بشارة بخصوص خيارات الدول (:
السلام عليكم ورحمة الله وبركاته
صبحكم/مساكم الله بالخير
امس كان موعد تدقيقي فالرياض الساعه 6 وربع وكان المركز فااااضي يعني دخلت وطلعت وما شفت الا تقريبا 8 طلاب
وكان الوضع مرتب وبسيط. صح انهم استقعدو لي بالوثيقه لاني ما بعد استلمتها من الجامعه وكان معي خطاب من الجامعة يثبت اني تخرجت وما بعد استلمت الوثيقه بس انه كان بالانجليزي والاخوان فالمركز ما فيهم احد يعرف يقرا انقلش
وبالاخير ودوها للدكتور يقراها ووافق عليها الحمد لله
المهم بعد ما خلصت من التدقيق شفت مكتب مكتوب عنده استفسارات وكان فيه الدكتور حمود الزهراني، ما ادري وش منصبه بس المهم انه تبع البرنامج، قلت ابدخل عليه وابثره بالاسئله
السؤال الاول: هل الطالب مسؤول عن توفير قبول المعهد او الوزارة بتتكفل بهالشيء؟
قال احنا الي نختار له الولايه والمدينه والمعهد عشان نرتب عدد الطلاب ونعرف كيف نوزعهم ع الولايات والمدن. الا في حاله وحده، اذا كانت البنت له اخو هناك وتبغى تكون عنده، او ولد له اخت هناك ويبغى يكون عندها.
السؤال الثاني: كم نسبة القبول على الخيار الاول بالنسبه للدول؟
قال كل طالب راح يقبل على الخيار الاول الا في بعض الدول الي اغلب جامعتها تشترط ان يكون تخصص الماجستير في نفس مسار تخصص البكالوريس مثل اسبانيا والمانيا. يعني مثلا اذا طالب تخصصه تاريخ وطالب تخصص حاسب فالماجستير في اسبانيا في هذي الحاله بيحولونه للخيار الثاني او الثالث.
السؤال الثالث: هل باستطاعاتي ان ادرس في معهد تحضير للجيمات في الفترة المسائيه اثناء دراستي للغه وتتكفل الملحقيه برسوم المعهد؟
قال ابدا غير مسموح لك تدرس اللغه والجيمات في نفس الوقت ولكن اذا قدرة تخلص اللغة قبل المده المسموح لك فيها الي اهي سنه، تقدر تسجل في معهد جيمات على حساب الملحقية اليين تكمل السنه وبعدها تبدأ الجامعه.
الدكتور كان مره متعاون ونصووح والله يجزاه خير
رد: بشارة بخصوص خيارات الدول (:
الله يعطيك العافيه
انا وديت لهم اوراق زوجتي بالرياض وكانوا متعاونين وخدومين ..
واغلب الكلام ان القبول بيجي على الرغبه الاولى
بالتوفيق ان شاء الله للجميع
رد: بشارة بخصوص خيارات الدول (:
يعطيك الف عافيه ع الأفادات المثريه
موفق خير
رد: بشارة بخصوص خيارات الدول (:
يعطيك العافيه خيوو .. والسؤال الثالث كان مهم ليا ^ _ ^
رد: بشارة بخصوص خيارات الدول (:
رد: بشارة بخصوص خيارات الدول (:
أنتو عارفين انا ايش حعمل
ان شالله ان شالله لو طلع ترشيحي النهائي انا حروح لوحدة من المكاتب واجيب القبول اللغة
لان انا ما اباهم يختارو لي الولاية انا أبا فلوريدا ان شاللة
ووقت الملتقى أقلهم تراني عملت كدا وكدا وجاني القبول
مني مستعده اروح ولاية بارررررردة مثلجة الصراحة الانسان قدرات
ايش رايكم
رد: بشارة بخصوص خيارات الدول (:
انا تقريبا ابسوي مثلك وانشاء يقبولنها
ما ابغى اتحسف بعدين اني ما سويتها
رد: بشارة بخصوص خيارات الدول (:
رد: بشارة بخصوص خيارات الدول (:
أنا مقلقني جداً أمر المعهد
هل تغيير المعهد سهل أو صعب ؟
رد: بشارة بخصوص خيارات الدول (:
جواب السؤال مصيبة الصراحه !!!!!!! الوضع يخوف اذا هو صحيح !!!
وبعدين من متى الوزارة هي نفسها تجيب قبولات للمعاهد !!!! من بدا البرنامج المرحلة الاولى وهي متعاقده مع مكاتب متخصصه !!!!!!!!