الأعضاء الإشتراك و التسجيل

الملتقيات
ADs

ملف أنجري بيرد الأسود America's Musts

ملف أنجري بيرد الأسود America's Musts


NOTICE

تنبيه: هذا الموضوع قديم. تم طرحه قبل 2261 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية rawaa felemban
    rawaa felemban

    متعاون سابق

    rawaa felemban الولايات المتحدة الأمريكية

    rawaa felemban , أنثى. متعاون سابق. من السعودية , مبتعث فى الولايات المتحدة الأمريكية , تخصصى ESL -> RT , بجامعة George Mason
    • George Mason
    • ESL -> RT
    • أنثى
    • Fairax, Virginia
    • السعودية
    • Sep 2011
    المزيدl

    October 6th, 2011, 11:51 PM

    عشان تعرفو إيش هرجة ملف أنجري بيرد الأسود

    لازم تعرفو إني من المتحمسين .. اللي كل ساعة ساعتين أشيك على موقع الوزارة ..

    وأشيك عالملتقى واجّمع وأكتب معلومات من كل حتة

    على مكتبي حاطة ملفات .. منها ملفات انجري بيرد

    عندي اتنين اصفر وواحد أسود .. كلهم عن أمريكا

    المهم .. الملف الأسود عن الحاجات اللي ممكن أحتاجها وراح أحتاجها وأشتريها من أمريكا

    والحاجات اللي حأحطها في الشنطة إن شاء الله وفي ال carry on bag

    في حاجات منها جبتها من الملتقى دا





    أول شي .. الشنطة وما أدراك ما الشنطة

    شنطة مبتعث جديد( مهمة للكل طبعاً )

    وغيرها كتيير من المواضيع .. لكن هوا دا الموضوع اللي حاطاه في المفضلة

    بالنسبة للبنات .. افتحو

    www.mbt3th.us/vb/forum81







    أفضل شركات الاتصال في أمريكا

    معلومات مبسطة عن خدمات الاتصالات في أمريكا (للجدد)

    أنا عن نفسي أفضل AT&T

    وصراحة .. انا ما عندي بلاك بيري حاليا .. لكن أعتقد والله اعلم اني راح اشتري واحد من هناك .. ليش ؟؟

    منو التواصل اسهل .. وكان عندي أصدقاء راحو على أمريكا من قبل .. وكان البلاك بيري نعمة من ربنا .. شي يطمن القلب وأرخص كتير من الرسائل العادية

    واللي عندو ايفون أحسن بكتيييييييييير .. فيلو أبلكيشن لا غنى عنها

    وفيها برامج كتيرة تساعد عالتواصل .. viber .. wtsapp






    مواقع مهمة وحتكون في لاب توبي الجديد إن شاء الله .. مفيدة جدا ..

    www.samsclub.com/sams

    www.costco.com

    راح تعشقو المحلات دي .. محلات فيها كل شي ورخييييييييييييصة .. مو مرررا رخيصة لكن ارخص من المحلات العادية .. هيا سوبرماركت .. محل الكترونيات .. مخبز .. مفروشات

    وادخلوها اون لاين قبل لا تروحوها . ممكن تلاقو تخفيضات ما تلاقوها لمن تروحو تشترو من المحل نفسو

    احد قلو الامريكان عنهم سمنة .. يقدرو يوصلو لكل شي من بيتهم ..

    ربنا لا تبلانا







    www.yellowpages.com

    تقدرو توصلو لأي محل تبغوه .. بس دورو في أي فئة ودوروا

    www.outletbound.com

    توصولو لمحلات التخفيضات .. مدري ايش اسمها صراحة

    تلاقو فيها الملابس اللي بقيت بعد التخفيضات واسعارها ممتازة

    مهي وسخة ولا مستعملة .. انما اللي بقيت .. وعادة ما تكون ماركات عالمية





    www.rossstores.com

    أنا ادمنت عالمكان دا

    وهوا اوت ليت لكن جبت موقعو خصيصا عشان احبه

    عشان الماركات فيها رخيصة .. لكن المحل مو مرتب زي المحلات العادية .. يعني لازم تنبشوا

    أنا أجي اول النهار وانا فاكرة واقعد اشمر عشان ادور ملابس

    أغلب المقاسات في لكن لازم تدوير زي الناس

    لقيت فيها جينزات أول ما توصل في المحلات تكون ب 600 وفوق .. تلاقوها هناك ممكن بما يساوي 50 ريال




    Expedia Travel: Vacations, Cheap Flights, Airline Tickets & Airfares

    Cheap & Discount Travel Deals, Flights & Hotels | Hotwire.com

    Priceline.com | Best deal on Hotels, Flights, Cars, Vacations & more!

