الأعضاء الإشتراك و التسجيل

الملتقيات
ADs

ماخاب من استخار ولاندم من استشار ياجماعه الخير الفزعه افيدوني تكفون

ماخاب من استخار ولاندم من استشار ياجماعه الخير الفزعه افيدوني تكفون


NOTICE

تنبيه: هذا الموضوع قديم. تم طرحه قبل 2278 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية قاهر الازمان
    قاهر الازمان

    مبتعث مجتهد Senior Member

    قاهر الازمان الأرجنتين

    قاهر الازمان , ذكر. مبتعث مجتهد Senior Member. من السعودية , مبتعث فى الأرجنتين , تخصصى ? , بجامعة ?
    • ?
    • ?
    • ذكر
    • ?, ?
    • السعودية
    • Apr 2011
    المزيدl

    September 24th, 2011, 06:08 AM

    السلام عليكم ورحمة الله وبركاته

    ((اتمنى قبل بدء موضوعي عدم حذف موضوعي هذا بس لغاية يوم واحد عشان استفيد منه طلبتكم يامشرفين))

    انا سبق وكتبت موضوع مثل هذا بالاسبوع الماضي ماخليته 6 ساعات بالمنتدى ولا طااار ومالحقت اشووف الردود

    فاتمنى يامشرفين بس تخلونه يوم واحد والله محتاج هالموضوع

    الموضووووع

    انا متخرج من الجامعه بشهر 7 الماضي من السعوديه ودراستنا كل ابوها عربي في عربي

    لغتي الانجليزية مره تفشل اقل من الصفر <<<عندي الدافع والعزيمة في تعليمها بس مدري ليه احس ان الوقت مايكفي وانه يبيلي وقت كثير

    في دراسة اللغة قبل مااروح بعثتي

    ابيكم تعطوني رايكم

    انا مسجل بمرحلة السابعة للابتعاث بس افكر اسحب واجلس سنه اتعلم لغة واقوي نفسي

    وبعدين اسجل للمرحلة الثامنة وبالمرة الوقت الي بجلس فيه بشوف لي وظيفة معيد باحد الجامعات السعودية

    واذا مالقيت وظيفة اكون انا مخطط على المرحلة الثامنة

    انتم ايش رايكم اسحب على البعثة هالسنة ولا لا ؟؟

    والله متخوف من ناحية اللغة خصوصا احس انهم يبعثونا قريب يمكن على شهر 2 او 3 القادم يمكن البعض يشوووفها مره بعيده

    بس انا اشووفها قريبه لان يجيني شعور اني مقدر في هالفترة ادرس لغة مدري هو وهم ولا شي فعلي هذي نقطة

    والنقطة الثانية لو ابي أأجل بعثتي اقدر ولا لا ؟؟ لاني مثل ماقلت لكم محتاج وقت لتعلم اللغة

    عشان اسافر وانا مستعد لها

    كمان يقولون اذا دققت الورق << خلاص ماافي امل للتراجع او لالغاء البعثة واذا سحبت بيكون حقك في طلب البعثة مرفوض بالسنوات القادمة

    والله احترت يااخوان افيدوني

    خصوصا دراسة الخارج يبيلها مهارة البحث عن معلومة في كتب ضخمة

    انا مااقول شي صعب بس مااملك هذي المهارة في البحث لان جامعاتنا ماعودتنا نسوي كذا

    انا من ناحية الاستخارة الحمدلله استخرت قبل الفجر

    ومن ناحية الاستشارة فانا بقرأ ردودكم

    ونصائحكم

    ارجع اكرر واقووول يامشرفين طالبكم طلب بس يوم واحد اتركوا هذا الموضوع عشان استفيد منه

    ويمكن يفيد غيري


    مشكورين

    انتظر ردودكم
  2. العمر يمضي والفرص تقل ..توكل على الله وقدم هالسنه ..وبالنسبه للغه من الحين سجل بدوره شهرين كفيله بانها تعلمك الاساسيات ..ولما تصير هناك مارح تاخذ اكثر من شهرين في المعهد الا وانت متمكن من اللغه باذن الله ... كل التوفيق ..
    7 "
  3. صباح الخير اخوي
    رايي وانا اخوك انك لا تطوف الفرصه ولا تفكر مره بالتأجيل , ما تدري عن ظروف المستقبل
    اما بالنسبه للغه فما كانت عمرها عائق لاحد , يا اخوي انا موصل ناس من ربعي للمطار والله اسمهم ما يعرفون يكتبونه كامل بالانجليزي . وامورهم ماشيه من اروع ما يكون
    مثل ما تفضل الاخ اللي قبلي خذلك دوره قبل ما تسافر وهناك انا متأكد بعد ثلاث شهور الا انت تغرد باللغه وراح انشالله تذكر كلامي , اهم شي الاتكال علي ربك والعزيمه والاجتهاد , وتراها مره تساهيل
    تمنياتي لك بالتوفيق ولا تنسانا من صالح دعائك
    7 "
  4. ما اعتقد السفر بيكون بشهر 2. او 3. باقي اوراق الفيزا وترتيبات السفر >>> اتوقع يعني
    طبعا انت تقدر تتاخر ما اطلع فيزا وبهالوقت خذ دوره واستغل الوقت وبتتعلم ان شاء الله
    بعدين انت بتروح هناك تدرس تقريبا سنه لغه يعني يمديك تعلمت صح
    بس اولا واخيرا شوف رغبتك انت والشي اللي يريحك
    بالتوفيق يارب
    7 "
  5. خذ نصيحتي وتوكل على الله الفرصه ما تجي الا مرة وحدة بالعمر ....

    وانت تقول ان مستواك باللغة اقل من الصفر والمرحلة الثامنة الشروط كل مالها بتتعقد وفي شرط للمرحلة الثامنة انه لازم تكون دارس لغة ومعاك ياتوفل يا ايلتس

    و تعرفوا ان مستوى معاهد اللغة اللي عندنا مو ذاك الزود وانا مجربة ما استفدت غير القرامر بس والاساسيات

    كنت مثلك مترددة في المرحلة السابقة ولكني فكرت بالتاجيل للمرحلة السابعة على اساس اني اتقوى في اللغة

    بس ندمت ع السنه اللي ضاعت في المعاهد اللي عندنا ....

    فنصيحتي توكل ع الله

    وحاول تدخل معهد يعطيك الاساسيات ولو للمستوى الثاني ...... ....

    و في النهاية استخير والقرار الاول والاخير لك ......

    و
    بالتوفيق ان شاء الله ....
    7 "
  6. صدقني معاك وقت تاخذ الأساسيات ع الأقل
    ودام عندك رغبة انك تتعلم فماعليك بتقدر ان شاء الله
    وترى اغلبنا مشكلتهم نفس مشكلتك لو كلنا قلنا اللغة صدقني بيطلع اقل من الربع ابتعاث
    والباقين يجلسوا
    وماتدري الشروط السنة الجاية كيف تصير
    يمكن تصير اصعب وتروح عليك الفرصة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.