتك ويرحلونك

    مدري ليش حاط براسك فكرة الفيزا السياحية ؟؟؟

    شوف هالخبر من الرحلة السادسة


    أكد استطاعته تحويلها إلى F1 بعد السفر
    الحربي: مرافق المبتعث إلى أمريكا يمنح تأشيرة «F2»


    «الاقتصادية» من الرياض
    أكد الدكتور ماجد الحربي مدير برنامج خادم الحرمين الشريفين للابتعاث الخارجي إمكانية مرافق المبتعث إلى أمريكا إصدار تأشيرة ''F2'' ويمكنه بعد ذلك تحويلها إلى تأشيرة طالب ''F1''، أو السفر في البداية على تأشيرة ''F1'' إذ رغب الدراسة على حسابه.

    وأوضح في تصريحات له أمس :''أنه تم التنسيق مع السفارة الأمريكية لإصدار التأشيرات الدراسية لجميع المرشحين لبعثة المرحلة السادسة الولايات المتحدة''. وأشار إلى أن السفارة الأمريكية خصصت أياما محددة خلال الأسبوع لاستقبال طلاب برنامج خادم الحرمين الشريفين للابتعاث الخارجي، لإجراء المقابلات وإنهاء إجراءات التأشيرة التي تصدر في الوقت الحالي لمدة خمس سنوات، كما عملت السفارة على توزيع متطلبات الحصول على التأشيرة الأمريكية على الطلاب في ملتقى المبتعثين. ولفت في الوقت ذاته، إلى أن هذا الإجراء عمل على زيادة أعداد الدارسين في الولايات المتحدة خاصة من طلاب الدراسات العليا.

    من جانبه، أكد داوود راتشفرد نائب القنصل في السفارة الأمريكية خلال مشاركته في ملتقى المبتعثين، أنه يمكن لمرشحي برنامج خادم الحرمين الشريفين للابتعاث الخارجي، حجز موعد في السفارة قبل الحصول على وثيقة القبول (آي تونتي i20) في معهد اللغة. وأشار إلى أنه يمكن التقديم للحصول على الفيزا بصورة من وثيقة القبول على أن يكون لدى الطالب الأصل أثناء دخوله الولايات المتحدة. وبيّن نائب القنصل أنه في حالة انتهاء الجواز والتأشيرة لا تزال سارية المفعول، فإنه على الطالب إصدار جواز جديد والاحتفاظ بالجواز القديم معه دون تخريم، كما يجب تغيير التأشيرة إذا رغب في تغيير معهد اللغة في بلد الابتعاث.

    عدد القراءات: 447


    *
    7 "
8 من 10 صفحة 8 من 10 ... 3789 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.