ايش نسوي بعد التدقيق (((للمتقدمين على الماجستير)))

السلام عليكم ورحمة الله وبركاته

ياااخوان ياليت تنوروني وتنورون غيري

في ناس يقولوا انتظر الترشيح النهائي بيكون فيه ملتقى من خلاله يجيبون لك قبول للمعهد

وفي ناس يقولون استغل الوقت الي بعد التدقيق في البحث عن قبول لمعهد وجامعه

طيب ايش المطلوب الان بعد التدقيق

انتظر ولا ابحث عن قبول

كمان فيه نقطه مهمه

لو فرضنا نبحث عن قبول معهد كيف تكون طريقة البحث عن القبول وكيف انسق معهم في وقت مقدر

يعني قبل العيد لازم يكون معاي القبول عشان اسلمه للملتقى

ووش عرفني ان المعهد الي بختاره بيكون مناسب ومافيه تشديد ام لا وهل بيكون في مدينه بها عنصريه ومشاكل او لا

وهل بيكون تابع لجامعه ام مستقل وهل بيكون بولاية صعبة وغاليه او لا

انا عن نفسي مااقدر اجاوب على تلك الاساله بسبب اللغة الانجليزية يعني مقدر ابحث عن معهد واحجز واقرا معلومات عنه

ايضا حبيت اسالكم عن الفيزا

استغرب من بعض الناس يوقولوا استغل وقتك هذا في اخراج الفيزا مدري حسيت اني بشتريها من بقاله

طيب ماقال شلون - وكيف طريقة خروجها - ومن وين

اخواني

اتمنى تفيدوني وتساعدوني ولكم مني دعوات بظهر الغيب

والله الغالب ينصح بأنك تجيب قبول معهد لغه هالفترة وطبعا راح يكون اختيارك من خلال البحث بالنت او اسئل معارف واصدقاء في البلد اللي تبغى تروح له ! على حسب قسمك
ولابد تتأكدانه معترف فيه .. ودور لك احد يراسلهم يحكي انجلش كويس طبعا ويوفر لك القبول افضل من المكاتب التجارية .. وطبعا بيكون من ضمانك الشخصي
اما امر الفيزا فالحال من بعضو خخخ مااعرف اسعى فيها هالفتره او استنى ..بس الوقت مش معانا ابد

من جد صدق أخونا قاهر الأزمان فيه شغلات كثيره نبغى نعرف متى نبدأ فيها

الله يرضى عليكم اللي عنده خلفية يفيدنا ويساعدنا

مشكووووورين

طيب انا ماعندي معارف ولا عندي احد يتكلم انجليزي

ولا اعرف ان المعهد الفلاني معتمد او لا اساسا مااقرا انجليزي عشان اعرف انه معتمد اولا

ومعرف اخاطبهم ولا اعرف احد يتكلم انجلش

انا ماسوي نفسي عبيط بالرد بس فعلا هذا واقعي

المشكلة ان الواحد فوق ماهو خايف من البعثة تتواجد معاه تعقيدات في امور مدري شلون صايره

الله يعين

اجل انتظر الملتقى وهم يوفرون لك قبول معهد بس بيحطونك على حسب مزاجهم ولابد تسعى شوي وتقرأ اكثر عن الخطوات الجاية وتسعى.. صحيح الامور شوية مربكة بس مش لدرقادي !
يعني هونها وتهون .. والوزارة بالنهاية ماراح تعمل لك كل شيء

أنا اتوقع والأفضل ننتظر لين الملتقى

عشان نعرف اللي لنا واللي علينا .. ما نبي نستعجل ونجيب قبول المعهد قبل الترشيح

ومو الكل يقدر يجيب ضمان شخصي.

وبالنسبة للفيزا ما نقدر نطلعها الا اذا طلعنا ال i20 اللي هو قبول المعهد

فأحسن حل ننتظر الملتقى ومحنا خسرانين شي

بالنسبه لي راح اكبر المخده الى اكبر حد واستنى الملتقى واستنى كمان قبول اللغه وبعدين ابدا في اجراءات الفيزا والملابس والبنوك طبعا ان شاء الله نترشح ترشيح نهائي والسبب ماعندي ضمان مالي وكمان اش يعرفني يمكن اجيب قبول المعهد والوزاره ترفضه بحجه معهد غير معترف فيه او تكدس الطلاب او راح يصير تكدس للطلاب وانا مافيني بوجع الراس والسفره الى الرياض لاني عمري ماطبيتها ولا ادري فين الوزاره, خل الوزاره تجيبلي القبول على كيفهم وبعدين اذا ماعجبني المعهد اغيره ماهي مشكله كبيره

معليش عندي سؤال هل نحتاج نعادل المواد اللي درسنها في البكالوريوس ولا لا؟ لان في مواد زي العربي والثقافه ماهي معترف فيها برا اش الحل؟

من جد أمر محيرني كثييييير وفكرت من الآن بالبحث والسؤال قبل موعد الملتقيات

افضل حل في وقت الانتظار اللي يقدر يخش معهد انجليزي يحسن من مستوه يدخل عشان لا يتعب اول ما يوصل بلد الابتعاث خصوصا اذا كان ما عنده اساسيات اللغه وما عنده معارف هناك يساعدونه

اما بخصوص جلب قبول, الوزارة بتتكفل بتوفير قبولات معهد اللغه وحسب ما سمعت اذا ما عجبك المعهد تقدر تغيره بعد سته شهور من الدراسة

بالتوفيق للجميع