-
اخطاء عند التدقيق
السلام عليكم ورحمه الله وبركاته
كيفكم اخواني ......
امسسسسس والحمد لله دققت اوراقي الساعه 8 .... كنت في قمه توتري لان قبل امس جتني الاوراق المترجمه وطلع فيه 5 اخطاء في نقل الدرجات هذا غير ماده بكاملها مو مكتوبه المهم بعد اتصالات ومشاكل امس فتحو المكتب الساعه 4 تقريبا وعدلوها وطبعا دبسوها فوق خشم الواحد يقولو لازم وليت بالدباسه لا حلقه معدنيه وما ادري ايش ...
المهم رحت التدقيق وانا على اعصابي طلبت ورقه تعديل بيانات لان اسمي كان مو زي اللي في الجواز .. وسنه التخرج كنت كاتبه 1426/1427 وهذا سنه تخرج دفعتي لكن بسبب ماده اخروني سنه كامله وصار مكتوب بالوثيقه 1427/1428 .. ثالث خطا في اسم الكليه... بتقولون ايش اللي صح عاد ؟؟؟؟
المهم عدلت الاخطاء ماعدا اسم الكليه راااااااااااااااااااااااااااحت من بااااااااااااالي .... ماعدلتها ايش العمل ؟؟؟ راسلت الوزاره وما ردو علي لسه
بعدين جلست عند المدققه وشافت الخطا في الاسم وتاريخ التخرج اخذت قلم احمر وارسمي دوائري وشخمطي عليها واكتبي و و و وانا هنا مرررررررره توترت قلتلها ليش كل هذا لازم يعني خلص مو كتبتها في ورقه التعديل ؟؟؟؟ قالت عادي مو مشكله قلتلها لكن كتبتي بالاحمر وتلخبطت الورقه قالت لا والله من جد عاااادي .... المهم قلت طيب بس مالي مرتاحه ... مين كان عنده اخطاء في ورقه طلب الابتعاث اللي طبعناها من الموقع وكذا كتبولهم بالاحمر ؟؟؟؟؟؟
بعدين سالتهم قلت ليش هنا مافي تعديل بيانات عالكمبيوتر زي قسم الرجال قالت هناك عندهم صلاحيات اكثر هنا بس تعدلي بالورقه ونحطها بملفك !!!!!!!!
طيب مو هي على اساس مدققه على كل شي !!!!! ليش ما انتبهت على اسم الكليه انها خطا ؟؟؟؟ ولا مو شغلتها انا ما ادري الصراحه من امس لليوم طفشانه وراسلت الوزاره مرتين وماردو بالله قولولي ايش اسوي يعني ممكن اروح عندهم يسوولي تعديل ولا مافي ولاكيف ؟؟؟؟؟؟ اخاف بسبب هالاشياء انحرم من البعثه وهذه اخر فرصه لي من ناحيه العمر وتاريخ التخرج ...
-
رد: اخطاء عند التدقيق
جربي آتصلي على رقمهم ولو في بمدينتك تدقيق لسآ جربي روحي لهم إذا كنتي مره مهلوسة بهالشي
-
رد: اخطاء عند التدقيق
يا اخوووي مو قصه مررررره مهلوووووووسه بهالشي في خطأ وماتعدل اسم الكليه مو صح في خطا مو حرف ولا نقطه
-
رد: اخطاء عند التدقيق
مساء الخير ياقلبي
لا تزعلي بالنسبة للشخبطة بالقلم الاحمر انا كمان سوت لي كذا لانو رقم الجواز خطاء وتاريخ اصدارة وتاريخ انتهاؤءة فلا تشيلي هم
ومن ناحية اسم الكلية المدققة اللي انا سالتها قالت لي بعد ما نعدل لك الخطاء نرجع ندققها من الألف الى الياء يعني حطي على قلبك ثلج راح تشوف خطأك وتعدلها
وضلي استغفري وادعي ان ربي يكون معاك وربي بيسخر لك الخير وين ما كان
الله يوفقك ويوفق الجميع
-
رد: اخطاء عند التدقيق
انا كان عندي خطأ وكانو مراا عسووولات
وطلعوني بقسم رجال الاعمال وهناك لقيت لابتوب وطابعات وكل وحده عندها خطأ راحت عدلت وطبعت من جديد
وصارت اورااقي كااامله ويارب انقبل
//
بالنسبه لك والله أخطائك قوويه ما ابغى اخوفك بس انا ناقشتني المدققه عشان اسمي بالجواز والوثيقه كاتبه لقب القبيله وبالتقديم لقب العائله
قالت ليه ما قدمتي بنفس اسمك بالجواز والوثيقه
الله يووفقك ويارب تنقبلي
-
رد: اخطاء عند التدقيق
مشكورة اختي مقبوله احس اني ارتحت شوي الله ييسر يارب
اختي ايمو الغامدي ... انا بس عطوني ورقه تعديل لا لابتوب ولا طابعه ولاشي ؟؟؟ انتي في دققتي ؟؟؟
الله ييسر ياااااارب والله قلت يمكن ادقق وارتاح لكن بقعد شايله هم لوقت صدور النتايج الله يعيييييييين
-
رد: اخطاء عند التدقيق
انا دققت بجده يوم الاربعاء في فندق راديسوون
المووهيم هما ادوني ورقه او سند انتي اش كتبوا لك فيه؟؟؟؟
انا تم تسليم صور الوثائق المطلوبه
عموما انا قرأت فمنتدى ثاني في ناس زي اخطائك وتم قبولهم اهم شي تحاولي تعيدي الترجمه بكييييييييييير
لان بعدين رح يحتاجونها
وهما متساهلين كثير في بنات كانوا معابا اصلا حتى الوثيقه مو معاهم لانهم خريجات السنه الماضيه ولسه ماطلعت ومشيت اموورهم