ابي مسااعدتكم ارجووكم (ولكم مني الدعااء ..~ْ

وعليكم السلام ...

الشروط ان تكون نسبة الثانويه اعلى من 90% والقدرات والتحصيلي 80%واكثر....بس يمكن تتغير الشروط في السنه الجايه >>بس انت شد حيلك

التسجيل راح يكون السنه الجايه وتسجل من النت تدخل على برنامج الملك عبد الله وتسجل بس

وبس ..
ان شاء الله اكون افدتك ..واي سؤال انا تحت امرك
دعواتك ^ ^

الموضوع سهل وانا اخوك لا تحاتي تو الناس ,, أنا كنت مكانك السنة اللي راحت ,, جالس افكر في كيفية التسجيل بعد الثانوية واقرا في هالموضايع واسمع قبولات ونجيب قبولات ومعاهد وماني عارف ايش ,, صدقني لا تلف كثير بالمواضيع لأنه راح ينفجر راسك ,,, بالنسبة للتسجيل لا تخاف ,, التسجيل إلكتروني وراح يفتح التسجيل للمرحلة الثامنة بعد ما تخلص الثانوية وتستلم شهادتك ( هالسنة فتح بأول رمضان ) ,, يعني وراك وقت طويل ,, الشروط هي العمر يكون 22 سنة أو اقل ,, و 90 بالتراكمي الثانوي , و 80 في القدرات والتحصيلي ,, اذا انطبقت عليك هالشروط ,, اعتبر انك مبتعث بإذن الله لأن كل شيء بعد هالشروط عبارة عن تدقيق في اوراقك وفترة انتظار ,,

أهم شيء بالنسبة لك الحين هو انك تركز على دراستك ,, وتجيب أعلى درجة ممكنة لأنه من الملاحظ بأن شروط الإبتعاث تزداد صعوبة في كل مرحلة ( بس ما أظن بيصعبونها أكثر من كذا , والله اعلم ) ,, وكمان اذا ما عندك جواز سفر حاول انك تطلع لك واحد الحين ,, علشان لا تتمشكل بعدين في مسألة اصدار الجواز + علشان تشوف كيف اسمك مكتوب بالجواز وتعطيه المدرسة علشان يحطونه بالشهادة ( عندنا في الفصل الدراسي الثاني وزعوا لنا أوراق قالوا سجلوا فيها اسمائكم بالإنجليزي ) ,,

هذي الأشياء المهمة وغير كذا الباقي سهل بإذن الله ,, والله يوفقك ,,

عآجبني حمآسك من شأن كذا دخلت بأرد عليك أول شي ربي يوفقك ويعينك وتخلص الثانوي والقدرات والتحصيلي بأعلى الدرجات

هالسنة الشروط كانت أعلى من السنة الماضية طالبين الثانوي فوق ال90 والقدرات بال80 والتحصيلي بال80

نصيحتي لك ركز ع الثانوي والقدرات والتحصيلي وحاول أنك تخرج منها بأعلى الدرجات الي تأهلك تدخل أي شي تبيه بعثة الملك بعثة سابك أرامكوا الي تبي

وتكون الخيارات مفتوحه قدامك عشان كذا لاتخلي مقياسك نفس مقياس بعثة خادم الحرمين الشريفين يعني مو تقول بس باجيب فوق ال 90 و80 قدرات وتحصيلي << حاول تجيب أعلى يعني لاتخليها مقياس لك

وبالاخير -_- أتوقع الي مثلك مهتم من بدري وحاط شي برآسه أنه بيقدر يوصل له وأن شاء الله يتحقق كل الي تتمناه

قصة لو فاضي تقرآ ( قبل أخلص الثانوي كنت احلف اني ماراح ادرس الا ببعثة خادم الحرمين الشريفين ولا راح ادرس بأي جامعه سعوديه جاني الترشيح وانقبلت بالبعثة وفوق كذا مارحت ودرست بجامعة الملك فهد وعن رغبة مني وبعد ماخلصت سنة بجامعة الملك فهد تركتها ورجعت للبعثة لانها كانت رغبتي من زمان فمن كلامي بوصلك أنه ركز على رغبتك وان شاء الله بتحققها )

الله يعطيكم العاافيه كلكم ي رب ...~ْ
وربي حدي فرحان تسلموولي ..~ْ
صدقووني مارح احرمكم من دعاائي ..
الله يحفضكم ي رب ..(( وبأذن الله تتحقق امنيااتي ي رب ..~ْ((وانتو كماان ..~ْ
تقبلو مرؤري ..~ْ

الله يكتب لك الخير ياااارب

اسمع لا تاخذ الكلام بعدين لاجاءالتقديم من احد انا هولت الموضوع وكان سهاله

الله ييسر لك امرك ركز ع دراستك ومعدلك والباقي سهل

الله يخليك اختي صلووحه ..~ْ
ويعطيكي العاافيه عالمشاركه ..~ْ