للأخوان والأخوات الذين سئلو عن التوصيات ..

نفس الوضع عند العيال
يجيك المصري يذلك ذل على التوصية .
تعال بكرا وتجي من بكرا ولتلقوا و أذا لقيته يقعد يصرفك عندي محاضرة وما أدري ايش
والله لو التوصية على خمسه كان تلقو يجي يركض

لكن الدكاتره السعوديين أحسن تعامل منهم

انا سألت الاستاذه عبير الطريري قالت الجداول مناسب

الف ششكر لك ي اخوي

طيب ذكرت لي عن الملتقى وانهم يساعدون الطلاب

وش هالملتقى ,؟ ووين القاه ؟؟

يحق لك والله تستغرب من هالتعقيد ,, لانه شي مبالغ فيه
لو كان نطلب توصيات من القطب الشمالي امكن كان تسهلت لنا احسن من الجامعه

الله يوفقك يارب و يسعدك

^
ليه كل التعقيد
انا توصياتي سويتها بنفسي شعار الجامعه وكتبت فيها بس وديتها يختموها
جامعتنا جامعه فقر ابسط المتطلبات ما تحصلها عندهم
والظرف كمان انا نسقت بالوورد نفس شكل ظروف الجامعه لأنهم ماعطوني
وحطيت فيه 3 توصيات مختلفه وسكرته ..

لحد يقول ورق رسمي ومدري ايش
انا اخوي شفت توصياته من جامعه الملك سعود نفس النموذج اللي سويته

كيف سويتي الظررف؟؟؟

وبسالكم الحين الظرف لازم من عندهم عليه شعار ولاعادي اي ظرف اهم شي مختوم على مكان الفتح؟؟؟
لاني طلبتهم وماعطوني

وجع يوجعهم اي فلوس
اشتكو عليهم
عمرها ماصارت ختم بفلوس

انا لعلمك وديت لهم السجل الاكاديمي النسخه الاصل عباره عن اربع اوراق
وسويت عشر نسخ يعني كلهم اربعين ورقه
بالاضافه الى عشر نسخ من الوثيقه
تكاسلو يختموهم لي وسووها سالفه
قلت لهم ماراح ارجعهم معي البيت وانتو ماختمتوهم
خلوها عندكم لين بكره وبيمديكم

ورجعت لهم ثاني يوم اخذتهم

كيف سويتي الظرف ؟؟
اما التوصيات انا رحت لهم طلبتهم يسونها لي يالله بشده سوتههاا وفي الاخير وحده من الدكتورات الي درستني ماتعرف ايميلهااا ..قسم سجلته غلط
مادري وش تحس فيه ..
وسويت من كل وحده 5 نسخ وياالله بالشده ختموو عليهاا الحمدلله وربي كاني اشحتهم ....

مثل ماقلتي سلطه من يدرون ان ورا الموضوع بعثه
يعقدونها زياااااده

انا سويت توصياتي وكانت العميدة جدا متفهمه لاني ابي اربع توصيات وابي منها وحدة ومن دكتورة ثانيه وهذي تقول تعطيني التوصيه من جيبها
وقالت خلاص بخلي ثنتين ما درسوني يكتبون لك لان التوصيه لازم استاذ مساعد
واخذت من كل وحدة توصيتين واخذت ظروف بس اربعه
لكن الي صار ختموا على التوصيه ختم غير جامعتي يعني انا جامعه الملك سعود والختم جامعه الخرج
فما ادري عااادي لانه ختم رسمي والا ارجع اضبطها ؟ اخاف يقولون ما عندنا ختم الملك سعود
وهل لازم اصور كذا نسخه ويختمون عليها طبق الاصل

ياريت احد يجااااوب

بانسي
اخذيلك نسخ طبق اصل من التوصيات
اقل شي ست

وكذلك السجل الاكاديمي والوثيقه خليهم يسون لك نسخ طبق اصل
اقل شي ست
وبالنسبه للختم
اتوقع انه لازم يكون ختم الجامعه اللي درستي فيها تفاديا لاي مشكله