الأعضاء الإشتراك و التسجيل

الملتقيات
ADs

لتطمئن قلوبكم ..

لتطمئن قلوبكم ..


NOTICE

تنبيه: هذا الموضوع قديم. تم طرحه قبل 4559 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة كيميائيه طموحه
    ألف شكر لك أخوي وربي ييسر لك أمرك ..
    بس بسألك معلش يعني ايش (( المرحله السابقه كان الطالب يقدر يؤجل البعثه الحين مايقدر )) يعني م نقدر نأجل السفر ؟؟؟

    تيب واللي عنده ظروف كيف .. أنا م اقدر اسافر قبل تموز ( زواجي أول الصيف :$

    ربي يطمن قلوووب الكل بالقبول النهائي ..
    المرحله الي فاتت والمراحل الي قبلها
    كان الطالب يقدر يؤجل بعد الترشيح النهائي سته شهور او سنه ويكمل اجراءات وقبول بعدين
    الحين مافي تأجيل
    لكن عندك فتره طويله
    مادري تموز يصادف اي شهر
    لكن ع العموم الملتقى بعد عيد الاضحى وبعده ينتظرون الطلاب القبولات شوفي كم تاخذ اسبوعين ثلاثه شهر
    وبعدها اذا اخذو القبولات يبدون مراجعات للفيزا ويحجزون موعد بالسفاره وشوفي عاد الموعد متى
    وبعد مايخلصون من السفاره ينتظرون الفيزا وتطوووول في ناس اخذت معهم اكثر من شهرين
    وبعدها مراجعات مع الوزاره وشوفي كم تاخذ قبل مايعطونك امر الاركاب وتخلص التذاكر ويعطونك مده للسفر حدود شهر
    يعني مطووول الوضع
    مبروك والله يتمم لكم على خير ويوفقكم
    7 "
  2. المشاركة الأصلية كتبت بواسطة roaaa
    الحمدلله انا مررره ماني قلقانه بالعكس من شدة الحماس جالسه افكر ايش الملابس والاغراض اللي اخذها معايا
    هههههههههههههههه وانا كمان ميرسي بكوو علمتني الحياه ع الموضوع
    7 "
  3. معك حق والله يطمّن الجميع كثر الكلام والاشاعات والاستعجال مافيها خير لا بتقدم ولا بتأخر بس بتزيد توتر وقلق عـ الفاضي
    الحمد لله المفروض الواحد يكون مرتاح لأن اعتقد الكل استخار قبل لايبدأ بهذه الخطوه فالمفروض الكل مرتاح لأن اللي الله كاتبه خير له
    وبالتوفيق للجميع
    7 "
  4. المشاركة الأصلية كتبت بواسطة علمتني الحياة
    صباح الخير ..
    لتطمئن قلوبكم كتبت الموضوع هذا
    ألتمس توتر من بعض الأعضاء والعضوات حول الأبتعاث
    قبل فتره كان هذا القسم يضج بمواضيع الملتقيات وتعبئة الأستماره والتوصيات وتخوفات وأسمي فيه غلط ...الخ
    والحمد لله الكل دقق اوراقه ومشت الأمور حلاوه بحلاوه ويمكن كثير تحسف على القلق الي عاشه بالفتره السابقه
    وبتكلم بشكل موجز عن أبرز مايقلق الأعضاء

    الترشيح النهائي:

