بليز اللي كان تدقيقه في جدة يدخل بسسسسسررعة

موعدي اليوم الساعة 4 ونص في فندق رايدسون ساس ابغى اعرف تدقيق البنات في اي دور
الله يسعدكم قولوا لي مستعجلة ...

فى راديسون بلو مو ساس
و فى الدور الارضى اصلا ما تدخلين جوا الفندق
القاعه لها باب من برى تلاقيه

اختي المكان فندق راديسون بلو طريق المدينه بعد تقاطع شارع فلسطين تلاقيه عاليسار وشكله قديم ومليان اعلام من قدام

وتلاقي معلقين اوراق عن التدقيق و المواعيد المدخل من قدام في بابين الصغير و واقف عليه سكيورتي دا مدخل الحريم ما ياخد منك الموضوع تلت ساعه

انتبهي في اتنين راديسون بلو في واحد قبل تقاطع شارع فلسطين لونه بيج لا توقفي عنده

أنا كان تدقيقي الاحد و بالتوفيق يارب

انا معاك اليوم ياقلبي بس الساعه 8 اليل وما ادري وين ربي حاطني << اكلمك الحين وانا بالمطار تو وصلت طيارتي جده

حاسه حالي ضايعه وخايفه ههههههههههههههه

بليز اللي يعرف يرد علينا

اذكرو الله وصلو على النبي ياجماعه والموضوع بسيط جدا ان شاء الله ليه الخوف ذا والربكه

الشغله كلها ملفين واحد فيه اصول الشهادات والجوازات واثبات الهويه والثاني فيه صور لها

وتقديم بسيط وميسر مايحتاج كل هذي الربكه ... والي بيرتبك من الان وش بيسوي اذا سافر الله يعين بس

لا تنسو (( طلب الابتعاث ورقه واحده + طلب التقديم على الجامعه الاجنبية 4 ورقات + اقرار ولي الامر )) هذي طبعا تطبع جميعها من الموقع

والي يحس انه مره مرتبك ومو عارف العنوان ... يوقف سيارته ويروح مع اي ليموزين ويقله (( فندق راديسون بلو الي في طريق المدينه جنوب بعد كوبري فلسطين ))

موفقين