بخصوص المرررافق هذا رد مستشار البعثات و رئيس اللجنة بمدينة جده الدكتور عبدالرحمن

السلام عليكم و رحمة الله و بركاته ...

توني جاااي من الفندق بعد ما تم تدقيق اوراقي و كانت الأمور على مايرام و لله الحمد
وكانت قضية المرافق جداً مضايقتني و قلت خلوني استفسر منهم يكون أفضل ...


فسألت عن أي مستشار استشيره بخصوص المرافق

قالوا لي روح للدكتور عبدالرحمن هو المستشار و هو رئيس اللجنه

دخلت له و كان رجل في قمة الإحترام ربي يحفظه من كل سوء و سألته هالأسئله اللي إن شاء الله تفيد غيري

س: هل إلحاقي بالبعثه مرهون بدراسة المبتعث الأساسي اللي هي الزوجه ؟؟
ج: نعم ...بس إذا كانت درجاتك كويسه يخلونك تكمل .. ...
بإختصاااااااااار اللي درجاته فااشله هذا ينظرون في موضوعه و إحتمال كبير يرجعونه ....بس اللي درجاته كويسه و تقريره بالجامعه كويس هذا يكمل بدون اي مشكله ....


س: هل أجيب قبول من المعهد و الجامعه للزوجه و لي و تقبلونه لي ؟؟
ج: بكل حمااااااااس قال " أكيييييييييييييد " أنت كذه بتوفر علينا وقت و جهد ....

س: متى أسلم لكم القبولات ؟
ج: إن شاء الله قبل الحج بتطلع أسامي المترشحين حينها بإمكانك التواصل معنا بالوزاره و تسليم أوراق القبول ....

س: أنا متوظف قطاع خاص و وظيفتي الحمدالله ممتازه و لازم أقدم إستقاله و أخاف أروح هناك وما استفيد شيء وارجع و أنا خالي اليدين ؟؟
ج: قال لا مستحيل ...أنت أول ما توصل هناك جيب لك قبول جامعه و كمل أوراقك مع الملحقيه و تصير مبتعث زيك زيك المبتعث الأساسي وتكمل دراستك و تأخذ الشهاده اللي تبيها ...

س: يعني الأمور مطمئنه و إن شاء الله تكون بخير ؟؟
ج: أكيد يا ولدي :) ...و أمريكا وضعها جداً سهل مقارنةً بإستراليا و كندا ...


خلاصه الحديث ...
الدكتور جداً ريحني ...وقال لي البعثه هذه فرصة لك كونك أنك بتكون مرافق ...لأنك راح تكمل دراستك ...و غيرك يدفع فلوس عشان يمكل دراسته


أنا بصراحه أرتحت كثير من كلامه
وحسسني أن الوضع جداً بيكون طيب ...
الله يوفقه يارب ..رجل قمة في الأدب و الإحترام

أنا وضعت هالموضوع لأنه كان محيرنا كثير ....
و إن شاء الله الهاااشميه بعد ترتاااح من وضع المرافق ...

يارب أختر لنا الخيره الطيبه

دعواتكم

كل الود

الحمدلله تطمنوا على مرافقينكم لا تشيلون هم

شكراً لك

السوال هل هم يجيبون القبول للمرافق والا لا
الله يعطيك العافيه ما فصرت وجزاك الله خير
الله يوفق الجميع

شكرا لك
وجزاك ربي الجنه
حتى انا مرافقي يبقى يكمل دراسه

السؤال متى تصرف له مكافأة مبتعث مو مكافأة مرافق

اقتباس:

---

المشاركة الأصلية كتبت بواسطة مجروح ويكابر

السوال هل هم يجيبون القبول للمرافق والا لا
الله يعطيك العافيه ما فصرت وجزاك الله خير
الله يوفق الجميع

---

ايه يا الغالي...

هم يجيبون لك قبول المعهد للمرافق و المبتعث ...
بعد كذا أنت إذا وصلت هناك جيب لك قبول من الجامعه و روح للملحقيه
وبعد كذا بتكون أنت جبت لك قبول للجامعه و الوزاره تجيب لك قبول للمعهد

و الله أعلم

اقتباس:

---

المشاركة الأصلية كتبت بواسطة مدرسة الأبناء

السؤال متى تصرف له مكافأة مبتعث مو مكافأة مرافق

---

الله أعلم ..
بس اللي فهمته اليوم أني أول ما أجيب قبول للجامعه اصير مبتعث و ليس مرافق ...

كل الود

يعني اكيد هم يجيبون قبول لغه للمرافق؟

ايه يا الغالي أكيد

بس لو تقدر تجيب لك قبول يكون أفضل

عشان الوقت و عشان تضمن تجيب لك قبول بمعهد ممتاز

كل الود

الحمدلله

والله اني شلت هم امس فكرت باخوي بعد لانه بيقدم استقاله و متحمس للدراسه


الله يسهل الامور معاك و معانا ياااااااارب

و ترجع باعلى الشهادات و تتوظف اعلى من وظيفتك هذي :)