    Slickdeals: The Best Deals, Coupons & Discounts on Laptops, Computers, LCDs, TVs, Dell, HP, Apple, Amazon

    www.carfax.com

    دي مواقع فيها عروضات للمفروشات والسيارات المستعملة .. استخدموها .. التخفيضاات رائعة فيها




    MapQuest Maps - Driving Directions - Map

    دا الموقع للناس اللي ما عندها جي بي اس في السيارة

    اختار مكان وحط عنوانك الحالي .. يجبلك خريطة ويقلك كل مدخل وكل لفة تلفها بالسيارة

    مرة سافرنا بالسيارة من واشنطن لفلوريدا بس من الموقع دا



    للي يحبو الحيوانات ويبغو shelters

    www.adoptapet.com







    حاجات لازم تنشال في الشنطة اللي معاك في الطيارة *وافضل انكم تعملو نسخ من كل شي وتحطو فايل في كل شنطة*
    -- دي الحاجات جبتها من موقع الملحقية حقت امريكا --

    صور من الشهادة الثانوية ومن كشف درجات الجامعة

    صوور كتيييييرة من قرار الابتعاث

    صووور من الاي توتني وقبوول الجامعة

    الخطة الدراسية .. اطلبوها من المعهد حق اللغة

    صور شهادة الميلاد و شهادات التطعيم

    الهوية الوطنية وكرت العائلة ورخصة القيادة

    صور من الجوازات

    صورة من فيزا الطالب اللي في الجواز

    معلومات عن المعهد اللي حتدرسوا فيه .. رقم الهاتف والموقع وكدا

    ودي من عندي : اللاب توب .. وخلوه نظيف مافيه حاجات مسرووقة

    ملابس ليوم عشان لمن توصلوا الملحقية

    مزيل رائحة عرق وفرشة اسنان

    بالنسبة ليا .. شي يتاكل .. من غير سكر محد راح يفهملي

    بطارية اضافية للجوال

    تاكدوا تشغيل تجوال في شرايحكم قبل وصول بلد الابتعاث



    ودا اللي عندي

    اسفة لو ضيعت من وقتكم

    وربنا يرزقنا بفرحة الترشيح النهائي

    ويوفقنا في دراستنا ويكتبلنا البركة في كل خطوة
  2. حاجات لازم تنشال في الشنطة اللي معاك في الطيارة *وافضل انكم تعملو نسخ من كل شي وتحطو فايل في كل شنطة*
    -- دي الحاجات جبتها من موقع الملحقية حقت امريكا --

    صور من الشهادة الثانوية ومن كشف درجات الجامعة

    صوور كتيييييرة من قرار الابتعاث

    صووور من الاي توتني وقبوول الجامعة

    الخطة الدراسية .. اطلبوها من المعهد حق اللغة

    صور شهادة الميلاد و
    شهادات التطعيم اتمنى التوضيح كيف احصل على شهادات التطعيم

    الهوية الوطنية وكرت العائلة ورخصة القيادة

    صور من الجوازات

    صورة من فيزا الطالب اللي في الجواز

    معلومات عن المعهد اللي حتدرسوا فيه .. رقم الهاتف والموقع وكدا

    ودي من عندي : اللاب توب .. وخلوه نظيف مافيه حاجات مسرووقة

    ملابس ليوم عشان لمن توصلوا الملحقية

    مزيل رائحة عرق وفرشة اسنان

    بالنسبة ليا .. شي يتاكل .. من غير سكر محد راح يفهملي

    بطارية اضافية للجوال

    تاكدوا تشغيل تجوال في شرايحكم قبل وصول بلد الابتعاث


    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.