الجواز عندي احترق >> ساعدوني

اهم شي ماترمي المحترق جبه معك في الجوازات لوما فيه ولا صفحه لان زوجي قطع الجواز لانه متهي ورماه ويوم قدمنا على الابتعاث راح للجوازات قالو وين الجواز قال منتهي وقطعته بكل برود هههههه قالوا مانطلعلك واحد الا لما تجيبه لو انه مفتت انتبه

اي استفسار او حاجة مو مقتنع فيها ؛ تقتدر تراسل الوزارة نفسها و شوف ايش يردون عليك

الحمد لله على السلامة. ، و هذه النصيحة من معقب سابق ،،،

اطلع على الجوازات بجوازك المحترق و تقرير الدفاع المدني ، و قدم كأنك بتجدد الجواز و سدد الرسوم ، طبعا خذ معك صور ، و راح يصدر لك جواز جديد برقم جديد و صلاحية خمس سنوات هجرية جديدة ...

بالتوفيق أخوي ، و الله يعوضك خير ، و عساها خيرة ، و ترى الموضوع جدا سهالات بس أهم شيء تقرير الدفاع المدني لا تنساه ، إلا ( إذا كنت تعرف أحد بالجوازات ) ،،، ( واسطة ) فشطب على كلامي كله بإستثناء السداد ،،

الله يسلمكم ويجزاكم كل خير على دعواتكم ووقفتكم المعنوية معي

بروح للجوزات اول شيء بشوف انشالله تتيسر

اذا رحة قلنا وش صار وياك

الحمدلله على سلامتكم نهائيا ما ياثر تغيير رقم الجواز اولا روح الجوازات وعطهم جوازك وبيغيرونه لك وتراسل الوزاره من خلال طلبك وتكتب لهم الوضع تاثر جوازك بحريق وهذا صوره من الجواز الجديد
انت حر تراسل الوزاره على طول بعد تغيير الجواز او تنتظر لين النتايج

عن تجربة >> اطلع للجوازات وانت واقف ماياخذ الموضوع 20 دقيقة او اقل لكن لازم تبين لهم ان الجواز محترق مع البيت ( ورقة من الدفاع المدني ) وماهو ضروري ورقة من الدفاع المدني لان عشان تتلافى الغرامة بدافع الاهمال ( 500 ريال ) .. وهم احيانا متفهمين وحبايب وبيمشونك بدون غرامة مالية اول ماتدخل بيعطونك نموذج تلقى فوق مكتوب ( اصدار جواز جديد , بدل تالف , تجديد ... الخ ) انت حط صح على بدل تالف والباقي بياناتك وكل امورك زينة واذا تبي نصيحتي ادخل على موقع المديرية العامة للدفاع المدني بتلقى مكتوب نماذج ادخل وحمل نموذج اصدار جواز او تجديد جواز واكتب بياناتك وبدل تالف وكذا واطبعها وبتوفر على نفسك وقت وجهد لان هناك اتحداك تلقى احد يعطيك قلم ههههههه.. من ناحية البعثة انا مقدم على ابتعاث وزارة الصحة وصار نفس الشي ( بس انا طفاقة مني احترق ههههه وغرموني وبغوا يتوطون ببطني بعد ) ورحت وسالتهم قالوا مو مهم اهم شي يكون معاك جواز ساري المفعول وقت اصدار قرار الابتعاث وبعد عشان الفيزا وكذا ... روووق المنقاا الموضوع بسييييييييييط جواز السفر واوراقك تساااااهيل وانا اخوك ..

ايه صح لاتنسى ( 150 ريال رسوم اصدار الجواز ) خخخخخخخخ ... اي استفسار انا حاضر .. من كثر مااترددت على الدوائر الحكومية صار عندي خلفية ملعونة والدين هههههه

<<< ملعونة والدين ؟؟ .... لاتعليق ..

لاتلوموني من كثر الانتظار مدري وش فيني كل شوي اتحكحك ..

الف الحمدلله على سلامتك

وتوكل على الله وكل شئ بيصير تمام ان شاء الله

^^^^ جالس اسمع الفتاوي واضحك

الله يعينك

لازم يحقق معك الموظف المسؤل ... ويرفع التحقيق مع طلب الجواز الجديد مع الجواز القديم للرياض ... وتجي الموافقه من هناك على اصدار جواز جديد

هالعمليه تاخذ ( شهر - ثلاثه اشهر ) على حسب موقعك وقربه من الرياض

والرقم لازم يتيغير مافي شئ اسمه بنفس الرقم وحتى التواريخ تتغير لانه سيستم مايقبل يطبع نفس الشئ مرتين

بالتوفيق