استفسار استفسارمن طلاب الدكتوراه والماجستير بخصوص التوصيات للدراسة بجامعات امريكا وكندا

والله ما عندي أي خلفية

انا صراحة للحين ما طلعت الا توصية واحده من دكتور
وما حط عليها اي وسيلة اتصال

لكن مو جدول مثل ما ذكرت
كتب كتابة طويله من ضمنها شرح لهم المواد اللي اخذتها عنده وكم اخذت فيها
وجلس يمدّح فيني

لا جداول ولا وسيلة اتصال

أنا توصياتي بلقراف واسماء الدكاتره ودرجتهم العلميه وتوقيعهم
وبدون وسيلة اتصال لأنهم رفضوا
والحمدلله عادي إن شاءالله
الجداول قالوا غير مرغوبه من الجامعات برآ والله أعلم

التوصيات قرئت عنها الكثير هنا في المنتدى

والجامعات وضعها هنا غير

توصيات زوجتي لمرحلة الماجستير من جامعة الاميرة نوره بالرياض

على شكل جدول والدكتوره تاشر بعلامة صح على مستواك

وبالاخير طلبنا وسيلة اتصال وكلهم سجلو ايميلاتهم بالاسفل

وصورناهم الاصول بظرف مغلق ومختوم من الجامعه ( تخليه معاك للجامعة اللي بتقبلك )

و 6 اظرف اخرى مغلقة ومختمه من الجامعه
داخل كل ظرف نسخة من التوصيات الثلاث ومختمه بطبق الاصل من الجامعه

تقبل بامريكا او ما تقبل - الله اعلم -
مافيه الا كيذا
خصوصا ان دكاترة الجامعات هنا غير متعاونيين

التوصيه اللي بطريقة البرقراف هي الافضل والمعمول بها باكثر الجامعات
لكن وش نسوي ما باليد حيله
نخليه يكتب برقراف بالغصب

وعليكم السلام ورحمه الله وبدكاته

الافضل توصيات باللغه الانجليزيه وهي المعترف فيها وتكون زي ما قلتي الدكتور يكتب وتكون كل توصيه بظرف مقفل من الجامعه ومختوم عليه ختم جامعي الافضل ..

والعربيه ما يعترفون فيها والله اعلم --

+ انا ما فيها اي وسيله اتصال : )

بالتوفيق

التوصيات الي فيها خانات مايقبلونها
المطلوب توصيات مكتوبه على شكل تعبير بالأنقلش
وتكون مختومه بايميل الدكتور ورقم الموبايل وتوقيعه
واذا مافي ايميل ورقم موبايل مافي اي مشكله
والاهم انو تكون مطبوعه على ورق رسمي للجامعه
بالتوفيق

الله المستعان
طيب ياليت اللي عنده نموذج توصيه معتمد ومقبول
يضعه هنا نشوف كيف طريقة كتابة التوصية على شكل براقراف ومحتوياتها

ي اخوان

الافضضل انكم ماتعتمدون على توصيات الدكاتره
لانها اغلبها اي كلام ومثل ماقلتوا جداول

الافضل انكم تنزلون توصيات على فلاش وتكون جاهزه
بس ماعلى الدكتور الا انه يكتب اسمه و درجته العلميه و تخصصه وايميله
ويطبعها لك ويوقع عليها ويختمها

انا جمعت كم توصيه من الموقع والنت وعدلت عليها
وخليت الدكتورات بس يحطوا بياناتهم

ان شاء الله انزلها قريب لك عزيزتي وللجميع

الله يوفقك ويسر أمرك ..

ياليت تنزليها اليوم عشان يمديني أطلع عليها واعدل فيها ..لأني رايحة الجامعة بكرة أو بعده بالكثير إن شاء الله

وإذا عندك ترجمتها ياليت ترفقيها معاها ..

بإنتظاارك

وجزاكِ الله خير يارب

اوكي واللي متخرجين من كم سنه والدكاترة نسيوهم كيف اطلع توصية


انا يوم رحت اطلبها من كليتي التعيسة كل اللي درسيني من بداية دراستي بالكلية راحوا

ومابقى غير اللي جو على اخر سنه ومايتذكروني

كيف السواة معهم

كتبوا لي توصية تعيسه كأنها كتابة واحد تو يتعلم انجلش
ولا قدمتها مع اوراقي قلت اخلي الترشيح النهائي يجي ثم اراجعهم