    ياأخوان وياأخوات بمرحلة التدقيق أنا وقتها جيت بدري للمركز التدقيق وشفتو أنتو كيف تعاملهم الراقي مع الطلاب
    بعد ماخلصت تدقيق ماكان في طلاب واجد وكان المشرف على المدققين دكتور متواضع
    فستغليت الموضوع بالذات أنو جاي من سفر فقلت خلني اسئل عن اي شيء مو فاهمه
    فجيت عنده ومسيت عليه والرجل خدوم قبل ماتكلم تفضل يابني اوراقك معك تعال معي فقلت له لا الحمد لله خلصت وانتهيت بس عندي شوية اسئله محيرتني ماعليش اخذ من وقتك 5 دقايق بس
    فقال ابد تفضل حنا هنا لخدمتكم
    شفت فيه أخلاق وتعاون رائع
    فقلت له يادكتور كم الأعداد الي محددينها للابتعاث
    فأبتسم وقال يااااهو ياهالسؤال كل يوم أنسئل فيه من طالب
    قال مافي عدد محدد
    الي مطابق للشروط يعتبر مقبول
    إن شاء الله كان العدد الي هو
    فقلت له يادكتور الوصل الي اخذته قبل شوي مكتوب فيه انو هذا لايعتبر قبول نهائي
    قال ايوه
    لانو في بعض الطلاب يكون عندهم نقص ببعض الأوراق
    وفي بعض الطلاب تكون عندهم معلومات غلط
    وبرضو في تدقيق ثاني بالوزاره
    وانتو وقعتو عليه ويقصد الأستماره الي فيها ترتيب الاوراق واوقع ان جميع الاوراق المطلوبه في الاستماره > ووقعنا عليها
    فمايعتبر قبول نهائي لهذا السبب
    ندقق مره ثانيه امورك تمام خلاص ماعليك شيء
    وحتى قال لي كلام طمني
    قال واذا شفت انك مطابق للشروط وماعليك نقص ومانزل اسمك فراجع الوزاره لانو اكيد في خطا
    أنتهى كلامه الله يجزاه بالخير
    ومافي شيء اسمه مفاضله حتى لطلاب الثنوي
    كمفاضلة قبول او رفض
    المفاضله بتغير التخصص في بعضهم طب يغيرونه الى تخصص طبي ثاني حسب مقاعد الجامعه
    يعني كقبول كلنا مقبولين
    بس اي رغبة يعطونا الاولى الثانيه الثالثه هذي ماحد يدري فيها

    صجة القبولات والمراسلات
    الوزاره تتكفل بالقبولات
    مثل ماأنتم عارفين قرءنا مواضيع أنو جيب قبول لنفسك وتراسل جامعات ...الخ
    الكلام هذا صحيح
    لكن كجراءت معقده بالذات ضمان بنكي بحساب فيه اكثر من 100 ألف و...الخ من التعقيدات
    الأوضاع تتغير من مرحله لمرحله
    المرحله السابقه كان الطالب يقدر يؤجل البعثه
    الحين مايقدر
    بعد اسبوع او اسبوعين تنزل الاسماء
    تحضر الملتقى وعندك دكاتره تستشيرهم ويساعدونك
    وبالملتقى يفهمونك من طقطق الى السلام عليكم
    لانو احتمال تخسر مكاتب ووووالخ
    واخر شيء يقولون لك لامانقبل او ممنوع ومن هالكلام
    الأمور تساهيل
    وفي العجله الندامه
    وبكل بساطه اي معهد او ولايه يختارونها لك
    اذا رحت هناك تقدر تغير الولايه والمعهد


    الجيمات والتوفل واختبارات القبول

    سنه لغه معك تشد حيلك وتخلصها وتاخذ لك 6 شهور تمخمخ على اختبار الجيمات او التوفل وعلى حساب الملحقيه بأحد المعاهد

    صحيح انها اختبارات مش بسيطه
    لكن من جد وجد
    وكلنا مرينا في الجامعه بختبارات كثيره وكنا متخوفين وتسهلت
    الصعوبه = يذوبها الجهد

    روقو المنجا وهدو اعصابكم
    وعصيرررر ليمون
    وخلو النفسيه رايقه
    والامور كلها تمام
    ومصيركم تروحون
    فتإنعموا بوقتكم الحالي
    ومع اهلكم
    حفظكم المولى ...
    جزاك الله خير أنت يا خي مصدر للتفاؤل ليت لو بعض الأخوة إلي يحبون ينشرون الإشاعات و يكسرون المجاديف يصيرون زيك
    7 "
2 من 6 صفحة 2 من 6 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.