مناقششششششة موضوووووووع المــــــرافق .......

أخواني المبلغ المطلوب يختلف حسب الجامعة و الدراسة..

معاهد اللغة تطلب حوالي 5000-8000 دولار أما الجامعات فسمعت أن أفضل مبلغ يكفي كل الجامعات هو 32000$..

الطريقة بسيطة، أهم شي المبلغ يبقى في حسابك إلا نهاية الدوام، و بكرى تروح للبنك و يعطيك شهادة بنكية (المبلغ الموجود بتقفيل دوام أمس)، و بعد طباعة الضمان المالي (بمبلغ 20-50 ريال حسب البنك)، تقدر ترجع الفلوس.. أيضاً ممكن تأخذ شهادة بنكية بإسم أبوك + خطاب منه أنه يتعهد بمصاريفك..

قبل لا تفكر في الشهادة البنكية (اللي يسميها الناس الضمان المالي و هي تختلف إختلاف جذري عن الضمان المالي) هي أنك تحدد المعهد أو الجامعة اللي تبي تقدم عليها، و بعدين لازم يكون الضمان المالي بإسمهم..



الفرق بين الضمان المالي و الشهادة البنكية..
الضمان المالي: تعطيه الحكومة أو الشركات الكبرى و هو تعهد بأنهم راح يصرفون عليك، و لو رحت للبنك تبي تطلع ضمان مالي لازم يحجز المبلغ كامل لأنه ملزم أنه يسدد عنك لو ما سددت،، هذا النوع غير مطلوب أبداً عند التقديم..
الشهادة البنكية: إفادة بالمبلغ الموجود في حسابك، و لا يلزم البنك بأي شيء..



نصيحة: عند التقديم إحرص على التسجيل في أقل مدة سواء في المعهد أو في السفارة،، (يعني لو بتدرس سنة لغة، قدم على شهر واحد بس) لأن هذا يسهل لك جداً أمور التقديم و لا يدققون كثير على أمورك المالية و السفارة بتعطيك فيزا خمس سنوات حتى لو قدمت شهر و المعهد و الآي توني تقدر تمدده من هناك..

تحياتي..