ليش ؟؟

انا عن نفسي اشوف ان موضوع البعثة فرصة ما تتعوض طبعا هذا للانسان اللي عنده طموح ويحب يدرس وياخذ شهادة عاليه يستفيد منها ويفيد بلده

انا اشوف ان الابتعاث فرصة لتطوير الشخص من عدة نواحي..ليس فقط من الناحية الدراسية فقط ويتيح للشخص الفرصة للتعرف على ثقافات الشعوب الاخرى

أشكرك أولاً على طرحك الرائع

أول سبب خلاني أقدم على الابتعاث اني ما حصلت قبول في التخصص اللي ابيه داخل المملكة << وحتى لو جاني قبول كنت بقدم عالابتعاث وبسافر :P
السبب الثاني ان في فترة الابتعاث بتعلم أشياء كثيرة لا حصر لها منها الاعتماد على النفس ،، الاستقلال ، بتعلم كيف أوفر واقتصد في المصاريف وذا شي لازم كل واحد يتدرب عليه من الحين قبل مايسافر ،
بتعرف على ثقافات شعوب جديدة علي وعادات وممكن أرجع البلد ومعاي أفكار وثقافات تفيد البلد ان شاء الله ، ممكن أنشر ثقافات اسلامية

وأشيااء واجد بعد بس ماتحضرني ذهنيا الحين

ماحصلت شغل زين
فقدمت على البعثة
مع إن معدلي عالي ولله الحمد

اممممممممممم..

موضوع مره حلو.. مشكور اخوي


بالنسبة لي..انا احب تخصصي...لكن للأسف دراستي في الجامعة الغبية مااااش..

بس المهم ... بعد ماتخرجت حطيت في بالي شي اساسي..اني اكون معيده بالجااامعه عشان بعدها اكمل مااااستر..

وع طول قدمت ع الوظيفه... بس جامعتنا المحترمه كانت توها في بدايتها ..وانا خريجة علوم وتربية

وحطوا شروط من ضمنها..ان لازم اكون كلية علوم... لكن فيه بنات من ضمن الدفعه حصلوا الوظيفه بواسطه طبعا..واحنا راحت علينا

وما يئست قدمت مره ثانيه ونفس الشي كل مره يستبعدوا الطلب..

قلت باروح ادرس ماستر

قدمت في جامعتي وفي جامعة ام القرى بعد..بس كالعاده مقاعد محدوده..

ومحجووووووزه بعد

مع ان اهلي اذوني يقولوا وش تبين بالدراسه ...

بس انا صراحه احب ادرس..احب اتعلم شي جديد..

وغير كذا.. شفت خواتي لمن تزوجوا بدري اضطروا يفصلون من الجامعه وماكملوها

وندموا ندم شديد.... لأن هالزمن المرأه بلا شهادة ولا وظيفه مالها قيمة للأسف

فشفت معاناتهم اللي عانوها واصريت الا اكمل دراستي

عرضت على الاهل موضوع الابتعاث... وافق البابا.. بس البقية رفضوا بحجة انه عيييييييييييب ومحد بيتزوجك..."" تفكير مجتمعنا المتخلف كذا""

قلت بالطقاق اهم شي ادرس واتوظف وارجع يكون لي فرصه اخدم بلدي واخدم مجتمعي...وأصير مؤمنه على مستقبلي..لأن مابه احد بينفعني...

فخلاص..جتني فرصة احقق حلمي وطموحي بأني اكمل دراسه...ليش اضيعها من يدي...؟؟؟

اضافة لاني رح اكتسب لغه..وهذا شي اتمناه..ورح يكون باب لأني اتعلم لغات ثانية .. لأني احب هالشي

وكمان الخبرة الحياتية اللي حاكتسبها من غربتي..واللي اكيد رح تطورني وتصقل شخصيتي



وطبعا حاطه في بالي انه رح اكمل دكتوراه ان شاء الله...


ربي يوفق الجميع وييسر لنا الامور

بالضبط..لأن الشعب السعودي الحبيب..أغلبهم مافيه شي عنده اسمه نظام..اقتصاد... اعتماد على النفس..

حتى مهارات الحوار والتعامل مع الغير نفتقدها كثيرا للأسف...."مو الكل "

وبالضبط الابتعاث فرصه لتعلم الجديد المفيد.... ونشر الدين والأخلاق الاسلاميه

واتمنى من كل المبتعثين انه يكون خير سفر للاسلام وللوطن.. ويكون كل واحد مؤثر في غيره ولا يتأثر بالامور السيئة..


ولازم نتذكر ان الدعوه للدين الاسلامي تكون غالبا بالتعامل والاخلاق اللي يشوفوها عليك الناس... اكثر من انك تروح لشخص وتقول له تعال اسلم


عذرا ... بس شي حبيت اذكر فيه نفسي وغيري...


احترامي..!!