-
معجزة التتوصيات
السلام عليكم ورحمة الله وبركاته
انا كتبت هذا الموضوع بعد ما عانيت ولسع ما طلعت توصيات بالانجليزي طبعا انا عارفة ومتأكده انو في ناس كثير زي بس ايش الحل ؟يعني معقول توقف البعثه على هذي التوصيه
انا عندي توصيات بالعربي بس ايش المشكله؟ المشكلة انو التوصيات مافيها لا رقم تلفون ولا ايميل الدكتوراة ولمن رحت امس عرفت انو خلاص رجعو بلدهم . طيب رحت اليوم الكليه دورت على دكتورات درسوني ما لقيت رحت للمشرفه حقت القسم الله لا يوفقها احبطتني وقالتلي مالي صلاح خلاص هذا نصيبك ارضيبو
ايش اسوي الله يخليكم قولولي
-
رد: معجزة التتوصيات
غريبة المفروض تكون التوصيات بالانقلش سواء كانت لجهة عمل او للدراسة في الخارج تكتب بالانقلش
طيب ارجعي لكم دكتورة درسوكي وخليهم يكتبولك هيا يكفي 3 دكاترة والله يكون في عونك حبيبتي
-
رد: معجزة التتوصيات
مو المشكله يا اختي انو ما عاد في دكتوره درستني اللي باقين كلهم استاذات
-
رد: معجزة التتوصيات
بالنسبة للتوصيات اللي بالعربي ترجميها
ومو لازم يكون على التوصية رقمه أو إيميله هذا حسب علمي
لأن مو معقوله بيدقوا على الدكاترة ويقوله الطالب هذا درس عندك
ويكمن الدكتور اللي درسني ما يعرف يتكلم إنقلش..؟
أهم شئ تكون موقعه من الدكتور وعليها ختم الجامعة
-
رد: معجزة التتوصيات
الله يبهذل استاذات ودكتورات جامعه الملك عبد العزيز طلعوا عيوني وحفيت رجولي وانا اجري وراهم علشان التوصيات
الله يعينك بس
-
1 مرفق
رد: معجزة التتوصيات
انا لمن روحت اخد توصيات اعطتني الاستاذه نموذج قالتلي اكتبي زيه وجيبيه اوقعه واختميه من غرفة الدراسات العليا بعدين روحت لسكرتيرة القسم عشان اتاكد من التوصيه اعطتني نموذج تاني استاذه تانيه كاتبته ونفس الكلام قالتلي اكتبيه واعطيه للاستاذه توقعه وسويت زي ماقالو كتبته ووقعوه واتختم حتى الاستاذات الباقيين ماقرؤا الكلام والايميلات حقتهم اخدتها من موقع الجامعه .. في المرفقات النموذج
-
رد: معجزة التتوصيات
بإمكانك اختي الوصول للدكتور اللي درسك في اي مكان وراسليه
سوي بحث عن طريق الاسم
زوجتي راسلت دكتور في باكستان درسها قبل اربع سنوات وكان متعاون وسجلت ايميله في بعض الجامعات اللي قدمت عليها وراسلوه الجامعات وكان يعبي نموذج التوصيات اللي ترسل له من الجامعة
وبعدين انا اخذت توصيات من دكاتره ما درسوني اصلا ليش التعقيد هذا
وحتى ما شافوا سجل الدرجات بس تعاونوا معاية وكتبوا لي توصيات باللغة الانجليزية
لكن هذي مشكلة (النساء) وكأنهم بدفعوا من جيوبهم وحدث هذا في جامعة الدمام يقولوا ما نعطي اكثر من ثلاث صور طبق الاصل بينما في جامعة الملك سعود قسم (الرجال) قالو خذ الختم والاظرف وصور وأختم واذا خلصت اعطنا الختم.
انا انصح جميع المبتعثات يرسلوا اي قريب لهم لفرع الرجال لتمشي امورهم بدون تعقيد وفي نفس اليوم.
-
رد: معجزة التتوصيات
والله يا اخواني واخواتي تعبت بس المشكله انو ماني لاقيه تعاون من اللي في الكليه لا وكل كليه ترسلني للتانيه وتقلي اذا اختي توصيات من الكلية الثانية احنى مالنا صلاح فيها لانو مو من عندنا انا بكره اروح كمان واحاول وامري لله
بس سؤال بسيط هل اترجم التوصيات اللي عندي ومولازم رقم الهاتف والايميل ؟
والاوراق اللي احطها في الظرف صور عادية ولا لازم طبق الاصل لانو طلعت الصور بطلوع الروح وما ابغى اضيعها على الفاضي
وربنا يوفقكم بالبعثة ويسهلكم طريقكم ويجزاكم الجنه اجمعين
-
رد: معجزة التتوصيات
روحي لاي دكتوره في الجامعة حتى لو مو تخصصك و اشرحي لها الموضوع, لكن ما ادري تمشي او لا , لكن اتوقع تمشي
-
رد: معجزة التتوصيات
الله يعينك
انا كمان لمن رحت اخد التوصيات كاني بشحتهم بس الحمدلله عدت ع خير..
لو كلهم مسافرين شوفي اي دكتورة درست نفس الماده و مو شرط تكون درستك اطلبي منها توصيه بعضهم يرضو وبعضهم لا بس انتي وحظك\
وربنا يسهلك