-
خلصت التدقيق ولكن
السلام عليكم
رحت اليوم التدقيق في فندق راديسون بلو
موعدي 6:15
رخرجت من البيت 4 ووصلت 4 ونص :P
كان شويه زحمه لانو من الساعه 4 مواعيد البكالوريوس والزمالة
بس الحمدلله خلصت بسرعه لأني كنت مرتبه اوراقي من البيت ومخلصه ^_^
بس من التناحه
نسيت اعطيهم التوصيات :(
مع أني كاتبه الأسامي في ورقة الجامعات الاجنبية والظرف في الشنطه
بس مدريييي ايش اللي خلاني انسى
بيكون مشكلة انو كاتبه الأسامي وماسلمت التوصيات ؟؟؟
-
رد: خلصت التدقيق ولكن
nnnnnnnnnnnnnnooooooooooo .. indeed no
-
رد: خلصت التدقيق ولكن
لو مهمه كانو طلبوها منك...وحتى في ورقة الطلبات ماهي مكتوبه
-
رد: خلصت التدقيق ولكن
ربنا يوفقكم ان شاء الله انا كمان كان تدقيقي اليوم و عدت اموري الحمد لله بس من الصقعه اختكم كتبت على الملف رقم الطلب بدل KAS كتبتها KSA خخخخخخ حيقولو عني وطنيه ههههه بس مدري هل دا حيعمل مشاكل ولا لا
-
رد: خلصت التدقيق ولكن
لو مره مهلوسة بهالشغلة روحي لهم بكره واساليهم أو راسليهم على الايميل اليوم بدال لاتكتبي بالمنتدى
-
رد: خلصت التدقيق ولكن
اكيد ما يحتاجوها دحين ولا كان طلبوها
بس عندي سوال هوا فندق راديسون بلو ولا راديسون جده !!
لان في فندقين وانا كتبولي فندق راديسون بمدينة جده ما حددو ازا بلو او لا ؟!!
وياريت لو تقولي اش سار معاكي انا تدقيقي التلوت وشايله هم
يطلبو حضور المحرم والجواز !!
-
رد: خلصت التدقيق ولكن
اولا الفندق راديسون بلو
ولو رحتي التاني حيقولولك بلو لانو امس اتصلت علي الفرع التاني قالولي مو احنا التدقيق في فرع شارع فلسطين
و التدقيق مره مافي شي يخوف اول ما تدخلي تسالك ايه مرحله و بعدين تقولك شيكي على اسمك في لوحه معروضه و هاتي رقم التسلسل تعطيها هو
و تديكي ورقه بترتيب الاوراق ترتبيها و ترجعيلم تاني يعطوكي ملف تكتبي عليه البيانات و تحطي فيها اوراقك و عاد يشوفو اش ناقصك اش مو ناقصك
يشيكو معاكي يعني بس و تديكي رقم الانتظار تستني المدققات الين ينادو رقمك او انها ازا كانت فاضيه تنادي مين ماستر او بكالوريا او عاد شوفي مين يبغو
تروحي تراجع اوراقك تاني تطلب بطاقه هويتك جوازك جواز محرمك و مرافقينك حتى ولا طلبو كرت العائله ولا بطاقه احوال المحرم و تختملك على كوول اراقك و تديكي سند تحتفظي به مرره تضيعيه و بس
دا كووول اللي صار معايا اليوم و طبعا المركز كان نوعا ما فاضي بصراحه مرره ماكان زحمه فخلصت اوراقي بسرعه ما طولت الحمد لله الله يوفقكم يارب و نتقبل كووووولنا بازن الله
-
رد: خلصت التدقيق ولكن
قالولي ما نبغى التوصيات
وفندق يا ناس في طريق المدينه بعد كبري فليسطين تلاقيه على يسارك
-
رد: خلصت التدقيق ولكن
حتى انا اليوم كان تدقيقي نفس وقتك وما اخدوا مني توصيات ولا شي أساسا مو مطلوبه في التدقيق
لا تخافي ان شاء الله امورك تماام^^
-
رد: خلصت التدقيق ولكن
التوصيات مو مطلوبه بالتدقيق