المتقدمين لدراسة الدكتوراه في المرحلة السابعة - استفسارات ومشاورات

هذا الكلام اللي يشرح الصدر ولا بلاش..

أتمنى تزودنا ببعض التجارب المفيدة.. وهل سنة كافية لاجتياز التوفل للذين لغتهم (رايحة وطي).؟

نفس السؤال ؟؟

نعم تكفي. شد حيلك.

مبروك للي جاهم قبول الدكتوراة ومن العايدين بعد الزحمة ..

كيفكم؟ وايش في بالكم؟

حيا الله الزميل
أنا مثلك متخرج ماستر من أستراليا
وناوي على الدكتوراه
وحطّوني في كندا
وللحين ما سويت شي وانا بصراحة متخوّف من سالفة القبول لأن المقاعد محدودة
ويمكن أحوّل على إيرلندا لأن القبول أسهل هناك بالنسبة لخريجي الماستر من أستراليا ونيوزلندا وبريطانيا
ونظام دراسة الدكتوراة عندهم برسالة بحث
وهي أنسب لي لأني محدد بالضبط الموضوع إللي ناوي عليه وما لي خلق كلاسات وإختبارات (كبرنا عليها ههههههههه)
بس المصيبة إن مكافأة إيرلندا ما توكّل عيش
عموماً بيننا تواصل إن شاء الله لأني ناوي أقدم على جامعات كندا وإيرلندا والله يكتب اللي فيه الخير

شكلنا ما حنعرف الخبر الاكيد الا في الملتقى ..

انا عندي سؤال هل صحيح انو اللي يكون دارس ماستر في بلد لغه انجليزيه زي استراليا اذا قدم على امريكا دكتوراه ما يطلبو منو توفل
حابه اتاكد من هادي المعلومه

اتوقع يعتمد على الجامعة. انا عن نفسي حاقدم بدون توفل في كندا.

على فكره: امس كنت في ملتقى الرياض والدكتور عبدالله الموسى جاوب على استفسار بخصوص دراسة اللغة للطلاب اللي درسوها قبل كده.
واجابته كانت: لا يسمح بدراسة اللغة مرة اخرى وعليكم التقديم على الدكتوراه مباشرة او المرحلة المطلوبة.
واكمل قائلا: يسمح فقط بدراسة فصل واحد لتحضير الجي ار اي او الجيمات

وكالعادة اتوقع هناك خطآ في هذا الموضوع.

ماحدث معي هو: اني قدمت بطلب الضمان المالي من الوزارة واعطوني اياه موجود فيه بالسماح لي بدراسة لغة سنة ودكتوراه بعدها وبموجب الضمان هذا حصلت على قبول المعهد!

في راي الخاص هو انه الوزارة ما عندها قاعدة بيانات شاملة لنا تبين تفاصيل المرحلة السابقة.
عموما: اذا جاتني الفيزا وجيت اطلع قرار الابتعاث حنشوف اذا الوزارة مدققة والا بتمشي والا ماهيش دارية عن الهرجة!

غريبه , سكرتير ماجد الحربي قاللي انه بسبب مشاكل الحالات المماثلة الوزارة صارت متساهلة و تعطي سنة كاملة للغة يدرس فيها الطالب لغة و جي آر ايه و لي زميل نفس الوضع في كندا و بيدرس لغة و ماشي حاله , و برضو حاله تانية في امريكا لكن رفضوا انه يدرس لغة ابدا و زي ما تفضل الموسى لازم قبول دكتوراه مباشرة.

اتمنى انهم ما يعقدوها