إلى أهل الخبرة .. أنا معلم وزوجتي معلمه وحصلت على إبتعاث .. أرجو إفادتي

السلام عليكم ورحمة الله وبركاته

أنا معلم وزوجتي معلمه, وحصلت زوجتي على إبتعاث

مالطريقة في في هذا الموقف في الحصول على إجازة ؟
وهل يسمح النظام بذلك
لو قدمت على إجازة إستثنائية وزوجتي كذلك . هل تنفع هذه الطريقة

والله أنا مهتم جدا بالإبتعاث وأود بإكمال الدراسة بالخارج
واتمنى أن أجد هنا ضالتي

دواعتي القلبية لكل من أادني

اذا تم اصدار قرار الابتعاث > للمبتعث الآساسي < المرافق يرفع خطاب من عمله ويرفق معه صورة من قرار الابتعاث وكم ورقة وبعدها يعطى الاجازة الاستثنائيه ..~

أخووي جزاك الله الجنه على مرورك

لكن أن أسأل عن : هل تقبل زوجتي وهي معلمه بالإبتعاث ؟
لأن قبولها الآن مبدئي

أنا معلم وزوجتي كذلك .. لكن حصلت زوجتي على قبول مبدئي هل تقبل بالإبتعاث ؟

رااح يشيكون في النظاااام اذا موظفين حكوومين سوف يتم استبعااااادكم ....

من ضمن شروط الابتعاث انه مايكون المتقدم موظف حكومي ماادري اذا المعلم له تعامل ثاني
اسأل الوزارة على الايميل
Kasp@mohe.gov.sa

بالتوفيق

أشكر كل من مر وأثرى موضوعي


لكن لم أجد من ضمن الأوراق المطلوبة .. ما يفيد بأنك طالب ولستُ موظف
صحيح من ضمن شروط الإبتعاث أن يكون المبتعث غير موظف
ولكن توجد إجازات إستثنائية بدون راتب أو إجازات دراسية يكون لكل موظف التدقديم عليها

سؤال مهم ويحتاج لإجابته الكثيرين ..

وأنا كلي أمل بهذه الموقع لاجد فيه ظالتي

يا اخوي اذا زوجتك معلمه وتم اكتشافها راح تلغى بعثتها وبعثتك حتى لو كنتم في امريكا


واذا كانك تقول ما يهمني بس بجرب حظي ومتأكد ان زوجتك ما تم تعديل مهنتها عن طريق الاحوال او الخدمه المدنية فجرب حظك يمكن تروح وتدرس انت وياها ولا احد يدري عنكم لاني اعرف ناس سووها بس قبل كم سنه قبل ما يكون فيه تشديد


بس الان الوضع تغير راح يشيكون عليها ولو مشت من هنا وتم اكتشافها من الملحقية فثق تمام الثقه انها راح تلغى بعثتها


وبالنسبة للاجازة الاستثنائية ما راح تفيدها

فيه فكرة حلوه لك ولها انو هي تقدم ابتعاث عن طريق الوازرة لان بعثة النساء عند الوزارة اسهل من الرجال وتكون نظامية بس لها شروط


موفق واي سؤال حاظرين يا حبيبي

أقول: ترى الطمع مهب زين.. لا تجازف وبالأخير ترجعك الملحقية أنت وزوجتك في كراتين.. انتبه تتحايل على وزارة حكومية لأنك الخسران بالأخير.

امش عدل يحتار فيك عدوك.. ومن بغاه كله خلاه كله

أشكرك أخوي ارمان على مرورك وردك

الله يوفقك أخوي أنت وزوجتك، بس هم من شروطهم أن المبتعث مايكون موظف، ولعلها تمشي، بس إذا مامشت ترى وزارة التربية والتعليم تبتعث مدرسين ومدرسات للخارج، حاول تقدم عن طريق الوزارة وتسأل وتتواصل، أعرف كثير جاهم ابتعاث عن طريق الوزارة وهم مدرسين.